Qüdrət İsmayılzadə

Vikipediya, azad ensiklopediya
Jump to navigation Jump to search
Qüdrət İsmayılzadə
Qüdrət Seyfulla oğlu İsmayılzadə
Qüdrət İsmayılzadə.jpg
Doğum tarixi 24 oktyabr 1934(1934-10-24) (86 yaş)
Doğum yeri
Vətəndaşlığı
Milliyyəti azərbaycanlı
Elm sahəsi arxeologiya
Elmi dərəcəsi elmlər doktoru
Elmi adı professor
İş yeri
Təhsili
Mükafatları "Şöhrət" ordeni "Bakı Dövlət Universitetinin 100 illiyi (1919-2019)" yubiley medalı

Qüdrət Seyfulla oğlu İsmayılzadə (24 oktyabr 1934(1934-10-24), Bakı) — Azərbaycan arxeoloqu, tarix elmləri doktoru, [ BDU-nun Tarix fakültəsinin Arxeologiya və Etnoqrafiya kafedrasının professoru, "Şöhrət" ordeni laureatı (2019).[1]

Həyatı[redaktə | mənbəni redaktə et]

1934-cü il 24 oktyabrda Bakı şəhərində neftçi ailəsində anadan olmuşdur. 1952-ci ildə 208 saylı orta məktəbi bitirmişdir. Azərbaycan Respublikasının Yaponiyada fövqəladə və səlahiyyətli səfiri Gürsel İsmayılzadənin atasıdır.

Təhsili elmi dərəcə və adları[redaktə | mənbəni redaktə et]

1952-1957-ci illərdə Bakı Dövlət Universitetinin Tarix fakültəsinin tələbəsi olmuşdur. 1960-1963-cü illərdə Azərbaycan Elmlər Akademiyasının aspirantı olmuşdur. Namizədlik dissertasiyası – «Qərbi Azərbaycanın qədim mədəniyyəti tarixinə dair», Tbilisi Dövlət Universiteti, 12 fevral 1964-cü il Qarabağ, Azıx, Sarıtəpə və digər arxeoloji ekspedisiyalarında iştirak etmişdir. 1964-1988-ci illərdə Füzuli arxeoloji ekspedisiyasına rəhbərlik etmişdir. Doktorluq dissertasiyası – «Azərbaycanın erkən tunc dövrü mədəniyyəti», Gürcüstan Elmlər Akademiyası, Tarix İnstitutunun Elmi Şurası, 28 oktyabr 1983-cü il.

Əmək fəaliyyəti[redaktə | mənbəni redaktə et]

1957-1958-ci illərdə Azərbaycan SSR Yardımlı rayonu Arus və Mirimli kənd məktəblərində tarix və rus dili müəllimi işləmişdir. 1958-1977-ci illərdə Azərbaycan Elmlər Akademiyası: Tarix İnstitutu, Arxeologiya və Etnoqrafiya sektorunun əməkdaşı olmuşdur; hal-hazıradək Arxeologiya və Etnoqrafiya İnstitutu ilə əməkdaşlıq edir. 1977-ci ildən hal-hazıradək Bakı Dövlət Universiteti: «Ümumi tarix» kafedrası, «Qədim dünya və Orta əsrlər tarixi» kafedrası, «Arxeologiya və Etnoqrafiya» kafedrasında çalışır 1989-1990-cı illərdə AFR-də Azərbaycanın maddi mədəniyyəti haqqında mühazirələr oxumuşdur Troya, Boğazköy və Altıntəpə kimi dünya əhəmiyyətli abidələrdə arxeoloji qazıntılarda iştirak etmişdir. 200-dən artıq elmi məqalə və monoqrafiyanın müəllifidir. 1971-2008-ci illərdə Bakı Dövlət Universitetində Qədim Şərq, Yunanıstan və Roma svilizasiyaları haqqında mühazirələr oxumuşdur. Hal-hazırda Arxeologiya və Etnoqrafiya kafedrasının müdiri vəzifəsində çalışır, Ümumi arxeologiya və Azərbaycan arxeologiyası üzrə mühazirələr oxuyur. Beynəlxalq arxeoloqlar Assosiasiyasının üzvü, Türkmənistan prezidenti yanında Şərqin mədəni irsinin öyrənilməsi üzrə Elmi Şuranın və Rusiya arxeoloqlar cəmiyyətinin Azərbaycan bürosunun üzvüdür. «Miras» jurnalının beynəlxalq redaksiya şurasının üzvüdür. «Azərbaycan Arxeologiyası» jurnalının baş redaktorudur. Ümumi arxeologiya və Azərbaycan arxeologiyası dərslərini aparır 150-dən artıq elmi məqalənin, 3 elmi monoqrafiyanın, 2 elmi-populyar kitabın, 1 dərs vəsaitinin müəllifidir. 1 elmlər doktoru və 5 elmlər namizədi yetişdirmişdir

