M1 Abrams

Vikipediya, açıq ensiklopediya
Jump to navigation Jump to search
M1A1 Abrams
M1A1 Abrams Tank in Camp Fallujah.JPEG
Növü Əsas döyüş tankı
Mənşəyi Flag of the United States.svg ABŞ Amerika Birləşmiş Ştatları
İstismar tarixi
İstismar 1980- davam edir
İstifadə edildiyi müharibə(lər) İraq müharibəsi (2003-2011)
İstehsal_tarixi
Konstruktor Chrysler Defence
İstehsalçı Lima Army tank plant Detroit Tank Arsenal
Texniki məlumatlar
Ağırlığı 61.3ton
Uzunluğu 9.77 m
Eni 3.45 m
Hündürlüyü 2.44 m
Ekipaj 4 nəfər

Zireh Chobham, RHA
Əsas
silahı
105mm M68 yivli top (M1)
Köməkçi
silahı
1× 12.7 mm M2 BMG M240 7.62 mm
Motoru AGT-1500 turbine motor, Allison DDA X-1100 3B
Güc/Ağırlıq 1500 a.g.

M1 Abrams ABŞ istehsalı üçüncü nəsil əsas döyüş tankıdır. Yüksək mobillik qabiliyyəti olan bu döyüş maşını müasir zirehli quru döyüşləri üçün nəzərdə tutulmuş güclü zirehə sahibdir. Hazırda dünya ordularında istismar olunan ən ağır tanklardan biri hesab olunur.

İlk dəfə 1980-ci ildə ABŞ Ordusunda silahlanmaya qəbul olunmuşdur. Hazırda ABŞ-la bərabər Misir, Küveyt, Səudiyyə Ərəbistanı, Avstraliyaİraq ordularının da silahlanmasında olan əsas döyüş tankıdır. Sonuncu istehsal variantı olan M1A2 modifikasiyası yeni nəsil zireh və elektronik sistemlərə sahibdir.[1]

Tarixi[redaktə | əsas redaktə]

M1 Abrams tankları Soyuq müharibə dövründə prototip olaraq hazırlanmış MBT-70 tanklarını əvəz etmək məqsədilə istehsal olunmuşdur. Tərkibi zəiflədilmiş uraniumdan ibarət olan Chobham zirehinin istifadə olunduğu ilk texnikadır. Körfəz müharibəsi ərzində atəş gücü və NBC (nüvə, bioloji və kimyəvi) qoruması artırılmışdır. İraq tanklarından üstün olması səbəbilə müharibə ərzində çox az sayda M1 tankı düşmən atəşi nəticəsində zədə almışdır. Abramslar 2003-cü ildə İraqda başlamış müharibədə və Əfqanıstan döyüşlərində də aktiv istismar olunmuşdur.

İnkişaf etdirilməsi[redaktə | əsas redaktə]

ABŞ Ordusunun silahlanmasında olan M60 tanklarının əvəz edilməsi məqsədilə 1960-cı ildə Almaniya Federativ Respublikası ilə qarşılıqlı əməkdaşlıq çərçivəsində MBT-70 tankı istehsala hazırlanmışdır. MBT-70 layihəsi 1968-ci ildə sınaq üçün hazır vəziyyətə gətirilmişdir. Bu tankın əsas zəif cəhətləri olduqca ağır olması və qiymətinin baha olması idi. Bu layihə uğursuzluqla nəticələndiyinə görə ABŞ Ordusu başqa layihələrə üz tutmağa məcbur olmuşdur.[2]

Konqres 1971-ci ilin noyabr ayında MBT-70 layihəsini ləğv etmişdir. Yeni layihə XM815 adlanırdı ki, o da sonradan ABŞ Ordusunun generalı Kreyton Abramsın şərəfinə XM1 Abrams adını almışdır. Bu layihənin prototipləri 1976-cı ildə Chrysler Defense və General Motors şirkətləri tərəfindən hazırlanmışdır.

1979-1985-ci illər aralığında ümumilikdə 3273 ədəd M1 Abrams istehsal olunmuşdur. Bu tanklar ölkə ərazisində lisenziya altında istehsal olunmuş 105 mm-lik Royal Ordnance L7 topu ilə təchiz olunmuşdu. Sonradan bu top kiçik miqyaslı modifikasiyalarla M1IP adı altında istehsal olunmuşdur. Bu model Kanada Ordusu tərəfindən də istifadə olunmuşdur.

1986-1992-ci illər aralığında təqribən 5000 ədəd M1 Abrams istehsal olunmuşdur. Bu tanklar əvvəlkilərdən fərqli olaraq 120 mm-lik M256 topu, təkmilləşdirilmiş zireh və CBRN müdafiə sistemi ilə təchiz edilmişdi. Ümumilikdə, hər birinin qiyməti 4.3 milyon ABŞ dolları olan təqribən 9000 ədəd M1 və M1A1 istehsal olunmuşdur.[3] 1999-cu ildən etibarən bu tankların vahidinin qiyməti 5 milyon ABŞ dolları olaraq müəyyən edilmişdir.

