Nuru Bayramov

Vikipediya, azad ensiklopediya
Jump to navigation Jump to search
Nuru Bayramov
Nuru Yusif oğlu Bayramov
Nuru Bayramov Şəkil 2018.jpg
Doğum tarixi 17 sentyabr 1963 (1963-09-17) (56 yaş)
Doğum yeri Göyçə Mahalı, Basarkeçər rayonu, Nərimanlı kəndi
Vətəndaşlığı SSRİ SSRİAzərbaycan Azərbaycan
Milliyyəti Azərbaycanlı
Elm sahəsi Cərrahiyə, Transplantasiya, Hepatologiya
Elmi dərəcəsi Tibb Elmləri Doktoru
Elmi adı Professor (2004)
AMEA-nın Müxbir Üzvü (2014)
İş yeri Azərbaycan Tibb UniversitetiI Cərrahi Xəstəliklər Kafedrası, Tədris Cərrahiyə Klinikası
Təhsili Azərbaycan Tibb Universiteti
Elmi rəhbəri Viktor Kuzmiç Qostişyev, Viktor Aleksandroviç Vertyanov, Həsən Sultanov, Mehmet Haberal
Tanınır Cərrah, Transplantoloq, Hepatoloq
Üzvlüyü Azərbaycan Milli Elmlər Akademiyası

Nuru Bayramov (Nuru Yusif oğlu Bayramov; d. 1963, Basarkeçər rayonu, Nərimanlı kəndi) — Tibb elmləri doktoru, professor, AMEA-nın müxbir üzvi (2014)[1]

Həyatı[redaktə | əsas redaktə]

1963-cü ildə Göyçə mahalı Basarkeçər rayonunun Nərimanlı kəndində anadan olmuşdur. Orta məktəbi əla qiymətlərlə bitirdikdən sonra 1980-ci ildə N.Nərimənov adına Azərbəycan Tibb Institutunun müalicə-profilaktika fakultəsinə daxil olmuş, 1986-cı ildə bu fakultəni “Lenin adına təqaüdçü” və Cərrahiyə ixtisasıüzrə fərqlənmə diplomu ilə bitirmişdir..

1986-1988-ci illərdə Azərbəycan Tibb Universitetinin 1-ci Cərrahi Xəstəliklər kafedrasında klinik ordinatura keçmiş, 1988-ci ildə I.M.Seçenov adına I Moskva Tibb Akademiyasında “Cərrahiyə” ixtisası üzrə aspiranturaya daxil olmuş, 1991-ci ildə aspiranturanı vaxtından əvvəl bitirərək “Tədqiqatçı Həkim” ixtisası almışdır.

1991-ci ildə Moskva Tibb Akademiyasında “Xroniki osteomielitlərin kompleks müalicəsində kombinəolunmuş lazerlərin tədbiqi” adlı dissertasiya mövzusunu müdafiə edərək “Tibb Elmləri Namizədi”(PhD)elmi dərəcəsini almışdır.      

1991-1994-cü illərdə N.Nərimanov adına Azərbaycan Tibb Universitetinin 1-ci Cərrahi Xəstəliklər kafedrasında assistent vəzifəsində işləmişdir. Qarabağ müharibəsi dövründə yralılara Tərtər hərbi hospitalında və arxada cərrahi xitmətin göstərilməsində aktiv iştirak etmiş, Xocalı hadisəsində donmaların müalicəsində yenilikçi fəaliyyət göstərmişdir.

1994-cü ildə “Qaraciyər Cərrahiyyəsi və Transplantasiyası’’ mövzuları üzrə elmi tədqiqat işləri aparmaq, “Laparoskopik, Qastroentoroloji və Onkoloji Cərrahiyə” üzrə praktik təcrübə keçmək üçün Türkiyə Respublikasına ezam edilmişdir. 2000-ci ilə qədər Yüksək Ixtisas Xəstaxanasında, Başkənd Universiteti Orqan Nəqli Klinikasında və Ankara Universiteti Cərrahi Onkologiya Bölümündə elmi-tədqiqat işləri aparmış və praktik təcrübə keçmişdir.

