Maryana Lipovşek
| Maryana Lipovşek | |
|---|---|
| Doğum tarixi | 3 dekabr 1946[1] (77 yaş) |
| Doğum yeri |
|
| Fəaliyyəti | opera müğənnisi, musiqiçi |
Maryana Lipovşek (sloven. Marjana Lipovšek 3 dekabr 1946[1], Lyüblyana[2]) — Sloveniyalı opera müğənnisi (mezzo-soprano).
Bioqrafiyası[redaktə | mənbəni redaktə et]
1968-1970-ci illərdə Lyublyana Musiqi Akademiyasının rektoru, bəstəkar və pianoçu Maryana Lipovşekin (1910-1995) qızı. Doğma diyarında fortepiano məktəbini bitirib. 1970-1977-ci illərdə Qratsdakı Musiqi və Teatr Universitetində, 1978-ci ildə Vyanadakı Opera Studiyasında vokal üzrə təhsil alır.
1979-cu ildə Vyana Dövlət Operasında debüt edir. 1981-ci ildən Hamburq Opera Evində, Münhen Operasında şıxışlar edir. Almaniyanın ən böyük opera səhnələrində çıxış edir, Barselona, Zalsburq, Milan, Florensiya, London, Edinburq, Praqa, Çikaqo, Nyu-York, San-Fransiskonun teatr və festivallarında ifalarını səsləndirir.
Lipovşekin vokal hissələrindən televiziyada Riçard Vaqner və Rixard Ştrausun operalarında səsləndirdiyi hissələr Yakob Ljes (1999) və Boz Zona (2001) filmlərində istifadə olunur.
Vyana və Zalsburqda yaşayır.
Repertuarı[redaktə | mənbəni redaktə et]
Klaudio Monteverdi, Volfqanq Amadey Motsart, Rixard Vaqner, Modest Musorqski, Aleksandr Borodin, Cüzeppe Verdi, Jorj Bize, Alban Berq, Bela Bartok, Corce Enesku, Fridrix Serxa, Kşiştof Penderetskinin operalarında oxumuş və İohann Sebastyan Bax, Frans Şubert, Robert Şuman, Yohans Brams, Huqo Volf, Qustav Maler, Arnold Şönberq, İqor Stravinskiyə aid konsertlərdə ifalar etmişdir.
Yaradıcılıq əlaqələri[redaktə | mənbəni redaktə et]
Klaudio Abbado, Nikolaus Arnonkur, Daniel Barenboym, Qari Bertini, Mixael Qilen, Kristfor von Donani, Endryu Devis, Kolin Devis, Volfqanq Zavalliş, Ceyms Livane, Lorin Maazel, Zubin Mehta, Rikkardo Muti, Kent Naqano, Seydzi Ocava, Helmut Rillinq, Bernard Haytink, Çon Myon Xun, Qeorq Şolti, Peter Şrayer, Horst Ştayn kimi dirijorlarla işləmişdir.
Təltif və mükafartları[redaktə | mənbəni redaktə et]
Presern Sloveniya Mükafatı (1988), Sloveniya Respublikasının Azadlıq Qızıl Fəxri Nişanı (1994), Qustav Maler Qızıl Medalı (1996), Avstriyanın Elm və İncəsənət Fəxri Nişanı (2001) və digər mükafatlar. Lyublyananın fəxri vətəndaşı (2004).
Mənbə[redaktə | mənbəni redaktə et]
- Baxın kantataları saytından (ing.)
İstinadlar[redaktə | mənbəni redaktə et]
- ↑ 1 2 Marjana Lipovšek // Brockhauz Ensiklopediyası (alm.).
- ↑ 1 2 Deutsche Nationalbibliothek Record #128622423 // Ümumi tənzimləmə nəzarəti (GND) (alm.). 2012—2016.