Orxan Camal

Vikipediya, açıq ensiklopediya
Jump to navigation Jump to search
Orxan Camal
rus. Орхан Джемаль
Orxan Camal.jpg
Doğum tarixi 12 noyabr 1966(1966-11-12)[1]
Doğum yeri Moskva, SSRİ
Vəfat tarixi 31 iyul 2018 (51 yaşında)
Vəfat yeri Sibyu, Mərkəzi Afrika Respublikası
Dəfn yeri
Həyat yoldaşı İrina Qordiyenko
Uşağı Mənsur Camal
Atası Heydər Camal
Vətəndaşlıq SSRİ SSRİ
Rusiya Rusiya
Peşəsi jurnalist
Təhsili
  • Russian State Geological Prospecting University[d]

Orxan Camal (rus. Орхан Джемаль; d. 12 noyabr 1966, Moskva, Rusiya SFSR, SSRİ31 iyul 2018, Sibyu, Mərkəzi Afrika Respublikası) — Azərbaycan əsilli[2] rusiyalı jurnalistictimai xadim.

Həyatı[redaktə | əsas redaktə]

Orxan Camal 12 noyabr 1966-cı ildə Moskva şəhərində anadan olub. O, rəssam Cövdət Camalın nəvəsi, şərqşünas-islamşünas yazar Heydər Camalın isə oğludur. Orxan Rusiya paytaxtındakı Serqo Orconikidze adına Moskva geoloji kəşfiyyat institutunun məzunudur. 1988-ci ildən televiziyada çalışıb, "Zdorovye" (rus. Здоровье) kimi məşhur teleproqramın rejissoru olub. Sonrakı dövrdə öz ixtisası üzrə işləmiş Orxan 1995-ci ildən jurnalistika ilə məşğul olmağa başlayıb. Onun imzası "Veçernyaya Moskva", "Veçerniy kuryer", "Nezavisimaya qazeta", "Novaya qazeta", "Versiya" kimi nəşrlərdə görünüb.[3] Şimali Qafqaz, Cənubi Osetiya, Əfqanıstan, İraq, Liviya kimi "qaynar nöqtələr"də, habelə Səudiyyə Ərəbistanında peşəkar fəaliyyətilə tanınan Orxan 2011-ci il avqustun 22-də Liviyada Tripoli uğrunda gedən döyüşlərdə ayağından yaralanıb.[4]

Orxan Camal 2000-ci ildə Dini Jurnalistlər İttifaqının təsisçilərindən biri olub. 2005-ci ildə Rusiya Jurnalistlər Birliyi yanında "Tədqiqat komitəsi" jurnalist araşdırmaları Agentliyini təsis edib və onun icraçı direktoru olub. Bundan başqa, o, 2003-cü ildə "Travel" janrında ən yaxşı jurnalist adı qazanıb.

31 iyul 2018-ci ildə Mərkəzi Afrika Respublikasında qeyri-formal silahlı qrup olan "Vaqner" barədə film çəkərkən operator Kirill Radçenko və rejissor Aleksandr Ratorquyevlə birlikdə qətlə yetirilib.[1][5]

7 avqust 2018-ci ildə Moskva Cümə Məscidində Orxan Camalla vida mərasimi keçirilib.[6] Cənazə namazını Rusiya Müftilər Şurasının sədri Ravil Qaynutdin qılıb.[7] Camal Xovansk qəbiristanlığının müsəlman sektorunda dəfn edilib.[6]

Ailəsi[redaktə | əsas redaktə]

Jurnalist İrina Qordiyenko ilə evli olub.[8][9] Mənsur adında oğlu var.[10]

Biblioqrafiya[redaktə | əsas redaktə]

Jurnalist yeni minilliyin ilk gürcü-rus müharibəsini özünün "Beşgünlük müharibənin xronikası" (rus. Хроники пятидневной войны) (2008) kitabında əks etdirib.[3]

İstinadlar[redaktə | əsas redaktə]

  1. 1,0 1,1 Inc., TV Rain,. "В Центральной Африке погибли журналист Орхан Джемаль, режиссер Александр Расторгуев и оператор Кирилл Радченко". https://tvrain.ru/news/v_tsentralnoj_afrike_pogibli_zhurnalist_orhan_dzhemal_rezhisser_aleksandr_rastorguev_i_operator_kirill_radchenko-468756/?utm_source=telegram&utm_medium=social&utm_campaign=news&utm_term=468756. İstifadə tarixi: 2018-07-31.
  2. "Mərkəzi Afrika Respublikasında 3 rusiyalı jurnalist öldürülüb". Azertag.az (31 iyul 2018).
  3. 3,0 3,1 "Zahiri və batini ilə atasına oxşar jurnalist - Orxan Camal". Modern.az (19 noyabr 2012). 17 iyul 2018 tarixində arxivləşdirilib.
  4. "Orxan Camal yaralandı". Azxeber.az (22 avqust 2011). 19 iyul 2018 tarixində arxivləşdirilib.
  5. "Dünyaca tanınmış azərbaycanlının oğlu Afrikada öldürüldü". Sputnik.az (31 iyul 2018).
  6. 6,0 6,1 "Orxan Camalla vida mərasimi oldu". Qafqazinfo.az (7 avqust 2018). 8 avqust 2018 tarixində arxivləşdirilib.
  7. "Afrikada öldürülən Orxan Camal dəfn olundu". islam.az (7 avqust 2018). 8 avqust 2018 tarixində arxivləşdirilib.
  8. Бывшая жена Орхана Джемаля подтвердила его гибель в ЦАР. // Газета.ру, 31.07.2018
  9. "Погибший в ЦАР Орхан Джемаль снимал фильм о ЧВК Вагнера. Процесс опознания продлится до утра". Московский комсомолец (31 iyul 2018).
  10. Аркадий Бабченко. ""Орхан". Текст от 2 августа 2018 года".

Xarici keçidlər[redaktə | əsas redaktə]