1996-1998 illərdə Türkiyənin Yüzüncü Yıl və Kırıkkale Universitetlərinin Ümumi Cərrahiyyə kafedralarında Dossent Doktor kimi, kafedra müdürü vəzifəsində işləmiş, kafedraların qurulmasında, Laparoskopik cərrahiyyənin, qaraciyər cərrahiyyəsinin təşkil edilməsində  iştirak etmişdir.

1999-cu ildə “Qaraciyər rezeksiyalarından sonrakı ağırlaşmaların proqnozlaşdırılması və profilaktikası’’ mövzusunda dissertasiyasiya müdafiə edərək “Tibb Elmləri Doktoru”elmi dərəcəsi almışdır.  

2000-ci ildə Türkiyədə ixtisaslaşma keçmək üçün göndərilən Mərkəzi Klinik Xəstəxananın həkim və tibb bacılarınına rəhbərlik etmişdir. 2001-ci ildən Azərbaycana qayıdaraq Mərkəzi Klinik Xəstəxananın və Mərkəzi Gömrük Hospitalının təşkilində, kadr hazırlığında, ümumi, laparoskopik və transplantasyon cərrahiyyənin yaradılmasında aktiv iştirak etmişdir.

2001-ci ildə Azərbaycan Tibb Universitetinin 1-ci Cərrahi Xəstəliklər kafedrasında dossent, 2004-cü ildə professor, 2012-ci ildən isə kafedra müdiri vəzifəsinə seçilmişdir.  2015-2016 tarixləri arasında ATU Cərrahi Klinikasının Direktor əvəzi vəzifəsində işləmişdir.

2014-cü ildə AMEA müxbir üzvü seçilmişdir.

Təhsili[redaktə | əsas redaktə]

1. Orta təhsil

  • 1970-1980, Nərimanlı kənd orta məktəbi

2. Ali təhsil

  • 1980-1986, Azərbaycan Tibb İnstitutu, 1-ci Müalicə-Profilaktika fakultəsi

3. İxtisaslaşma təhsili

  • Klinik ordinatura, 1986-1988,   Azərbaycan Tibb Universiteti 1-ci Cərrahi Xəstəliklər kafedrası
  • Aspirantura, 1988-1991, İ.M.Seçenov adına Birinci Moskva Dövlət Tibb Universiteti, Ümumi Cərrahiyyə kafedrası
  • Uzmanlıq və yan ixtisas:1994-2000
  • Transplantasiya, Başkent Universitesi Organ Nakli Klinikası, Anakara
  • Lapaoskopik və qastrointestinal cərrahiyyə, 1994-1996, Yüksek İhtisas Hastanesi, Ankara
  • Cərrahi onkologiya, 1995-1996, 2000, Ankara Universitesi Cərrahi Onkoloji Bilim dalı
  • Qaraciyər transplantasiyası, 2011, İnönü Universitesi Tıp Fakültesi, Malatya

Ailəsi[redaktə | əsas redaktə]

Ailəlidir, 3 övladı var. Atası Yusif Bayramov müəllim, el ağsaqqalı və şair olmuşdur.

Elmi dərəcələri və dissertasiyalarının adı[redaktə | əsas redaktə]

1. 1991, Tibb Elmləri Namizədi, KD No -041869, SSRİ AAK, Moskva

  • Doctor of Philosophy in Medicine (PhD), KTP No-003665, Moskva
  • Xroniki osteomielitlərin kompleks müalicəsində kombinəolunmuş lazerlərin tədbiqi, Moskva

2. 1999, Tibb Elmləri Doktoru, ED No 0467, AAK, Bakı

  • Qaraciyər rezeksiyalarından sonrakı ağırlaşmaların proqnozlaşdırılması və profilaktikası, Bakı

Elmi adları[redaktə | əsas redaktə]

  1. 2002, Dosent, DU No- 01799, AAK, Bakı
  2. 2008, Professor, PR No -0845, AAK, Bakı
  3. 2014, Azərbaycan Milli Elmlər Akademiyasının Müxbir Üzvü, M-129, Bakı

İşlədiyi vəzifələr və iş yerləri[redaktə | əsas redaktə]

