Octopath Traveler

Vikipediya, açıq ensiklopediya
Jump to navigation Jump to search
Picto infobox gamepad.png
Octopath Traveler
OctopathTraveler-Cover-Art.jpg
Hazırlayan Square Enix
Acquire
Nəşr edən Nintendo
Square Enix (Yaponiya)
Anons tarixi 17 sentyabr 2017 (2017-09-17)
Buraxılış tarixləri Ümumdünya 13 iyul 2018
Sonuncu versiya
Janrlar Rol
Yaş reytinqləri PEGI: PEGI 12
ESRB: TMature
USK: 12
ACB: MA 15+
CERO: C
Prodüserlər Tomoya Asano
Masaşi Takahaşi
Dizaynerlər Kota Osaki
Ssenaristlər Yura Kubota
Şiro Hatano
Martin Monplezir
Proqramçılar Satoşi Haseqava
Yutaka Vatanbe
Rəssamlar Naoki İkuşima
Mika İizuka
Bəstəkarlar Yasunori Nişiki
Texniki məlumat
Platformalar Nintendo Switch
Oyun rejimləri Birnəfərli oyun
Daşıyıcılar Oyun kartrici (Nintendo Switch üçün), rəqəmsal dağılım (eShop)
Rəsmi saytı

Octopath Traveler (オクトパス トラベラ Okutopasu Toraberā?, azərb. Səkkizcığırlı səyahətçi‎) — "Square Enix" və "Acquire" tərəfindən hazırlanan və "Nintendo" tərəfindən nəşr olunan növbəyə əsaslanan rol video oyunu. Oyun 14 noyabr 2018-ci il tarixində Nintendo Switch platforması üçün eksklüziv olaraq satışa çıxarılmışdır. Oyun satışa çıxarıldıqdan bir ay sonra bir milyondan çox nüsxə satmışdır. Bu isə onu Nintendo Switch platformasının ən çox satan video oyunlarından biri etmişdir.

Oyunun süjeti Orsterra adlı uydurma bir dünyada cərəyan edir. "Octopath Traveler" səkkiz fərqli personajdan bəhs edir və onların hər birinin özəl hekayə arkı mövcuddur. Bu personajlar – ruhani Ofiliya, alim Sirus, tüccar Tressa, cəngavər Olberik, zadəgan rəqqas Primroz, əczaçı Alfin, oğru Terion və ovçu H'aanit. Hekayələr arasında bəzən üst-üstə düşmə olsa da əksər hissələri xüsusidir.

"Octopath Traveler" tənqidçilərdən müsbət rəylər almışdır. Oyun personajları, səs aktyorluğu, mütərəqqi döyüş sistemi, vizualları və ümumi estetikasına görə təriflənmiş, ancaq bir-birinə oxşar və sönük süjetlərinə görə tənqid edilmişdir. Oyun bir çox tənqidçi tərəfindən şahəsər və ən yaxşı müasir JRPG-lərdən biri hesab edilmişdir.

Qurma[redaktə | əsas redaktə]

Süjet[redaktə | əsas redaktə]

Oyunun süjeti Orsterra adlı uydurma bir dünyada cərəyan edir. oyunçuların başlanğıcdan seçə bildiyi və daha sonra dəyişdirə bildiyi səkkiz fərqli protaqonistin hekayəsindən ibarətdir. Bu personajlar – ruhani Ofiliya, alim Sirus, tüccar Tressa, cəngavər Olberik, zadəgan rəqqas Primroz, əczaçı Alfin, oğru Terion və ovçu H'aanit. Oyunçu səkkiz protaqonistdən birini seçdikdən sonra oyuna Orsterra mərkəzi vilayətlərində yerləşən gölün yaxınlıqlarında başlayırlar.[2]

Bütün personajların müxtəlif hekayələrini bitirdikdən sonra onların hər birinin əsas hədəflərinin həyat və ölüm tanrısı olan Qaldera və onu sərbəst buraxmaq barədə olan gizli bir layihə ilə əlaqədar olduğu aşkar edilir. Bunu öyrəndikdən sonra personajlar Hornburq krallığındakı Finnis darvazasına gedirlər və Qalderanınn həbs olunduğu yeri tapırlar. Onlar yenicə sərbəst buraxılmış Qaldera ilə vuruşub onu məğlub edirlər.[3]

Orsterra[redaktə | əsas redaktə]