Tədqiqat sahəsi[redaktə | mənbəni redaktə et]

Ümumi arxeologiya, Azərbaycan arxeologiyası, Qədim mədəniyyətlər və sivilizasiyalar BEYNƏLXALQ SEMİNAR, SİMPOZİUM VƏ KONFRANSLARDA İŞTİRAKI Müxtəlif illərdə Moskva, Leninqrad (indiki Sankt-Peterburq), Aşqabad, Bakı, Tbilisi, İrəvan, Təbriz, Tehran, Berlin, Saar-Brükke, Astana və digər şəhərlərdə keçirilən elmi konfranslarda iştirak etmişdir.[2]

Seçilmiş əsərləri[redaktə | mənbəni redaktə et]

  • Mil düzünün ötən günləri haqqında düşüncələr. // Azərbaycan Arxeologiyası. Bakı, 2004, №1-4, 1 ç.v.
  • Гаракепектепе – сокровищница истории. Журнал «Ирс», Баку-Москва, 2006, №6(24), 1 п.л.
  • Об одном атрибуте Кура-Араксской культуры. Археология, этнография и фольклористика Кавказа. Тбилиси, 2004, 0,25 п.л.
  • Наскальные изображения Кельбаджарского высокогорья в Азербайджане. Баку, 2004
  • К вопросу о характерных особенностей петроглифов Азербайджана. Сб.: Мир наскального искусства, Москва, 2005, 0,5 п.л.
  • Куро-араксская культурная общность и ее место в истории материальной культуры Кавказа. Археология, этнография и фольклористика Кавказа. Баку, 2005, 1 п.л.
  • Azərbaycanın yüksək dağlıq bölgələrindəki qayaüstü təsvirlərin tarixi xüsusiyyətləri. Qobustan mədəni landşaftı mövzusunda beynəlxalq seminarın materialları. Bakı, 2007, 1 ç.v.
  • Прогрессивный этап в культурно-историческом развитии ранних земледельческий обществ на территории Азербайджана. Аз. Археолоэийасы вя Етнографийасы. Бакы, 2007, №1
  • Mingəçevirin nadir arxeoloji kompleksi. Mingəçevir arxeoloji ekspedisiyası – 60. Bakı, 2006, 0,5 ç.v.

Monoqrafiyalar[redaktə | mənbəni redaktə et]

  • Quruçay və Köndələnçay vadisində qədim mədəniyyət izləri. Bakı, 1981
  • Babadərviş qədim yaşayış yeri. Bakı, 1977
  • Азербайджан в системе раннебронзовой культурной общности Кавказа. Баку, 2008
  • Abidələr, xatirələr, düşüncələr. Bakı, 1981
  • Azərbaycan Qafqazın erkəntunc mədəniyyəti sistemində. Bakı, 2008

İstinadlar[redaktə | mənbəni redaktə et]

  1. Prezident BDU-nun əməkdaşlarını təltif etdi
  2. Qüdrət İsmayılzadə