Mirsalih Bikçurin

Mirsalih Bikçurin
Doğum tarixi	16 fevral 1819(1819-02-16) və ya 1819
Doğum yeri	Orenburq, Orenburq quberniyası[d], Rusiya imperiyası
Vəfat tarixi	7 mart 1903(1903-03-07)
Vəfat yeri	Orenburq, Orenburq quberniyası[d], Rusiya imperiyası
Mükafatları

Bikçurin(Bekçurin) Mirsalih Mirsalimoviç (16 fevral 1819 və ya 1819, Orenburq – 7 mart 1903, Orenburq) – başqırd pedaqoqu, maarifçi, etnoqraf.

Həyatı

1930–38-ci illərdə Orenburqdakı Neplyuev hərbi məktəbində oxumuş, 1841–78-ci illərdə orada və başqa təhsil ocaqlarında ərəb, fars, başqırd və tatar dillərindən dərs demişdir. "Ərəb, fars və tatar dillərinin öyrənilməsinə dair ibtidai vəsait" (1859, 1869) dərsliyni tərtib etmiş, başqırd dilinin digər dillərlə müqayisədə fonetik və qrammatik quruluşunun sistemli izahını verməyə çalışmışdır. Bu müsəlman təhsil müəssisələrində sxolastik tədris üsullarına qarşı çıxmış, başqırd xalqının müasir elmlərə yiyələnməsini təbliğ etmişdir. Başqırd folkloru nümunələrini ilk toplayanlardan olmuşdur; həmin nümunələri çap etdirməklə başqırd yazılı ədəbiyyatının əsasını qoymuşdur. Rus coğrafiya cəmiyyətinə üzv seçilmiş ilk başqırd olmuşdur.

İstinadlar

Bikçurin // Azərbaycan Milli Ensiklopediyası (25 cilddə). — IV cild. Bakı, — Səh.: 31.