Orsterra (lat. terrayer, dünya) "Octopath Traveler" kainatındakı uydurma bir dünyadır və oyunun cərəyan etdiyi əsas yerdir. Orsterra 8 vilayətə bölünmüşdür. Onlar – "Frostlands" (azərb. Şaxta torpaqlar‎), "Flatlands" (azərb. Düzənlik torpaqlar‎), "Coastlands" (azərb. Sahil torpaqlar‎), "Highlands" (azərb. Dağlıq torpaqlar‎), "Sunlands" (azərb. Günəşli torpaqlar‎), "Riverlands" (azərb. Çaylı torpaqlar‎), "Cliftlands" (azərb. Uçurumlu torpaqlar‎), "Woodlands" (azərb. Meşəlik‎).[4]

Frostlands (azərb. Şaxta torpaqlar‎, translit. Frostlends) – Orsterranın şimalında yerləşən vilayət. Vilayət soyuq iqlimi ilə xarakterizə edilir. Vilayətdə Fleymsqreys (ing. Flamesgrace, bukv. Alovlar ərdəmi), Stillsnou (ing. Stillsnow, bukv. Sakit qar) və Nortriç (ing. Northreach, bukv. Şimal məkan) şəhərləri mövcuddur. Vilayətin paytaxtı və ən böyük şəhəri olan Fleymsqreys ruhani Ofiliyanın anadan olduğu yerdir və dinin mərkəzi hesab edilir. Vilayətin qərbində "Woodlands", şərqində isə "Flatlands" mövcuddur.[5]

Flatlands (azərb. Düzənlik torpaqlar‎, translit. Fletlends) – Orsterranın şimal-qərbində yerləşən vilayət. Vilayət düzənlik əraziləri ilə xarakterizə edilir. Vilayətdə Atlasdam (bukv. Atlas dəhnəsi), Noblkort (ing. Noblecourt, bukv. Zadəgan sarayı) və Uispermill (ing. Wispermill, bukv. Pıçıltı dəyirmanı) şəhərləri mövcuddur. Vilayətin paytaxtı və ən böyük şəhəri olan Atlasdam alim Sirusun anadan olduğu yerdir və elmin mərkəzi hesab edilir. Vilayətin qərbində "Frostlands", şərqində isə "Coastlands" mövcuddur.[6]

Coastlands (azərb. Sahil torpaqlar‎, translit. Kostlends) – Orsterranın şərqində yerləşən vilayət. Vilayət soyuq iqlimi ilə xarakterizə edilir. Vilayətdə Rippltayd (ing. Rippletide, bukv. Ləpə axını), Qoldşor (ing. Goldshore, bukv. Qızıl sahil) və Qrendport (ing. Grandport, bukv. Böyük liman) şəhərləri mövcuddur. Vilayətin paytaxtı və ən böyük şəhəri olan Rippltayd tüccar Tressanın anadan olduğu yerdir. Şəhərin böyük bir limanı var və ticarət mərkəzi hesab edilir. Vilayətin qərbində "Flatlands", cənubunda isə "Highlands" mövcuddur.[7]

Highlands (azərb. Dağlıq torpaqlar‎, translit. Haylends) – Orsterranın cənub-şərqində yerləşən vilayət. Vilayət dağlıq relyefi ilə xarakterizə edilir. Vilayətdə Kobblston (ing. Cobbleston, azərb. Çay daşı‎), Stonqard (ing. Stonegard, bukv. Daş qəyyumu) və Everhold (bukv. Əbədi qəsr) yaşayış məntəqələri mövcuddur. Vilayətin qərbində yerləşən Kobblston cəngavər Olberikin anadan olduğu yerdir. Vilayətin şimalında "Coastlands", qərbində isə "Sunlands" mövcuddur.[8]

Vilayət 200 ildən çox müddət idi ki, Hornburq krallığı (ing. Kingdom of Hornburg) tərəfindən idarə olunurdu, ancaq krallıq vətəndaş müharibəsinə görə süquta uğramışdır.[a] Bu hadisədən sonra yerdə qalan feodallar regionu idarə etmək üçün bir-birləriylə vuruşmuşdular. Onlar arasında kiçik həcmli qarşıdurmalar hələ də davam edir.[8]

Sunlands (azərb. Günəşli torpaqlar‎, translit. Sanlends) – Orsterranın cənubunda yerləşən vilayət. Vilayət isti iqlimi ilə xarakterizə edilir. Vilayətdə Sunşeyd (ing. Sunshade, bukv. Günəş kölgəsi), Uellsprinq (ing. Wellspring, bukv. Quyu çeşməsi) və Marsəlim (ing. Marsalim) şəhərləri mövcuddur. Vilayətin şimalında yerləşən Sunşeyd zadəgan rəqqas Primrozun anadan olduğu yerdir. Vilayətin qərbində "Riverlands", şərqində isə "Highlands" mövcuddur.[9]

