Paşa Holding

Vikipediya, açıq ensiklopediya
Jump to navigation Jump to search
Paşa Holding
Tipi MMC
Yaranma tarixi 2006
Sayt pasha-holding.az

Paşa Holdinq – sığorta, bankçılıq, səyahət və turizm, tikinti-inşaat və digər biznes sahələrində çalışan şirkətdir. 1 noyabr 2006-cı il tarixdən fəaliyyət göstərən şirkət işini beynəlxalq biznes standartları – effektiv menecment, korporativ idarəetmə və düşünülmüş investisiya qərarları əsasında qurur.[1] Holdinqin investisiya portfeli iki növ yatırımlar əsasında qurulub: Holdinq ona məxsus şirkətlərdə nəzarət iştirak payına və digər biznesdə minoritar səhmlər payına sahibdir.

Qrup şirkətləri[redaktə | əsas redaktə]

  1. PAŞA Bank
  2. PAŞA Bank Georgia
  3. PAŞA Travel
  4. PAŞA Sığorta
  5. PAŞA Həyat Sığorta
  6. PAŞA İnşaat
  7. Kapital Bank
  8. Abşeron Otel Qrupu
  9. Port Baku

PAŞA Bank[redaktə | əsas redaktə]

“PAŞA” şirkətlər qrupuna daxil olan “PAŞA Bank” ASC 2007-ci ilin iyun ayında təşkil edilmişdir və Azərbaycan Respublikası Mərkəzi Bankının 250 saylı 28 noyabr 2007-ci il tarixli lisenziyası əsasında fəaliyyət göstərir. Bankın rəsmi auditoru Ernst & Young, vergi məsələləri üzrə məsləhətçisi Deloitte & Touche beynəlxalq audit şirkətləridir. "PAŞA Bank" ASC Əmanətlərin Sığortalanması Fondunun, Azərbaycan Banklar Assosiasiyasının, Bakı Banklararası Valyuta Birjasının (Şəhadətnamə №FX-96, 27 iyun 2008-ci il), Azərbaycandakı Amerika Ticarət Palatası, AR Sahibkarlığa Kömək Milli Fondunun, Azərbaycan İpoteka Fondunun üzvüdür.Bankın Nizamnamə kapitalı hal-hazırda 228 milyon manat təşkil edir. Səhmdarların Ümumi sayı 2 hüquqi və 1 fiziki şəxsdən ibarətdir.Bankın səhmdarları iki hüquqi şəxs: PASHA Holding Ltd. (60%), Ador Ltd. (30%) və bir fiziki şəxs: Cənab Arif Pashayevdir (10%).[2]

PAŞA Travel[redaktə | əsas redaktə]

PAŞA Travel Şirkəti 2003-cü ildə yaradılıb. Qısamüddətli məqsəd –hüquqi və fiziki şəxslər üçün bir nömrəli, üstün seçimli səyahət şirkətinə çevrilməkdir. Bu hədəfə çatmaq üçün PAŞA Travel xidmət, məhsul və təkliflərini müştərilərinin gözləntilərinə uyğun şəkildə formalaşdırır.PAŞA Travel agentliyi Beynəlxalq Hava Nəqliyyatı Assosiasiyası (IATA) və Amerika Səyahət Agentlikləri Cəmiyyətinin (ASTA) üzvüdür.[3] 2017 ci ildən etibarən www.bakusightseeing.com online platforması ilə xarici qonaqlara və yerli vətəndaşlara tur və ekskursiya xidmətlərini təklif edir.

PAŞA Sığorta[redaktə | əsas redaktə]

PAŞA Sığorta 3 mart 2006-cı il tarixdə Azərbaycan Respublikasının müvafiq qanunvericiliyinə əsasən yaradılıb. Sığorta xidmətləri bazarında “PAŞA Sığorta” şirkəti özünü universal sığorta şirkəti kimi təqdim edir. Şirkət həm fərdi, həm də korporativ müştərilər üçün 35 icbari və könüllü sığorta xidməti növü təklif edir.

