Musa Məmmədov (deputat)

Vikipediya, azad ensiklopediya
Jump to navigation Jump to search
Musa Məmmədov
Musa Məmmədov (deputat).jpg
bayraqAzərbaycan Respublikası Baş nazirinin müavinibayraq
2 yanvar 1992 — 2017
bayraqAzərbaycan SSR Nazirlər Soveti sədrinin birinci müavinibayraq
1986 — 1989
bayraqAzərbaycan SSR Nazirlər Soveti sədrinin müavinibayraq
1984 — 1985
Şəxsi məlumatlar
Təhsili Azərbaycan Kənd Təsərrüfatı İnstitutu (1948-1952)
İxtisası aqronom
Doğum tarixi 15 iyul 1932(1932-07-15)
Doğum yeri
Vəfat tarixi 12 mart 2019(2019-03-12) (86 yaşında)
Vəfat yeri

Mükafatları "Qırmızı Əmək Bayrağı" ordeni "Oktyabr İnqilabı" ordeni "Şərəf Nişanı" ordeni "Şərəf Nişanı" ordeni

Musa Salam oğlu Məmmədov (15 iyul 1932(1932-07-15), Qutqaşen12 mart 2019(2019-03-12), Bakı) — Azərbaycan SSR Ali Sovetinin (X-XII çağırış) deputatı, Azərbaycan Respublikası Baş nazirin müavini (1992-2017),[1], dövlət müşaviri, respublika Meşə Təsərrüfatı İstehsal Birliyinin sədri (1989–2001), iqtisad elmləri doktoru, kənd təsərüfatı elmləri namizədi, əməkdar aqronom.[2]

Həyatı[redaktə | əsas redaktə]

Musa Məmmədov 1932-ci il iyul ayının 15-də Qəbələdə anadan olmuşdur. 1948-ci ildə orta məktəbi, 1952-ci ildə isə Azərbaycan Kənd Təsərrüfatı İnstitutunun aqronomluq fakültəsini fərqlənmə diplomu ilə bitirmişdir. Həmin ildə aspiranturaya daxil olan Musa Məmmədov 1956-cı ildə dissertasiya müdafiə edərək elmlər namizədi alimlik dərəcəsi almışdır. Kənd təsərrüfatı və meşə təsərrüfatının müxtəlif sahələrinin inkişafı ilə əlaqədar 40 elmi əsərin, bir çox monoqrafiyaların, bir neçə kitabın, ixtiraların müəllifidir.[3]

Fəaliyyəti[redaktə | əsas redaktə]

Bir müddət Azərbaycan Kənd Təsərrüfatı İnstitutunda müəllim, tədris-təcrübə təsərrüfatının direktoru vəzifələrində işləmişdir. 1964-cü ildə Kənd Təsərrüfatı Nazirliyinin idarə rəisi vəzifəsinə təyin olunmuşdur.
1968-1970-ci illərdə Dövlət Çörək Məhsulları və Qarışıq Yem Sənayesi Komitəsinin sədr müavini, 1970-1979-cu illərdə isə Respublika tədarük nazirinin müavini vəzifələrində işləmişdir. Daha sonra vəzifədə irəli çəkilərək "Azərkəndkimya" Elm-İstehsalat Birliyinin sədri vəzifəsinə təyin edilmişdir. 1984-cü ilə qədər sədr vəzifəsini icra edən Musa Məmmədov bir il müddətinə Azərbaycan SSR Nazirlər Soveti sədrinin müavini, 1986-1989-cı illərdə sədrin birinci müavini və Dövlət Aqrar Sənaye Komitəsinin sədri, 1989-2001-ci illərdə Respublika Meşə Təsərrüfatı İstehsal Birliyinin sədri vəzifələrində çalışmışdır.

Musa Məmmədov həmçinin SSRİ Kənd Təsərrüfatı Nazirliyinin kollegiyasına üzv seçilmişdir. 1992-ci ildə Azərbaycan Respublikası Baş nazirinin müavini təyin edilmişdir. Sonralar vəfat edənədək isə Kənd təsərrüfatı nazirinin müşaviri vəzifələrində işləmişdir.

Mükafatları[redaktə | əsas redaktə]

"Qırmızı Əmək Bayrağı", "Oktyabr inqilabı", iki dəfə "Şərəf Nişanı" ordeni və müxtəlif medallarla təltif olunmuşdur. İki dəfə Respublika Ali Sovetinin Fəxri fərmanı, Ümumittifaq Xalq Təsərrüfatı Nailiyyətləri Sərgisinin iki qızıl, iki gümüş və bürünc medalları ilə, iki dəfə sərginin Fəxri diplomları ilə təltif edilmişdir. Elm və texnika üzrə Dövlət mükafatı laureatı, Respublikanın əməkdar aqronomu adına layiq görülmüşdür. Respublikada aqrar sahənin idarə edilməsinin təkmilləşdirilməsi sahəsində göstərdiyi əvəzsiz xidmətləri nəzərə alınaraq Azərbaycan Respublikası Prezidentinin fərdi təqaüdünə layiq görülmüşdür.

İstinadlar[redaktə | əsas redaktə]

  1. Azərbaycan Respublikası Prezidentinin Müvəkkili: M. S. Məmmədovun Azərbaycan Respublikası Baş nazirinin müavini təyin edilməsi haqqında Azərbaycan Respublikası Prezidentinin fərmanı
  2. Veteranlarla görüş
  3. Tahirli Abid (12 mart 2019). "Keçmiş nazir müavini vəfat edib - Unudulmaz Musa müəllim" (azərb.). modern.az. İstifadə tarixi: 2019-03-12.