Oksana Kurt

Vikipediya, açıq ensiklopediya
Jump to navigation Jump to search

Oksana Kurt (qızlıq soyadı: Parxomeko; d. 28 iyul 1985; Bakı, Azərbaycan) — Azərbaycanı təmsil edən voleybolçu. Oksana Kurt, Azərbaycan yığmasının heyətində 2006-cı ildə baş tutan Dünya Çempionatında 13-cü yeri, 2014-cü ildə baş tutan Dünya Çempionatına isə 15-ci yeri tutub.

Həyatı[redaktə | əsas redaktə]

Oksana Kurt 28 iyun 1985-ci ildə Azərbaycanın Bakı şəhərində anadan olub. Oksana Kurtun bacısı, Yelena Parxomenko da voleybolçusur və Azərbaycan yığmasında çıxış edib.

Oksana Kurt ailəlidir. O, 4 iyun 2011-ci ildə Türkiyə vətəndaşı Onar Kurt ilə ailə həyatı qurdu.

Karyerası[redaktə | əsas redaktə]

Oksana Kurt, 2005-ci ildə Azərbaycan yığması ilə birgə Xorvatiyada baş tutan Avropa Çempionatına qatıldı. Yarışların bürünc medal uğrunda görüşündə Azərbaycan yığması, Rusiya yığmasına 0:3 hesabı ilə məğlub oldu və Avropa Çempionatını 4-cü yerdə başa vurdu.

Oksana Kurt daha sonra, 2006-cı ildə Yaponiyada baş tutan Dünya Çempionatına qatıldı. Yarışlarda, 4 dəfə qalib gələn, 5 dəfə isə məğlub olan Azərbaycan yığması, Dünya Çempionatını 24 yığma sırasında 13-cü yerdə başa vurdu.

Oksana Kurt bir ildən sonra, 2007-ci ildə BelçikaLüksemburqda baş tutan Avropa Çempionatına qatıldı. Yarışlarda, 1 dəfə qalib gələn, 7 dəfə isə məğlub olan Azərbaycan yığması, Avropa Çempionatını 16 yığma sırasında 12-ci yerdə başa vurdu.

Oksana Kurt üçüncü dəfə Avropa Çempionatına, 2009-cu ildə Polşada baş tutan yarışda qatıldı. Yarışlarda, 1 dəfə qalib gələn, 7 dəfə isə məğlub olan Azərbaycan yığması, Avropa Çempionatını 16 yığma sırasında 12-ci yerdə başa vurdu.

Oksana Kurt dördüncü dəfə Avropa Çempionatına, 2011-ci ildə İtaliyaSerbiyada baş tutan yarışda qatıldı. Yarışların pley-off mərhələsində Azərbaycan yığması, Niderland yığmasına 1:3 hesabı ilə məğlub oldu və Avropa Çempionatını 16 yığma sırasında 9-cu yerdə başa vurdu.

Oksana Kurt beşinci dəfə Avropa Çempionatına, 2013-cü ildə Almaniyaİsveçrədə baş tutan yarışda qatıldı. Yarışlarda, bütün 3 oyunda məğlub olan Azərbaycan yığması, Avropa Çempionatını 16 yığma sırasında 15-ci yerdə başa vurdu.

Oksana Kurt daha sonra, 2014-cü ildə İtaliyada baş tutan Dünya Çempionatına qatıldı. Yarışlarda, 4 dəfə qalib gələn, 5 dəfə isə məğlub olan Azərbaycan yığması, Dünya Çempionatını 24 yığma sırasında 15-ci yerdə başa vurdu.

Oksana Kurt sonuncu, altıncı dəfə Avropa Çempionatına, 2015-ci ildə BelçikaNiderlanddə baş tutan yarışda qatıldı. Yarışlarda, bütün 3 oyunda məğlub olan Azərbaycan yığması, Avropa Çempionatını 16 yığma sırasında 14-cü yerdə başa vurdu.

Uğurları[redaktə | əsas redaktə]

  • Shield of the European Union.svg CEV Kuboku
    • Qızıl medal (1) — 2002
    • Bürünc medal (1) — 2009
  • Azərbaycan Çempionatı
    • Qızıl medal (6) — 2003, 2004, 2005, 2006 2007, 2008
    • Gümüş medal (1) — 2014
    • Bürünc medal (2) — 2013, 2015
  • İsveçrə Çempionatı
    • Qızıl medal (1) — 2007
  • Rusiya Çempionatı
    • Gümüş medal (1) — 2010
  • Rusiya Kuboku
    • Qızıl medal (1) — 2010
  • Türkiyə Çempionatı
    • Qızıl medal (1) — 2009

Həmçinin bax[redaktə | əsas redaktə]

İstinadlar[redaktə | əsas redaktə]