Muin Müsəvvər

Muin Musəvvir: Rüstəm Sührabi öldürür, Şahnamə Firdovsi, 1649. Britaniya Muzeyi

Muin Müsəvvər (fars. معین مصوّر‎) — fars miniatürçüsü, 17-ci əsr Səfəvi dövrünün görkəmli nümayəndələrindən biri olub.

Muinin şəxsi həyatı haqqında çox şey məlum deyil, yalnız o, ehtimal edilir ki, 1615-ci ildə anadan olub. 1610-1615-ci illərin aparıcı rəssamı Rza Abbasinin şagirdi olub. Ehtimallara görə, 1693-cü ildə vəfat edib.

Ona aid edilən 300-dən çox miniatür və rəsm günümüzə qədər gəlib çatıb. O, Qərb rəssamlığının təsirindən qaçaraq ustadının qabaqcıl üslubunu qismən dəyişdirən mühafizəkar bir rəssam olub. Bununla belə, o, fars rəssamlığında qeyri-adi olan bir sıra sadə insanların səhnələrini çəkib.

Muin İsfahanda anadan olub və ehtimal edilir ki, bütün həyatını bu şəhərdə keçirib. Təxminən 1630-cu ildən 1693-cü ilə qədər uğurlu karyerası olub.