Nizami Həmzəyev

Vikipediya, açıq ensiklopediya
Jump to navigation Jump to search
Nizami Həmzəyev
Doğum tarixi 12 sentyabr 1943 (1943-09-12) (75 yaş)
Doğum yeri Naxçıvan, Naxçıvan MSSR, Azərbaycan SSR, SSRİ
Vətəndaşlığı Flag of the Soviet Union.svg SSRİ
Flag of Azerbaijan.svg Azərbaycan
Atası İbrahim Həmzəyev
Anası Zəroş Həmzəyeva
Peşələri aktyor, dövlət xadimi
Teatr Naxçıvan Dövlət Musiqili Dram Teatrı
Mükafatları "Azərbaycan Respublikasının əməkdar incəsənət xadimi" fəxri adı — 1999

Nizami İbrahim oğlu Həmzəyev (d.; 12 sentyabr 1943, Naxçıvan, Naxçıvan MSSR, Azərbaycan SSR, SSRİ) — Azərbaycan aktyoru, Naxçıvan Muxtar Respublikasının sabiq Mədəniyyət naziri (1996–2004), Azərbaycan Respublikasının əməkdar incəsənət xadimi (1999).

Həyatı[redaktə | əsas redaktə]

Nizami Həmzəyev 12 sentyabr 1943-cü ildə Naxçıvanda anadan olub. Valideynləri Zəroşİbrahim Həmzəyevlərdir. Səhnəyə ilk dəfə 3 yaşında çıxmışdır. 9 yaşından başlayaraq teatrın tamaşalarında sözlü rollar oynayıb. Naxçıvandakı 2 saylı orta məktəbi bitirmişdir. 1964–1968-ci illərdə Mirzağa Əliyev adına Azərbaycan Dövlət Teatr İnstitutunun aktyorluq fakültəsində təhsil alıb. Naxçıvan Dövlət Musiqili Dram Teatrının aktyor truppasında çalışıb. Şəhər pionerlər evində, Naxçıvan Mədəniyyət sarayında işləyib, Pedoqoji İnstitutda, Culfa Musiqi Məktəbində dərs deyib. Bir müddət Naxçıvan teatrında direktor işləyib. 1996-cı ilin fevralından 2004-cü ilin aprel ayına kimi Naxçıvan Muxtar Respublikasının Mədəniyyət naziri olub. 9 oktyabr 1999-cu ildə "Azərbaycan Respublikasının əməkdar incəsənət xadimi" fəxri adı ilə təltif edilmişdir.[1]

İfa etdiyi əsas rollar[redaktə | əsas redaktə]

Tamaşanın adı Müəllif Rol
Durna Süleyman Rüstəm
Səid Rüstəmov
Surxay
1905-ci ildə Cəfər Cabbarlı Eyvaz
Solğun çiçəklər Cəfər Cabbarlı Bəhram
Od gəlini Cəfər Cabbarlı Elxan
Sevil Cəfər Cabbarlı Gündüz
İldırım Cabbar Məcnunbəyov Polad
Vaqif Səməd Vurğun Əli bəy
Mehmanxana sahibəsi Karlo Qoldoni Fabritsio
Anacan Yusif Əzimzadə Kamal
Məşədi İbad Üzeyir Hacıbəyov Həsən bəy
Qaynana Məcid Şamxalov
Zakir Bağırov
Əli
Özümüz bilərik Şıxəli Qurbanov
Süleyman Ələsgərov
Bəbirli
Məhv olmuş gündəliklər İlyas Əfəndiyev Ədalət
Kor padşah Nazim Hikmət
Vera Tulyakova
Kiçik oğul
Adamın adamı Anar Əyrizadə
Məhsəti Kəmalə Ağayeva Nizami və Sərbaz
Bahar qız Ramiz Heydər Kor

İstinadlar[redaktə | əsas redaktə]

  1. İlham Rəhimli. Azərbaycan Teatr Ensiklopediyası. III cild. Azərnəşr. Bakı, 2017. s.66