Körfəz müharibəsi[redaktə | əsas redaktə]

Abrams tankları "Səhrada tufan" əməliyyatı zamanı. 1991-ci il.

1991-ci ildə Körfəz müharibəsi başlayana qədər Abrams tankları heç bir döyüşdə iştirak etməmişdi. Müharibənin başlanğıcında Küveytin İraq qoşunlarından azad edilməsi məqsədilə 1848 ədəd M1A1 Səudiyyə Ərəbistanına yerləşdirildi. Bu tanklar İraq Ordusunun silahlanmasında olan Sovet istehsalı T-55, T-62, həmçinin T-72 tanklarına nisbətən daha çox üstünlüyə sahib idi. İraqın sahib olduğu T-72-lərin əsas zəif cəhəti gecə görmə və müasir məsafəölçən cihazların olmaması idi ki, bu da İraq tanklarının gecə şəraitində döyüş əməliyyatı həyata keçirməsinə və ya düşmənə qarşılıq verməsinə mane olurdu. Bu müharibə ərzində ümumən 23 ədəd M1A1 zədələndi və ya məhv edildi. Məhv edilmiş doqquz Abrams tankından yeddisi "dost atəşi" ilə vurulmuşdu. Digər tanklar isə döyüş əməliyyatları çərçivəsində kiçik çaplı zədələr almışdı ki, bu da onların ümumi döyüş hazırlığına ciddi təsir etməmişdi.

İstifadəçiləri[redaktə | əsas redaktə]

  • Flag of Australia.svg Avstraliya: 59 ədəd M1A1. 2006-cı ildə ABŞ-dan satın alınan bu tanklar 2007-ci ildə silahlanmada olan Almaniya istehsalı Leopard 1-ləri əvəz etmişdir.[4]
  • Flag of Egypt.svg Misir: 1005 ədəd M1A1. ABŞ və Misir tərəfindən birgə istehsal olunmuşdur. Əlavə 200 tank sifariş olunub.
  • Flag of Iraq.svg İraq: 140 ədəd M1A1M. İlk dəfə 2010-cu ilin avqust ayında silahlanmaya daxil edilmişdir.[5] 2011-ci ilin avqust ayına qədər sifariş olunan bütün tanklar İraq Ordusuna çatdırılmışdır.
  • Flag of Kuwait.svg Küveyt: 218 ədəd M1A2.[6]
  • Flag of Saudi Arabia.svg Səudiyyə Ərəbistanı: 373 ədəd M1A2.[7] Əlavə 69 ədəd M1A2 modifikasiyalı tank 2014-cü ildə silahlanmaya qəbul olunmuşdur.[8]
  • Flag of Morocco.svg Mərakeş: 222 ədəd M1A1 SA tankı 2015-ci ildə sifariş olunmuşdur. Müqaviləyə əsasən tankların çatdırılması prosesi 2016-cı ilin iyul ayında başlamışdır. Təchizatın 2018-ci ilin fevral ayında tamamlanacağı gözlənilir. Sifariş olunan tanklar 2-ci nəsil infraqırmızı şüa texnologiyası, xüsusi gücləndirilmiş zireh konfiqurasiyası və başqa üstünlüklərə sahibdir. Tankların ilk partiyası 28 iyul 2016-cı ildə Mərakeş Ordusunda silahlanmaya qəbul olunub.[9][10]
  • Flag of the United States.svg ABŞ: ABŞ OrdusuABŞ Dəniz Piyadaları Korpusunun silahlanmasında ümumilikdə 8100-dən çox M1, M1A1 və M1A2 modifikasiyalı tank var.[11]

Potensial istifadəçilər[redaktə | əsas redaktə]

  • Flag of Greece.svg Yunanıstan: ABŞ Ordusunda silahlanmadan çıxarılmış 400 ədəd M1A1 Yunanıstana təklif olunub.[12]
  • Flag of Peru (state).svg Peru: Peru Ordusu arsenalında olan köhnə T-55 tanklarını əvəz etmək məqsədilə 2013-cü ildə M1A1-ləri sınaqdan keçirmişdir. Abramsların əsas rəqibi kimi T-90S, Leopard 2A4T-84 tankları göstərilir. 2013-cü ilin sentyabr ayına olan məlumata görə seçim prosesi tamamlanmayıb.[13]
  • Flag of the Republic of China.svg Tayvan: Milli Müdafiə Nazirliyinin 2016-cı ildə verdiyi məlumata görə ABŞ tərəfi ilə M1A1-lərin mümkün ticarəti ilə bağlı danışıqlar davam edir.[14] 2017-ci ilin oktyabrında Tayvan hökuməti satın alma ilə bağlı plandan imtina etdiyini və hazırda silahlanmada olan M60A3 tanklarını 120 mm-lik top, yeni ballistik kompüter və başqa yeniliklər əlavə edərək onları təkmilləşdirməyə qərar verdiyini açıqlayıb.[15]