  1. 1991-1994, Assistent, ATU I cərrahi xəstəliklər kafedrası
  2. 1994-1996, Stajer, Yüksək İhtisas Xəstəxanası, Başkent Üniversiteti, Ankara Universiteti
  3. 1996-1998, Doç. Dr., Yüzüncü Yıl Universiteti Tibb Fakültəsi, Ümumi Cərrahiyyə kafedrası, Van
  4. 1998-1999, Doç. Dr., Kırıkkale Universiteti Tibb Fakültəsi,  Ümumi Cərrahiyyə kafedrası, Kırıkkale
  5. 1999-2004, Dosent, ATU, I cərrahi xəstəliklər kafedrası
  6. 2004-2012, Professor, ATU, I cərrahi xəstəliklər kafedrası
  7. 2012, Kafedra müdiri, ATU, I cərrahi xəstəliklər kafedrası

Fəaliyyəti[redaktə | əsas redaktə]

Elmi fəaliyyəti[redaktə | əsas redaktə]

Elmi fəaliyyətinə tələbəlik illərindən başlamışdır. Universitetin 3-ci kursundan başlayaraq tələbə elmi cəmiyyətinin üzvü, 1984-1986-cı illərdə müalicə-profilaktika fakultəsinin Tələbə Elmi Cəmiyyətinin sədri seçilmişdir, dəfələrlə Bakıda və SSRİ-nin müxtəlif ölkələrində keçirilən Tələbə Elmi Cəmiyyətlərinin konfranslarında çıxış etmişdir. Hələ tələbəlik dövründə onun 11 elmi işi çap olunmuşdur.  Əlaçı tələbə olduğu və elmi işlərdə aktiv fəaliyyətini nəzərə alaraq ona 1985-ci ildə İnstitiun ən yükək təqüdü olan “Lenin təqaüdü” verilmişdir və klinik ordinaturaya qəbul edilmişdir.  O elmi fəaliyyətini klinik ordinatura dövründə də davam etdirmiş, pilonidal sinusun müalicəsinə aid səmərəli təklif və ixtira şəhədətnamələri almışdır.

Onun sonrakı elmi fəaliyyəti 1988-1991-ci illər arasında İ.M.Seçenova daına Birinci Moskva Tibb Universitetinin Ümumi Cərrahiyyə kafedrasında aspiranturada davam etmişdir. Burada professorlar V.İ.Qostişevin və V.A.Vertyanovun rəhbərliyi altında lazerlərin cərrahiyyədə tətbiqi üzrə elmi işlər aparmış, 1991-ci ildə aspiranturanı vaxtından əvvəl bitirmiş və “Xroniki osteomielitlərin kompleks müalicəsində kombinəolunmuş lazerlərin tədbiqi” adlı dissertasiya mövzusunu müdafiə edərək Tibb Elmləri Namizədi (tibb üzrə fəlsəfə doktoru) elmi dərəcəsini almışdır.

1991-ci ildə Azərbaycana qayıdaraq Azərbaycan Tibb Universitetinin I cərrahi xəstəliklər kafedrasında assistent kimi fəaliyyətə başlamışdır. Burada lazerlərin cərrahiyyədə tətbiqi mövzusunda tədqiqatlarını davam etdirməklə yanaşı,  odlu silah yaralanmalarının müalicəsinə aid tədqiqatlar aparmış, bir neçə məqalə və konfranslarda çıxışlar etmişdir. 1992-ci ildə Xocalı soyqırımı vaxtı əl və ayaqları donmalarla məruz qlan çoxlu Azərbaycan vətandaşlarının müalicəsində ilk dəvə olaraq suda həll olan məlhəmlər və lazer şüaları təbiq etmişdir. Bu yeni müalicənin nəticəsində nekrozun həcmi azalmış, hüdudlanma və müalicə müddəti xeyli qısalmışır. Onun bu sahədə apardığı tədqiqatların nəticəsində bir neçə məqalə, bir fəlsəfə doktorluğu dissertasiyası və ixtira ortaya çıxmışdır.

