Mirəziz Seyidzadə

Vikipediya, azad ensiklopediya
Naviqasiyaya keç Axtarışa keç
Hacı Mirəziz Seyidzadə
Seyidzadə Mirəziz Mirəsgər oğlu
Doğum adı Mirəziz
Təxəllüsləri Mirəziz Mirəsgəroğlu
Əziz Pünhan
Doğum tarixi
Doğum yeri Türkoba, Masallı rayonu, Azərbaycan SSR, SSRİ
Vəfat tarixi
Vəfat yeri Bakı, Azərbaycan
Vətəndaşlığı SSRİ SSRİ→
Azərbaycan Azərbaycan
Atası Mirəsgər
Təhsili Mir-Ərəb mədrəsəsi
Bakı İslam Universiteti
Fəaliyyəti yazıçı

Mirəziz Seyidzadə (Hacı Mirəziz Seyidzadə) — İlahiyyatçı alim, Qafqaz Müsəlmanları İdarəsi Qazılar Şurasının üzvü, idarənin fətva şöbəsinin müdiri, Azərbaycan Yazıçılar Birliyinin, Azərbaycan Jurnalistlər Birliyinin üzvü[1]

Həyatı

[redaktə | mənbəni redaktə et]

Seyidzadə Mirəziz Mirəsgər oğlu 1949-cu ildə Masallı rayonunun Türkoba kəndində ziyalı ailəsində doğulub.

1968-1974-cü illərdə Özbəkistanın Buxara şəhərində Mir-Ərəb mədrəsəsində oxuyub.[2] 1978-1982-ci illərdə Sverdlovsk Xalq Təsərrüfatı İnstitutunda qiyabi təhsil alıb.[2] 1983-1984-cü illərdə SSRİ-nin 50 illiyi adına Azərbaycan Pedaqoji Xarici Dillər İnstitutu nəzdindəki iki illik xarici dillər kursunun "Ərəb dili" şöbəsini əla qiymətlə başa vurub.[2] 1992-1997-ci illərdə Bakı İslam Universitetində təhsil alıb.[2]

2001-2004-cü illərdə Azərbaycan Milli Elmlər Akademiyası Məhəmməd Füzuli adına Əlyazmalar İnstitutunun dissertantı olub.[2] 12 sentyabr 2004-cü ildə "İslamda həccin tarixi-mədəni və sosial-siyasi rolu" adlı (09.00.06 - Din nəzəriyyəsi və tarixi (ilahiyyat) ixtisası üzrə) namizədlik dissertasiyasını müdafiə edib.[2] 20 oktyabr 2004-cü ildə Azərbaycan Respublikası Prezidenti yanında Ali Attestasiya Komissiyası tərəfindən "İlahiyyat üzrə fəlsəfə doktoru" alimlik dərəcəsi alıb.[2]

Astarada Cümə məscidində axund, Bakı İslam Universitetində müəllim, Qafqaz Müsəlmanları İdarəsinin elm və təhsil şöbəsinin müdiri işləyib, fətva şöbəsinin müdiri olub[1].

1996-cı ildə Bakı İslam Məktəbini təsis edib[1].

Ədəbi-publisistik fəaliyyətlə məşğul olub, ərəb və fars dillərindən tərcümələr edib. Hekayə və şerlərini M.Mirəsgəroğlu, Əziz Pünhan təxəllüsləri altında çap etdirib[1].

"İmam Əlinin (ə) qısa kəlamları", "Allahımı belə tanıdım" kitablarının, "İslami söhbətlər" dərsliyinin müəllifidir[1].

Hacı Mirəziz Seyidzadə Azərbaycan Yazıçılar Birliyinin, Azərbaycan Jurnalistlər Birliyinin üzvü idi[1].

Hacı Mirəziz Seyidzadə 2014-cü il mayın 11-i axşam 1 saylı Bakı Şəhər Klinik Xəstəxanasında dünyasını dəyişib. İnsult diaqnozu ilə xəstəxanaya yerləşdirilən Hacı Mirəziz Seyidzadə 4 gün koma vəziyyətində olub[1].

Kitabları

[redaktə | mənbəni redaktə et]

1. "İmam Əlinin qısa kəlamları" (Tərcümə. 30 səh.) Bakı-1991.
2. "İslami söhbətlər" (Dərslik, 448 səh.) I hissə. Bakı-1996.
3. "Allahımı belə tanıdım" (141 səh.) Bakı - 1998.
4. "İslami söhbətlər". (Dərslik. 524 səh.) II hissə. Bakı - 2002.
5. "İslami söhbətlər" (Dərslik. 688 səh. Yeni nəşr). Bakı - 2003.
6. "Bulud ağlamasa". (209 səh.) Bakı - 2006
7. "Elmin qapısı" (650 səh.) Bakı - 2008
8. "Divan" (472 səh.) Bakı-2008.
9. “İslami söhbətlər” (Rus dilində, “İslamskie besedı” 502 səh.) Bakı-2009
10. “Elmin qapısı” (İngilis dilində, “Door of knowledge”, 619 səh.) Bakı-2009
11. “İmam Əlinin (ə) qısa kəlamları”, (Tərcümə və şərhi ilə, 223 səh.) Bakı-2010
12. “İslam olduğu kimi”, (447 səh.) Bakı-2011
13. “Yaradan axtarışında”, (230 səh.) Bakı-2013

İstinadlar

[redaktə | mənbəni redaktə et]
  1. ↑ 1 2 3 4 5 6 7 "Media forum". "Hacı Mirəziz Seyidzadə vəfat edib" (az.). mediaforum.az. 2014-05-12 - 11:54:00. İstifadə tarixi: 2014-05-12.[ölü keçid]
  2. ↑ 1 2 3 4 5 6 7 Şeyxin müavini vəfat etdi Arxivləşdirilib 2016-03-06 at the Wayback Machine. virtualaz.org, 12.05.2014  (az.)

Xarici keçidlər

[redaktə | mənbəni redaktə et]
Mənbə — "https://az.wikipedia.org/w/index.php?title=Mirəziz_Seyidzadə&oldid=7406566"