Həmçinin bax[redaktə | əsas redaktə]

İstinadlar[redaktə | əsas redaktə]

  1. Majumdar, Dave (2 iyun 2016), «Inside the US Army's Lethal New M1A2 SEP v.3 Abrams Main Battle Tank», http://nationalinterest.org/blog/the-buzz/inside-the-us-armys-lethal-new-m1a2-sep-v3-abrams-main-16445
  2. John Pike (13 may 2010). "MBT-70 / XM803". Globalsecurity.org. Arxivləşdirilib: 23 avqust 2010 tarixində. http://www.globalsecurity.org/military/systems/ground/mbt-70.htm. İstifadə tarixi: 19 yanvar 2018.
  3. Pike, John. "Lima Army Tank Plant (LATP)". Globalsecurity.org. Arxivləşdirilib: 3 mart 2014 tarixində. http://www.globalsecurity.org/military/facility/lima.htm. İstifadə tarixi: 19 yanvar 2018.
  4. "Acquisition of the ABRAMS Main Battle Tank". Australian National Audit Office. 17 iyul 2007. Arxivləşdirilib: [1] saytından 5 iyun 2011 tarixində. https://web.archive.org/web/20110605234111/http://www.anao.gov.au/Publications/Audit-Reports/2007-2008/Acquisition-of-the-ABRAMS-Main-Battle-Tank. İstifadə tarixi: 22 yanvar 2018.
  5. Agence France-Presse (9 avqust 2010). "Iraq takes delivery of American tanks". defencetalk.com. Arxivləşdirilib: 14 avqust 2010 tarixində. http://www.defencetalk.com/iraqi-army-takes-delivery-of-m1a1-abrams-tanks-27975/.
  6. M1 Abrams
  7. "The 2006 Saudi Shopping Spree: $2.9B to Upgrade M1 Abrams Tank Fleet". DefenseIndustryDaily.com. 4 yanvar 2011. Arxivləşdirilib: [2] saytından 25 oktyabr 2006 tarixində. https://web.archive.org/web/20061025014002/http://www.defenseindustrydaily.com/2006/08/the-2006-saudi-shopping-spree-29b-to-upgrade-m1-abrams-tank-fleet/index.php. İstifadə tarixi: 22 yanvar 2018.
  8. "Saudi Arabia Orders 69 More M1A2S Abrams Heavy Tanks"
  9. "General Dynamics Awarded $358 Million for 150 M1A1 SA Abrams Tanks for Morocco". generaldynamics.com. 30 sentyabr 2015. Arxivləşdirilib: 15 aprel 2016 tarixində. http://www.generaldynamics.com/news/press-releases/2015/09/general-dynamics-awarded-358-million-150-m1a1-sa-abrams-tanks-morocco. İstifadə tarixi: 22 yanvar 2018.
  10. Binnie, Jeremy (28 iyul 2016). "North African rivals receive new tanks". IHS Jane's. http://www.janes.com/article/62622. İstifadə tarixi: 22 yanvar 2018.
  11. Fabio Prado (10 dekabr 2009). "Main Battle Tank – M1, M1A1, and M1A2 Abrams". Armorsite. Arxivləşdirilib: 3 iyul 2009 tarixində. http://www.fprado.com/armorsite/abrams.htm. İstifadə tarixi: 22 yanvar 2018.
  12. "Ζητήστε μας ό,τι σας χρειάζεται" (Greek). Kathimerini. n.d.. Arxivləşdirilib: [3] saytından 7 iyul 2012 tarixində. https://web.archive.org/web/20120707125449/http://news.kathimerini.gr/4dcgi/_w_articles_politics_2_08/04/2012_478534. İstifadə tarixi: 22 yanvar 2018.
  13. Peru; Future main battle tank projects lags on despite criticism
  14. "MND confirms U.S. M1A1 tank sales to Taiwan under negotiation" (English). Taipei Times. 14 noyabr 2016. Arxivləşdirilib: 31 dekabr 2016 tarixində. http://www.taiwannews.com.tw/en/news/3029114. İstifadə tarixi: 22 yanvar 2018.
  15. Yeo, Mike (6 oktyabr 2017). "Giving up on Abrams tank acquisition, Taiwan moves to upgrade its M60A3 tanks". https://www.defensenews.com/land/2017/10/06/giving-up-on-abrams-tank-acquisition-taiwan-moves-to-upgrade-its-m60a3-tanks/.

Xarici keçidlər[redaktə | əsas redaktə]

Vikianbarda M1 Abrams ilə əlaqəli mediafayllar var.