Onun növbəti elmi fəaliyyəti 1994-200-ci illərdə Türkiyənin Yüksek İhtisas Hastanesi, Başkent Universitesi, Ankara Universitesi və Yüzüncü Yıl Universitesində davam etmişdir.  O bu elmi-tədris ocaqlarında uzmanlıq və yan ixtisaslaşma keçməklə yanaşı transplantasiya, qaraciyər rezeksiyaları və laparoskopik cərrahiyyə üzrə klinik və eksperimental tədqiqatlar aparmışdır. Canlı donorlarda  qaraciyər rezeksiyaları, qaraciyər rezeksiyasında su şırnağı, sirrotik qaraciyər rezeksiyalarında ultrasəs bışağı (CUSA) və arqon koaqulyatoru, lazerin və dalarginin qaraciyər regenerasiyasına təsiri, rezeksiyalardan sonra qaraciyərin morfo-funksional regenerasiyası, ağırlaşmaların profilaktikası, laparoskopik cərrahiyyədə ağırlaşmalar, qaraciyər yaralanmalarının təsnifatı və s. onun bu dövrdəki əsas tədqiqat mövzuları olmuşdur. O 1997-ci ildə Van şəhərində Yüzüncü Yıl Universitetində su şırnağının qaraciyər rezeksiyasında tətbiqi üzrə eksperimental tədqiqatlar aprmış və su şırnağının bəzi parametrlərini dəqiqləşdirə bilmişdir (diametri və təzyiqi). Bu mövzu üzrə bir neçə məqlə və bir fəlsəfə doktorluğu dissertsiyası müdafiə edilmişdir.  

O qaraciyər rezeksiyası və transplantasiyası üzrə apardığı klinik və eksperimental tədqiatların nəticəsində 2 monoqrafiya, 31 məqalə nəşr etdirmiş, 1999-cu ildə “Qaraciyər rezeksiyalarından sonrakı ağırlaşmaların proqnozlaşdırılması və profilaktikası’’ mövzusunda dissertasiyasiya müdafiə edərək Tibb Elmləri Doktoru elmi dərəcəsi almışdır.

O 2000-ci ildə Azərbaycana qayıdaraq Azərbaycan Tibb Universitetində əvvəl dossent, professor, hazırda isə I cərrahi xəstəliklər kafedrasının müdiri kimi kimi fəaliyyətini davam etdirir. Bu dövrdə  onun elmi fəaliyyətinin əsas istiqamətlərini qaraciyər rezeksiyaları, qaraciyər və böyrək trasnplantasiyası, laparoskopik və metabolik cərrahiyyə, kök hüceyrlər və gentik tədqiatlar təşkil etməkdədir. Onun rəhbərliyi ilə laparokopik appendektomiya, laparoskopik fundoplikasiya, laproskopik öd yolları müayinələri, laparokopik xoledox əməliyyatları, laparoskopik yırtıq təmiri, laproskopik simultan əməliyyatlar, mövzularında fəlsəfə doktorluğu dissertasiyaları müdafiə edilmiş, qaraciyər transplantasiyasında biliar ağırlaşmalr, mikro-RNT-lər, qraciyər disfunksiyası və histonlar, kolorektal polipllərdə kök hüceyrələr, tiroid patologiyalarında yod polimerləri, qaraciyər patologiyalarında elsatoqrafiya, aşırı piylənmədə bariatrik əməliyyatlar mövzularında doktorluq dissertsiya işləri davam etdirilir. Oun elastoqrafiya və yağlı qaraciyərlərə bağlı sirrozlarda  gen polimorfizmi üzrə qrant lahiyyələri qəbul edilmişdir. Ölkəmizdə ilk dəfə olaraq kök hüceyrlərinin qaraciyər xəstəliyində tətbiqi onun tərəfindən həyata keçirilmişdir.

O ölkəmizdə və dünyada elmi-təşkilatı işlərdə aktiv fəaliyyət göstərir. O ölkəmizdə tibb elminin piroritet istiqamətlərinin müəyyənləşdirilməsində və təbliğində (kök hüceyrələr və regenerator tibb, genomika, molekulyar biologiya, yüksək texnologiyalar və tibb, sübutlu təbabət, translyasyon tibb və s) aktiv iştirak edir. Onun təşkilatçılığı ilə 2014-cü ildən başlayaraq ilə hər il 5-6 beynəlxalq konfranslar keçirilir ki, bunlara Bakı-Mlatya Transplatasiya günləri, Türkiyə-Azərbaycan Hepatoloji Kursu, Beynəlxalq Bariatrik-Metabolik Cərrahiyyə, Endokrin Cərrahiyyə, Kolorektal Cərrahiyyə üzrə requlyar keçirilən konfransıarı aid etmək olar.

