Mount & Blade

Vikipediya, açıq ensiklopediya
Keçid et: naviqasiya, axtar

Mount & Blade (azərb. At və qılınc), Türk firması TaleWorlds tərəfindən yaradılan, İsveçli yayımcı Paradox Interactive-in yayımladığı, özünə aid bir dünyası olan, Orta Əsrlər mövzulu, tək oyunçulu oyundur. 16 Sentyabr 2008'də Şimali Amerikada satışa çıxan oyun, 3 gün sonra Avropada yayımlandı. Oyunun inkişafına TaleWorlds-ün yaradıcıları Armağan Yavuz və yoldaşı İpek Yavuz tərəfindən bir oyun proyekti olaraq başlanıldı. Oyunun satışı hələ də davam edən hal-hazırkı versiyası 3 Noyabr 2008-də yayımlanmışdır. Oyun PC Gamer jurnalının "Ən yaxşı 100 oyun"[1] 2011 ili siyahısında 91. sırada yer tapmışdır.


Mount & Blade

Mount&Blade kapak görünümü.jpg

Oyun haqqında
Hazırlayan(lar) TaleWorlds
Nəşr edən(lər) TaleWorlds
Distribüter(lər) Paradox Interactive
Dizayner(lər) Armağan Yavuz
Buraxılış tarix(lər)i 16 sentyabr 2008-ci il
Platforma(lar) PC (Windows), Linux, MAC
Versiya 1.011
Janr(lar) Açıq dünya, aksion-macəra
Oyun rejim(lər)i Tək oyunçulu
Texniki Məlumatlar
Daşıyıcı(lar) DVD
Sistem
tələbləri
  • Windows 2000/XP/Vista əməliyyat sistemi
  • Pentium 766 MHz
  • 512 MB RAM
  • 64 MB ekran kartı
  • 517 MB boş disk
İdarəetmə klaviatura və siçan

Mövzusu[redaktə | əsas redaktə]

Kalradya ərazisində müharibə sürətlə yayılır. Bu müharibədən hər kəs öz payını alacaq və hər kəs yaşamaq uğrunda mübarizə verəcəkdir. Ovçusundan tacirinə, kəndlisindən əsgərinə qədər hər kəs bir məqsəd uğrunda mübarizə aparacaqdır: savaşdan sağ qurtulmaq. Təkcə qabaqda gedən əsgərlər yox həm də hərkəsin həyatını təhlükəyə salan talançılar insanlara zərər verir. Bu müharibənin ən önəmli qəhrəmanı da biz, daha doğrusu, yaradacağımız oyunçu olacaqdır.

İlk baxış[redaktə | əsas redaktə]

Oyun Orta Əsrlərdə, xəyali məkan olan Kalradyada keçir. Oyunçu Kalradyaya kasıb bir yolçu olaraq gəlir. Oyunda yüksək şöhrətli adamların oyunçuya verdiyi tapşırıqları yerinə yetirərək pul və şərəf qazana bilərsiniz. Tapşırıqlar bitdikcə tapşırıq alınan krallıqdakı etibar artar və əgər kralın da gözünə girsəniz krallıq vəzifəlilərindən biri oluna bilər. Vəzifəli olduqdan sonra oyunçunuzun tamam bsşqa bir hədəfi olur: Bir çox krallığa bölünən bu torpaqları öz tərkibində toplayıb, yenidən bu torpaqların öz ehtişamını qazanmasını təmin etmək.

Oyunda edilə biləcəklər:

- Oyunçunun görünüşünü və keçmişini seçmə.

- Oyunçunun xüsusiyyətlərini artırma.

- Kəndlərdın ya da mehmanxanalardan əsgər toplayaraq oyunçunun ordusunu yaratma.

- Mehmanxanalarda tanışılan insanları yanına alaraq işlədib onların da silah, zirrh və ya güclərini artırma.

- Bir krallıq xanımıyka evlənərək vəzifəlilərlə qohumluq əlaqəsi qurma. (Warband versiyasında)

- Oyunçuların krallığını qurma və yoldaşlarını vəzifəli elan etmək.

- Hal-hazırkı krallıqların başına kral kimi keçmək. (Sadəcə Lehistan və Rus Çarlığı üçün keçərlidir, Atəş və Qılınc [With Fire and Sword] versiyasında)

Oyunun yaradıcılarının Türk olmasına baxmayaraq ilk versiyasında Türkcə dil seçiminin olmaması sərt reaksiyalara yol açmışsa da növbəti versiyada bu çatışmamazlıq aradan götürüldü. Oyun inkişaf etdirilərək Mount&Blade Warband, Mount&Blade With Fire and Sword, Mount&Blade Napoleonic Wars kimi yeni oyunlar gətirildi. Mount&Blade II: Bannerlord versiyasının qabaqdan gələn illərdə çıxması planlaşdırılır.

  1. The 100 best PC games of all time