Vilayətdə yerli olan on iki tayfa əsrlər boyu bir-birləri ilə kiçik bir vahə uğrunda vuruşmuşdular. Buna baxmayaraq, Marsəlim-əsaslı Yaşum tayfası 100 il əvvəl bütün tayfaları birləşdirmiş və Triberiya krallığını (ing. Kingdom of Triberia) qurmuşdur. Kral Ümumi Başçı Məclisindəki tayfa başçıları tərəfindən səsvermə yolu ilə seçilir.[9]

Riverlands (azərb. Çaylı torpaqlar‎, translit. Riverlends) – Orsterranın cənub-qərbində yerləşən vilayət. Vilayət otlaq əraziləri və çayları ilə xarakterizə edilir. Vilayətdə Klirbruk (ing. Clearbrook, bukv. Açıq kiçik çay), Seyntsbric (ing. Saintsbridge, bukv. Müqəddəslər körpüsü) və Riverford (bukv. Çay keçidi) şəhərləri mövcuddur. Vilayətin şərqində yerləşən Klirbruk əczaçı Alfinin anadan olduğu yerdir. Vilayətin şimal-şərqində "Cliftlands", qərbində isə "Sunlands" mövcuddur.[10]

Cliftlands (azərb. Uçurumlu torpaqlar‎, translit. Kliftlends) – Orsterranın qərbində yerləşən vilayət. Vilayət qayalı coğrafiyası və uçurumları ilə xarakterizə edilir. Vilayətdə Bolderfall (bukv. Valun düşən), Kvarikrest (ing. Quarrycrest, bukv. Karxana zirvəsi) və Oruell (ing. Orewell, bukv. Filiz quyusu) şəhərləri mövcuddur. Vilayətin qərbində yerləşən Klirbruk oğru Terionun anadan olduğu yerdir. Vilayətin şimalında "Woodlands", cənub-qərbində isə "Riverlands" mövcuddur.[11]

Woodlands (azərb. Meşəlik‎, translit. Vudlends) – Orsterranın şimal-qərbində yerləşən vilayət. Vilayət böyük meşələri ilə xarakterizə edilir. Vilayətdə S'varkii (ing. S'warkii, bukv. Açıq kiçik çay), Viktors-Hallou (ing. Victors Hollow, bukv. Qaliblər çalası) və Daskberrou (ing. Duskbarrow, bukv. Alaqaranlıq təpəsi) şəhərləri mövcuddur. Vilayətin cənub-şərqində yerləşən S'varkii ovçu H'aanitin anadan olduğu yerdir. Vilayətin cənubunda "Cliftlands", qərbində isə "Frostlands" mövcuddur.[12]

Tanrılar[redaktə | əsas redaktə]

"Octopath Traveler" kainatında cəmi 13 tanrı mövcuddur. Onlar – Mərhəmətli Dohter (ing. Dohter the Charitable, yap. 霊薬公ドーター, anqlosaks: Dohterhəkim), Odgətirən Aelfrik (ing. Aelfric the Flamebringer, yap. 聖火神エルフリック; anqlosaks: Ælfric), Məlahət banusu Seyltic (ing. Sealticge Lady of Grace, yap. 舞踏姫シルティージ; anqlosaks: Sēalticgerəqqas), Ovçu Draefendi (ing. Draefendi the Huntress, yap. 狩王女ドレファンド; anqlosaks: Drǽfendovçu), Tüccar Bifelqan (ing. Bifelgan the Trader, yap. 紳商伯ビフェルガン; anqlosaks: Be-felgan – təhvil vermək, ötürmək), Alim kral Alefan (ing. Alephan the Scholarking, yap. 碩学王アレファン; ivr. א‎ – alef), Oğrular şahzadəsi Aeber (ing. Aeber the Prince of Thieves, yap. 盗公子エベル; anqlosaks: Ǣ-ber – adı çıxmış, dilə düşmüş), İldırımqılınc Brend (ing. Brand the Thunderblade, yap. 雷剣将ブランド; anqlosaks: Brand – məşəl, qılınc), Runaqılınc Baloqar (ing. Balogar the Runeblade, yap. 魔剣士バロガー; anqlosaks: Belo – kinli, təhlükəli, anqlosaks: Gár – itiuclu qılınc), Arximaq Dreysanq (ing. Dreisang the Archmagus, yap. 魔大公ドライサング; anqlosaks: Dreó – sehr, anqlosaks: sang – mahnı, oxumaq), Ulduzizləyən Steorra (ing. Steorra the Starseer, yap. 星占師ステオーラ, anqlosaks: Steorraulduz), Müharibəgətirən Vinnehild (ing. Winnehild the Warbringer yap. 豪武匠ウィンヒルド, anqlosaks: Winnend – müharibə, anqlosaks: Hild – döyüşçü), Yıxımış Qaldera (ing. Galdera the Fallen yap. ガルデラ ザ フォルン, anqlosaks: Galdere – cadugər). Qaldera istisna olmaqla, tanrıların hər birinə həsr olunmuş xüsusi səcdəgahlar mövcuddur. Oyunçular by səcdəgahlara ziyarət edəndə səcdəgahla əlaqəli olan tanrı onlara hədiyyələr bəxs edirlər.[13]

