Mətləb Ağa

Vikipediya, azad ensiklopediya
Jump to navigation Jump to search
Mətləb Ağa
Ağayev Mətləb Rəfail oğlu
Mətləb Ağa.jpg
Doğum tarixi 1975(1975-Şablondakı doğum və ya ölüm tarixində texniki yanlışlıq var!-00)
Doğum yeri Salyan
Vətəndaşlığı
Uşaqları Vahid Ağayev, Güllü Ağayeva
Atası Rəfail Ağayev
Təhsili Ali
İxtisası Bakı Dövlət Universiteti, hüquqşünas
Fəaliyyəti şair
Janr Poeziya, proza
Mükafatları Əli bəy Hüseynzadə mükafatı (2017)

Mətləb Rəfail oğlu Ağayev (Mətləb Ağa) - Azərbaycan yazıçısı.

Həyatı[redaktə | əsas redaktə]

Mətləb Ağayev 1975-ci ildə Salyan rayonunda anadan olub. Bakı Dövlət Universitetinin hüquq fakültəsini bitirib. 1997-ci ildən Azərbaycan Yazıçılar Birliyinin üzvüdür. Azərbaycan Respublikası Baş Prokurorluğunun şöbə prokuroru, ədliyyə müşaviridir.Azərbaycan Milli Elmlər Akademiyasının Fəlsəfə və Hüquq İnstitutunun dissertantıdır.Əli bəy Hüseynzadə mükafatı laureatıdır (2017).

İlk şeiri 1990-cı ildə "Gənclik" jurnalında nəşr olunub. Müxtəlif illərdə şeirləri "Qobustan", "Xəzər", "Ulduz", "Azərbaycan", "Multikulturalizm", "Xudafərin" (Tehran, 2019) jurnallarında, "Yol", "İlham", "Rezonans", "525-ci qəzet", "Palitra", "Kaspi", "Ədalət", "Ədəbiyyat qəzeti","Aydın yol" və s. qəzetlərdə, "Ağ yol", "Qar çiçəyi", "Muğanın səsi", "Şeir vaxtı", "Çağdaş seçkin Azerbaycan şiiri" (türk dilində), "Çağdaş Azərbaycan poeziyası" (gürcü dilində), "Yeni zaman Azərbaycan şeiri antologiyası" (qazax dilində), "The independence poets of Azerbaijan" (ingilis dilində) və s. almanaxlarda dərc edilib.

"11-ə qədər" (Bakı, "Qanun" nəşriyyatı,2013), "Yüzdə səksən" (Bakı, "Elm və təhsil" nəşriyyatı, 2015), "İnsanlıq üçün 41 variasiya" (Bakı, "Elm və təhsil" nəşriyyatı, 2015) və "Gələcək haqqında xatirələr" (Bakı, "Elm və təhsil" nəşriyyatı, 2018) kitablarının və bir neçə sevilən mahnı mətnlərinin müəllifidir.