2006-cı ildən I müalicə-profilaktika fakültəsi Elmi Şurasının, 2006-2014 cü illərdə D.03.011 Dissertasiya Şurasının üzvü, 2015-ci ildən Ali Attestasiya Komossiyasının Rəyasət Heyətinin üzvü, 2014-ci ildən Azərbaycan Milli Elmlər Akademiyasının Tibb üzrə Əlaqələndirmə Şurasının sədri, 2016-cı ildən Biologiya və Tibb Bölümünün Akademik katibinin müavini və Büronun üzvüdür, 2013-cü ildən ATU-nun “Cərrahiyyə” üzrə Problem Komissiyasının sədridir. Bununla yanaşı bir çox beynəlxalq cəmiyyətlərin üzvüdür: Avropa Hepatoloqlar Cəmiyyəti (EASL), Avropa Endoskopik Cərrahiyyə Cəmiyyəti (EAES), Avropa Transplantasiya Cəmiyyəti (ESOT), Beynəlxalq Qaraciyər Transplantasiyası Cəmiyyəti (ILTS), Beynəlxalq Transplantasiya Cəmiyyəti (TTS), Beynəlxalq Qastroenteroloqlar və Onkoloji Cərrahlar cəmiyyəti (IASGO), Beynəlxalq Piylənmə Cərrahiyyəsi Federasiyası (IFSO), Avropa Transluminal Cərrahiyyə Cəmiyyəti (EATS), Klinik Robotik Cərrahlar Cəmiyyəti (CRSA), Türkiyə Qastroenteroloqlar Cəmiyyəti.

Hazırki dövrə qədər 187 kongresdə iştirak etmiş, cəmi 337 işi çap olunub: 24 kitab, 9 metodik tövsiyyə, 115 məqalə, 179 tezis. 10 ixtira və səmərələşdirici təklifin müəllifidir. Rəhbərliyi altında 5 dissertasiya işi müdafiə olunmuşdur. İki qrant layihəsinin iştirakçısıdır.


Praktik fəaliyyəti[redaktə | əsas redaktə]

O ölkəmizdə klinik, elmi təbəbətin və tibb təhsilinin müasirləşməsi və inkişafı prosesində aktiv iştirak etmişdir. O 1990-cı illərdə Bakıda və cəbhə xəttindəki hərbi hospitallarda Qarabağ müharibəsində yaralanalara ixtisaslaşmış cərrahi xidmət göstərmişdir. 1992-ci ildə Xocalı soyqırımında evlərini tərk etməyə məcbur olub bir neçə gün soyuqda qaldıqdan sonra əl və ayaqlarında donmalar baş verən mülki əhlinin müalicəsində aktiv iştirak etmiş və yeni müalicə üsulunu tətbiq edərək uğulu nəticə əldə etmişdir. Bundan başqa 1994-cü il yanvar ayıda Tərtər rayonunda 2 saylı Hərbi Səhra Hospitalında çalışmış, çoxsaylı yaralı əsgərlərə ixisaslaşmış cərrahi xidmət göstərmişdir.

O Türkiyədə Yüzüncü Yıl Universiteti və Kırıkkale Universiteti Tibb Fakultələrində ümumi, laparoskopik və qaraciyər cərrahiyyəsinin təşkilində fəal iştirak etmişdir. 

O ölkəmizdə laparoskopik, transplantasyon, qaraciyər və bariatrik-metabolik cərrahiyənin elmi-praktik əsasını qoyan, beynəlxalq klinik protokolları təşkil və tətbiq edən öncüllərdəndir.