Minillər əvvəl Qaldera digər tanrılara xəyanət etmiş və onların güclərini özünə götürməyə cəhd göstərmiş, ancaq uğursuz olmuşdur. O, Odgətirən Aelfrik tərəfindən Finnis darvazasının arxasında yerləşən sonsuz qaranlıq bir diyarda həbs edir. Bununla birlikdə Qaldera "yıxılmış" ləqəbini qazanmışdır.[14] Buna baxmayaraq, Qalderanın qızı Liblas (ing. Lyblac; anqlosaks: Lyb-lác – sehrbazlıq) onu xilas etmək üçün əlindən gələni etmişdir. O, Qalderanı həbs etmiş Odin Krossfordun nəslinin üzvlərinin arxasına düşür. Liblas Qraham Krossfordu öldürməyə çalışır, ancaq uğursuz olur. Buna görə də o, Qrahamın övladı Kit Krossfordu izləyir.[15]

Personajlar[redaktə | əsas redaktə]

Oyunun cəmi səkkiz protaqonisti var. Onların hər birinin özünə məxsus bacarıqları var.

Ofiliya Klement (オフィーリア・クレメント Ofiria Kuremento?, ing. Ophilia Clement)

Sirus Albrayt (サイラス・オルブライト Sairasu Oruburaito?, ing. Cyrus Albright)

Tressa Kolsione (トレサ・コルツォーネ Toresa Korutsōne?, ing. Tressa Colzione)

Olberik Eyzenberq (オルベリク・アイゼンバーグ Oruberiku Aizenbagu?, ing. Olberic Eisenberg)

Primroz Eyzelhart (プリムロゼ・エゼルアート Purimuroze Ezeruato?, ing. Primrose Azelhart)

Alfin Qrinqrass (アーフェン・グリーングラス Afen Guringurasu?, ing. Alfyn Greengrass)

Terion (テリオン Terion?, ing. Therion)

H'aanit (ハンイット, Han'itto?)

Qeympley[redaktə | əsas redaktə]

Qəbul[redaktə | əsas redaktə]

Tənqidçilərin mövqeyi[redaktə | əsas redaktə]

Satışlar[redaktə | əsas redaktə]

Mükafatlar[redaktə | əsas redaktə]

Qeydlər[redaktə | əsas redaktə]

  1. Bu hadisə oyun başlamazdan səkkiz il əvvəl baş vermişdir.

İstinadlar[redaktə | əsas redaktə]

  1. https://www.perfectly-nintendo.com/octopath-traveler-switch-software-updates/
  2. Karter, Kris "Octopath Traveler character guide". www.polygon.com. Polygon (12 iyul 2018). 29 iyul 2018 tarixində arxivləşdirilib. İstifadə tarixi: 22 dekabr 2018.
  3. Pentao. "My impressions on the final dungeon and boss... *Major Spoilers*". gamefaqs.gamespot.com. GameFAQs (avqust 2018). 22 dekabr 2018 tarixində arxivləşdirilib. İstifadə tarixi: 22 dekabr 2018.
  4. "World Map". www.ign.com. IGN (21 iyul 2018). 2 avqust 2018 tarixində arxivləşdirilib. İstifadə tarixi: 22 dekabr 2018.
  5. "Frostlands". octopathtraveler.wikia.com. Vikiya.
  6. "Flatlands". octopathtraveler.wikia.com. Vikiya.
  7. "Coastlands". octopathtraveler.wikia.com. Vikiya.
  8. 8,0 8,1 "Highlands". octopathtraveler.wikia.com. Vikiya.
  9. 9,0 9,1 "Sunlands". octopathtraveler.wikia.com. Vikiya.
  10. "Riverlands". octopathtraveler.wikia.com. Vikiya.
  11. "Cliftlands". octopathtraveler.wikia.com. Vikiya.
  12. "Woodlands". octopathtraveler.wikia.com. Vikiya.
  13. "Gods". octopathtraveler.wikia.com. Vikiya.
  14. "Galdera". octopathtraveler.wikia.com. Vikiya.
  15. "Lyblac". octopathtraveler.wikia.com. Vikiya.

Xarici keçidlər[redaktə | əsas redaktə]

Məlumat[redaktə | əsas redaktə]

Treylerlər[redaktə | əsas redaktə]