“PAŞA Sığorta” açıq səhmdar cəmiyyəti Azərbaycanın sığorta xidmətləri bazarında tanınmış liderlərdən biridir. Hal-hazırda şirkətin nizamnamə kapitalının həcmi 50 milyon manatdır. Kapitalın bu cür yüksək səviyyəsi “PAŞA Sığorta” şirkətinə öz sığorta öhdəliklərini əminliklə yerinə yetirməyə zəruri maliyyə imkanı verir və onun ödəmə qabiliyyətliliyinə zəmanət verir. Bundan başqa, şirkətin öz vəsaitləri ilə kifayət qədər təmin olunması, onun gələcək inkişafı üçün zəruri potensialının mövcudluğundan xəbər verir. 

“PAŞA Sığorta” şirkətinin biznes-proseslərinin əsasında milli bazarın xüsusiyyətləri nəzərə alınmaqla, ən qabaqcıl Qərb təcrübələrinin mexanizmləri durur. Şirkətimiz “AMCHAM”, “Global Compact”, “IMIA” və “Azərbaycan Sığortaçılar Assosiasiyası” kimi təşkilatlatda üzv kimi təmsil olunur.[4]

PAŞA Həyat Sığorta[redaktə | əsas redaktə]

“PAŞA Holding” şirkətlər qrupuna daxil olan “PAŞA Həyat Sığorta” Açıq Səhmdar Cəmiyyəti 24.11.2010-cu il tarixdə Azərbaycan Respublikası Vergilər Nazirliyi tərəfindən dövlət qeydiyyatına alınaraq Azərbaycan Respublikası Maliyyə Nazirliyinin 14.02.2011-ci il tarixli lisenziyası əsasında həyat sığortası sahəsi üzrə xidmətlərin həyata keçirilməsi istiqamətində fəaliyyət göstərir. “PAŞA Həyat Sığorta” ASC dinamik inkişaf edən universal həyat sığortası şirkəti olaraq hazırda Azərbaycan sığorta qanunvericiliyi ilə nəzərdə tutulmuş bütün həyat sığortası siniflərinə aid hər bir müştərinin tələblərinə cavab verən aşağıda qeyd olunan məhsullar təqdim edir:

  • Həyatın ölüm halından sığortası
  • Həyatın yaşam sığortası
  • Annuitet sığortası
  • Sağalmaz xəstəliklərdən sığorta
  • Əmək qabiliyyətinin itirilməsi hallarından sığorta
  • İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta.[5]

PAŞA İnşaat[redaktə | əsas redaktə]

PAŞA İnşaat 2006-cı ildə fəaliyyətə başlamış inşaat-tikinti (developer) şirkətidir. Uğurlu biznes konsepsiyanın tətbiqi nəticəsində böyük artım əldə etmişdir. PAŞA İnşaatın tamamlanmış layihələri – “Absheron JW Marriott Hotel and Residences”, “Baku Business Center”, “Port Baku Towers”, “Four Seasons Hotel”, Bentley Baku, “Nizami Residence”, Bilgah estates. Restoran və Ticarət Mərkəzləri - “28 Mall” Center, Shuvelan Shopping Center, “Sahil”, “Dragon”, “Chinar”, The Club restaurants, “Amburan Beach Resort”.[6]

İstinadlar[redaktə | əsas redaktə]

  1. PAŞA Holding, http://www.pasha-holding.az, Giriş tarixi Yanvar 2014
  2. PAŞA Bank, http://www.pashabank.az, Giriş tarixi Yanvar 2014
  3. PAŞA Travel, http://www.pashatravel.az, Giriş tarixi Yanvar 2014
  4. PAŞA Sığorta, http://www.pasha-insurance.az, Giriş tarixi Yanvar 2014
  5. PAŞA Həyat Sığorta, http://www.pasha-life.az, Giriş tarixi Yanvar 2014
  6. PAŞA İnşaat, http://pashaconstruction.com/, Giriş tarixi 30 Apr 2013