Ölkəmizdə ilk müasir klinkalardan olan Mərkəzi Klinikada, Mərkəzi Gömrük Hospitalında və Tədris Cərrahiyyə Klinikasında cərrahi xidmətin təşkilində, o cümlədən 1999-cu ildə M.Nağıyev adına xəstəxanada, 2001-ci ildə Mərkəzi Klinikada və 2009-cu ildə Mərkəzi Gömrük hospitalında laparoskopik mərkəzlərin yaradılmasıda aktiv iştirak etmiş, 2010-cu ildə Gömrük Hospitalında və 2014-ci ildə  Tədris Cərrahiyyə Klinikasında transplantasiya bölümlərinin təşkilinə, qaraciyər və böyrək köçürülməsi əməliyyatlarının həyata keçirilməsinə rəhbərlik etmişdir.

Ölkəmizdə ilk kök hüceyrə köçürülməsi, bariatrik əməliyyatlar, böyük qaraciyər rezeskiyaları o cümlədən ALPPS əməliyyatları, zədələnməyə nəzarət cərrahiyyəsi, sintetik yamaqla proqramlaşdırılmış laparostomiya,  bir çox irəli səvviyyə laparoskopik əməliyyatlar (xoledox eksploarasiyası və rezeksiyası, xoledoxo-duodenoanastomoz, xoledoxo-yeyunoanastomoz, fundoplikasiya, qaraciyər, pankreas, mədə,  nazik və yoğun bağırsaq rezeksiyaları, portal vena liqasiyası, qastro-yeyunostomiya, splenektomiya, histerektomiya, kist və yırtıq əməliyyatları, renal kistektomiya, simpatektomiya və s.), dünyada ilk torakoskopik frenik nervektomiya və Azərbaycan Tibb Unversitetində ilk orqan transplantasiyası (2015) onun başçılığı ilə həyata keçirilmişdir.

Onun yetişdirdiyi cərrahlar ölkəmizdə və dünyada laparoskopik cərrahiyyənin inkişafında və geniş tətbiqində mühüm rol oynayırlar.

O, 2019-cu ildə Malatya şəhərində İnönü Universiteti Karaciger Nakli Enstitütüsündə həyata keçirilən və Ginnesin Rekordlarına namizəd olan “Eyni anda 5 xəstəyə canlıdan qaraciyər köçürülməsi əməliyyatlarının” iştirakçışı və beynəlxalq eksperti olmuşdur.

Pedaqoji fəaliyyəti[redaktə | əsas redaktə]

O pedaqoji fəaliyyətinə İ.M.Seçenov adında Birinci Moskva Tibb Universitetinin ümumi cərrahiyyə kafedrasında aspirantura dövründən başlamış, Yüzüncü Yıl Universitesinde (1996-1997) və  Kırıkkale  Univesitesində (1998) Dosent Doktor,  Azərbaycan Tibb Universitetində isə asistent (1991-1994), dossent (1999-2004), professor (2004-2012) və kafedra müdiri (2012-dən) vəzifələrində davam etmişdir.  

O ölkəmizdə tələbərlərin və rezisdentlərin cərrahiyyə üzrə təhsilinin müasirləşdirlməsində də fəal iştirak etməkdədir. Onun rəhbərliyi ilə ölkəmizdə ilk dəfə olaraq tələbələr və rezidentlər üçün müasir səriştəyönlü təhsil proqramı Cərrahi xəstəliklər və hərbi səhra cərrahiyyəsi fənni üzrə tədris proqramı, online Cərrahiyyə dərsliyi Cərrahi xəstəliklərbck.az adlı portal  hazırlanmış, bütün dərs materiallarının, o cümlədən mühazirələrin, praktiki dərs mövzularının, əməliyyat texnikalarının, test suallarının elektron variantları tərtib edilmiş, dəsrlərin multimediya vasitələri ilə aparılmasına başlanmış, interaktiv səhər dərsləri və konseylər təşkil edilmiş, cərrahi xəstələrin müayinə və müalicə protokolları hazırlanmış, tələbələr və rezidentlər üçün açıq və laparoskopik cərrahi təlim kursları, xaricdə və online kurslar tərşkil edilmişdir.

Çap olunan işlərinin sayı[redaktə | əsas redaktə]

Ədəbiyyat Say
Kitablar 24
Məqalələr 115
Tezislər 179
Metodik tövsiyyə 9
Cəmi 337

İstinadlar[redaktə | əsas redaktə]

Xarici keçidlər[redaktə | əsas redaktə]