Neşərək Qadınəfəndi

Vikipediya, açıq ensiklopediya
Jump to navigation Jump to search
Neşərək Qadınəfəndi
تمريض المرأة
Neserek-nesrin-kadinefendi.jpg
Şəxsi məlumatlar
Doğum tarixi 1848
Doğum yeri Soçi, Rusiya imperiyası
Vəfat tarixi 11 iyun 1876 (28 yaşında)
Vəfat yeri
Dəfn yeri Sultan Mahmud türbəsi
Əvvəlki adı Nəsrin
Atası İsmayıl bəy Bərəkə
Həyat yoldaşı Əbdüləziz
Uşaqları Mehmed Şövkət Əfəndi
Əminə Sultan

Neşərək Qadınəfəndi (d. 1848 - ö. 11 iyun 1876) — 32. Osmanlı sultanı Əbdüləzizin üçüncü xanımı.

Həyatı[redaktə | əsas redaktə]

Neşərək xanım 1848-ci ildə Şimali Qafqazda - Qara dəniz sahilindəki Soçi şəhərində əslən ubix bir ailədə dünyaya gəldi. Əsl adı Nəsrin olan bu qızcığaz İsmayıl bəy Bərəkənin (d. 1812 - ö. 1876) qızı idi. Həsən bəy və Osman Paşa adlı 2 qardaşı Sultan Əbdülhəmidin ən yaxın adamları idi. Xalası isə Osmanlı paşalarından birinin xanımı idi.

1859-cu ildə 4 çərkəz ailəsindən bir heyət toplandı və bölgədəki rus zülmünü Osmanlı sultanına şikayət etmək üçün İstanbula yollandı. Bu heyətə Nəsrinin atası İsmayıl bəy də var idi. İstanbula gələn bu 4 çərkəz bəyinə Osmanlı sultanı tərəfindən torpaq və mülklər hədiyyə edildi. Nəticədə İsmayıl bəy də ailəsiylə birlikdə Silivri yaxınlığında ona verilən mülkdə yaşamağa başladılar. 1868-ci ildə isə bu münasibətləri gücləndirmək üçün Nəsrin xanım Sultan Əbdüləzizlə evləndirildi və Osmanlı sarayına gəlin köçdü. İlk öncə adı dəyişdirilərək Neşərək qoyuldu. 1872-ci ildə Yozqatda bir məscid inşa etdirdi. 1872-1874-cü illərdə 2 övladı dünyaya gəldi: Şahzadə Mehmed Şövkət ƏfəndiƏminə Sultan.

30 may 1876-cı ildə əri Sultan Əbdüləziz saray çevrilişi nəticəsində taxtdan endirilmiş, bir neçə gün sonra isə müəmmalı şəkildə Fəriyə sarayında ölü tapılmışdı. Ərinin ölümündən bir həftə sonra da Neşərək xanım Fəriyə sarayında vəfat etdi.

Ölümünün ardından həm Sultan Əbdüləzizin, həm də bacısının intiqamını almaq istəyən qardaşı Həsən bəy Bərəkə 15 iyun tarixində Mithat Paşanın köşkündə toplanan dövlət adamlarının məclisinə hücum edərək xarici işlər naziri Mehmed Rəşid Paşanı, keçmiş sədrəzəmlərdən Hüseyn Avni Paşanı və digər şəxsləri öldürdü. Çərkəz Həsən hadisəsində 5 nəfər ölmüş, 10 nəfər yaralanmışdı. Nəticədə ələ keçirilən Həsən bəy edama məhkum edildi.

Övladları[redaktə | əsas redaktə]

Mənbə[redaktə | əsas redaktə]