Mura-Drava-Dunay
| Mura-Drava-Dunay | |
|---|---|
 | |
| Sahəsi |
|
| Yaradılma tarixi | 2016 |
| Yerləşməsi | |
| 45°55′50″ şm. e. 18°55′34″ ş. u. | |
| Ölkə | |
|
|
|
Mura-Drava-Dunay (UNESCO adlandırması: Bačko Podunavlje, serb-kiril. Бачко Подунавље) — Drava, Mura və Dunay çayları boyunca yerləşən UNESCO-nun transsərhəd biosfer qoruğu.[1] Qoruğun ümumi sahəsi 631 460,71 hektardır (6 314 607 000 m²), bunun 395 860,71 hektarı (3 958 607 000 m²) Xorvatiya, 235 600 hektarı (2 356 000 000 m²) Macarıstan ərazisindədir.
Çaylardakı daşqına qarşı bəndlər qoruq ərazisini su basa bilən və daşqından qorunan olmaqla iki zonaya ayırır.
Bu qoruq Dunay hövzəsində bu günə qədər ən yaxşı qorunmuş bataqlıqlardan biridir.
2009-cu ildə Xorvatiya və Macarıstan Drava-Dunay bölgəsində birgə transsərhəd təbiət qoruğunun yaradılması haqqında ilkin ikitərəfli saziş imzalamışlar.
2011-ci ilin martında beş ölkənin (Avstriya, Sloveniya, Xorvatiya, Macarıstan və Serbiya) ekologiya nazirlikləri Mura-Drava-Dunay Transsərhəd Biosfer Qoruğunun yaradılması barədə razılığa gəlmişlər.
Qoruğun ümumi sahəsinin 700 km²-dan (270 kvadrat mil) çoxunu əsas zona (artıq qorunan ərazilər) və bufer zonalar, 7000 km²-ni isə (2700 kvadrat mil) keçid zonalar təşkil edəcək.
Qoruq ərazisinə aşağıdakı artıq mövcud olan qorunan ərazilərin birləşdirilməsi planlaşdırılır: Kopaçki Rit, Veliki Pajut, Mura-Drava (Xorvatiya), Dunay-Drava Milli Parkı (Macarıstan), Gornye Podunavle, Karacorcevo, Tikvara (Serbiya), həmçinin Avstriya, Sloveniya və Macarıstanda Natura 2000 şəbəkəsinə aid bir sıra ərazilər. Bu birləşmələrdən sonra qoruq bu, Avropanın ən böyük qorunan ərazilərindən birinə çevriləcək. Bu fakt qoruğun "Avropa Amazonu — Mura-Drava-Dunay" adını almasına səbəb olmuşdur.[2]
UNESCO-nun biosfer qoruğu
[redaktə | mənbəni redaktə et]14 iyun 2017-ci ildə qoruq "Bačko Podunavlje" adı ilə rəsmi olaraq UNESCO-nun biosfer qoruğu kimi tanınıb.[3] Podunavle Serbiyanın UNESCO tərəfindən 2001-ci ildə rəsmi qoruq statusu verilən Qoliya-Studenitsa qoruğundan sonra bu statusa layiq görülmüş ikinci qoruğudur.
İstinadlar
[redaktə | mənbəni redaktə et]- ↑ "Five-country Biosphere Reserve Mura-Drava-Danube (Austria, Croatia, Hungary, Serbia, Slovenia)". unesco.org. UNESCO. 6 March 2023 tarixində arxivləşdirilib. İstifadə tarixi: 23 April 2023.
- ↑ "A Transboundary Biosphere Reserve for the benefit of nature and people". 2017. 2022-03-20 tarixində arxivləşdirilib. İstifadə tarixi: 2024-05-24.
- ↑ "23 new sites added to UNESCO's World Network of Biosphere Reserves". UNESCO. 14 June 2017. 14 June 2017 tarixində arxivləşdirilib. İstifadə tarixi: 24 May 2024.