Cek Niklaus 1963, 1965, 1966, 1972, 1975, 1986-cı illərdə Masters çempionluğu əldə etmişdir. Turnirin ən müvəffəqiyyətli oyunçusudur. Turniri iki il ardıcıl qazanan üç oyunçudan biri olan Cek Niklaus, 1972-ci ildə turniri çempion olaraq bitirmişdir.
Masters turniri (ing.Masters Tournament) — 1934-cü ildən bəri təşkil edilən illik qolf turniri. Turnirin ilk çempionu Horton Smitdir.[1] Hər il təşkil edilən dörd böyük turnirdən birincisi olan Masters turnirinin son günü aprel ayının ikinci bazar gününə uyğun gəlir.[2] Hər il eyni yerdə (Auqust Milli Qolf Klubu) təşkil edilən yeganə böyük turnirdir.[3] Masters çempionları digər böyük turnirlərdə (Açıq Amerika, Açıq Britaniya, PGA Çempionatı) 5 il ərzində iştirak etmək və Masters turnirində istədikləri zaman iştirak etmək şansını qazanarlar.[4] Masters turnirində birinci yeri əldə edən qolfçu "yaşıl pencəyi"də əldə edir. İlk yaşıl pencəyi 1949-cu ildə Sem Snid qazanmışdır. Bu pencək çempion tərəfindən bir il saxlanılır və sonra geri qaytarılır. Bu turniri birdən çox qazanan oyunçunun vücudunda çox böyük dəyişiklik olmadığı təqdirdə yalnız bir yaşıl pencək qazanacağı mənasına gəlir.[5]
Turnirdə ən çox qalib olan oyunçu, altı dəfə çempion olan Cek Niklausdur. 1986-cı ildə Masters turnirində çempion olan Cek Niklausun həmin il 46 yaşı var idi. O, həm də ən qoca masters çempionu adını qazanıb.[1]Nik Faldo, Cek Niklaus və Tayqer Vuds iki dəfə ardıcıl Masters çempionu olublar. 1997-ci ildə Masters turnirinin 21 yaşlı çempionu olan Tayqer Vuds turnirin ən gənc çempionu adını qazanıb.[1] Turnirdə ən fərqli qələbə (12 zərbə) rekordunu qırıb.[1]Tayqer Vudsun 1997-ci ildə əldə etdiyi ən az cəmi zərbə (270 zərbə ilə par altı 18) dərəcəsi 2015-ci ildə Cordan Spit tərəfindən yenilənmişdir.[6] Turnirdəki ən çox ümumi zərbə 1954-cü ildə Sem Snid, 1956-cı ildə Cek Bekk və 2007-ci ildə Zak Conson tərəfindən müəyyələnləşdirilən 289-dur (+1).[1] Turniri başdan sona qədər lider kimi aparıb qazananlar isə Kreyq Vuds (1941), Arnold Palmer (1960), Cek Niklaus (1972), Reymond Floyd (1976) və Cordan Spitdir (2015).[1]
1958, 1960, 1962 və 1964-cü illərdə Masters çempionu olan Arnold Palmer. 1960-cı il Masters çempionu olan Arnold Palmer, əldə etdiyi qələbələrlə turnirin ən müvəffəqiyyətli oyunçusudur.
1997, 2001, 2002 və 2005-ci illərdə Masters çempionu olan Tayqer Vuds, turniri iki dəfə ardıcıl qazanan üç oyunçudan biridir.
1961, 1974 və 1978-ci illərdə Masters çempionu olan Qeri Pleyer.
1989, 1990 və 1996-cı illərdə Masters çempionu olan Nik Faldo, turniri iki il ardıcıl qazanan üç oyunçudan biridir.
2004, 2006 və 2010-cu illərdə Masters çempionu olan Fil Miklson.
a Par, qolfçunun bir dəliyi, bir raundu (bütün dəliklərin parlarının cəmi) və ya bir turniri (bütün raundların parlarının cəmi) bitirməsi üçün lazım olan zərbə sayıdır. E, turnirin əvvəlcədən təyin olunan bu par dəyəri ilə bərabər sayda zərbə ilə tamamladığını bildirir.[7]