Mirsəməd Cəfərli
| Mirsəməd Cəfərli | |
|---|---|
| azərb. Cəfərli Mir Səməd Mir Abtalıb oğlu | |
| Doğum tarixi | 24 dekabr 1972 (51 yaş) |
| Doğum yeri | |
| Təhsili |
|
| Fəaliyyəti | jurnalist, teleaparıcı, bloger, səyyah |
Mir Səməd Cəfərli (24 dekabr 1972, Bakı) – azərbaycanlı jurnalist, teleaparıcı, bloqqer, səyyah.
Həyatı[redaktə | mənbəni redaktə et]
Cəfərli Mir Səməd Mir Abtalıb oğlu 24 dekabr, 1972-ci ildə Bakı şəhərində anadan olmuşdur. 1989-cu ildə 4 saylı fars təmayüllü internat məktəbini bitirmişdir. Həmin il Bakı Dövlət Universitetinin Şərqşünaslıq fakültəsinə qəbul olmuşdur. 1994-cü ildə BDU-nu ərəbşünas kimi bitirmişdir. Daha sonra isə təhsilini Azərbaycan Milli Elmlər Akademiyasının Əlyazmalar İnstitutunda davam etdirmişdir.[1]
Fəaliyyəti[redaktə | mənbəni redaktə et]
Mir Səməd Cəfərli Azərbaycanın müxtəlif TV kanallarında jurnalist, ictimai-siyasi verilişlərin və “talk-show”ların aparıcısı kimi çalışmışdır.
İlk dəfə efirdə 1997-ci ildə Space TV-də Xəbərlər proqramının aparıcısı kimi tanınmışdır. 2012-ci ildə ATV kanalında teleməkanda səyahətlə bağlı olan çox məşhur – Turne verilişi efirə başlayır. Müəllif və aparıcı olan M. Cəfərli bu verilişlə 40-a yaxın ölkədən 80-dən çox veriliş hazırlayır. Veriliş 2016-cı ilə kimi 4 mövsüm davam edir.[2]
Mirsəməd Cəfərli 2003-2004-cü illərdə Lider TV-nin Yaxın Şərq üzrə, 2004-2005-ci illərdə isə Belçika Krallığında xüsusi müxbiri olaraq fəaliyyət göstərmişdir.
2016-cı ildən isə teleaparıcı Fərid Gözəl ilə ATV kanalında Çox gəzən bilər verilişini hazırlayırlar. Bu veriliş 2019-cu ilin sonuna kimi ATV kanalında, 2021-ci ilin payızından isə Space TV-də yayımlanmağa başlayır. Çox gəzən bilən verilişi ilə paralel ATV kanalında Yadındamı verilişinin də aparıcı olub. 2020-ci ildən Azərbaycan Turizm Blogerləri Assosiasiyasının idarə heyətinin üzvüdür.[3]
İstinadlar[redaktə | mənbəni redaktə et]
- ↑ "Gəzdiyim ölkələri saymamışam ki, birdən çoxalmaz". aviatravel.az (Azərbaycanca). Aviatravel elektron səyahət jurnalı. 4 Fevral 2022. 16.02.2022 tarixində arxivləşdirilib (#archive_missing_url). (#cite_web_url); (#accessdate_missing_url)
- ↑ Vüsal Məmmədov. "Müsahibimiz tamaşaçılara son vaxtlar daha çox səyahət verilişləri ilə tanış olan, "Turne", indi isə eyni zamanda "Çox gəzən bilər" layihəsi ilə efirdə görünən Mirsəməd Cəfərlidir". Gencaile.az (Azərbaycanca). Gəncailə ailə saytı. 26.01.2017. Archived from the original on 2022-02-17. İstifadə tarixi: 12 fev 2022.
- ↑ ATBA. "Mirsəməd Cəfərli "Turne" vasitəsi ilə dünyanın müxtəlif ölkələrini, gəzməli-görməli şəhərlərini tamaşaçılara göstərən, uzaq elləri bizə yaxın edən səyahətçidir". atba.az (az.). Azərbaycan Turizm Blogerləri Assosiasiyası. 2022-02-16 tarixində arxivləşdirilib. İstifadə tarixi: 12 fev 2022.