Qırmızı Saçlı Qadın
| Qırmızı Saçlı Qadın | |
|---|---|
| türk. Kırmızı Saçlı Kadın | |
 | |
| Müəllif | Orxan Pamuk |
| Orijinalın dili | Türkcə |
| Ölkə |
 Türkiyə |
| Orijinalın nəşr ili | 2016 |
| Tərcüməçi | Lalə Rəhmanova |
| Nəşriyyat | Qanun Nəşriyyatı |
| Cild | Yumşaq |
| Səhifə | 280 |
| Növ | Roman |
| ISBN | 9789952365672 |
Qırmızı Saçlı Qadın — İlk məhəbbət bütün bir həyatı təyin edə bilərmi? Yoxsa, tale yolumuza sadəcə tarixin və əfsanələrin gücü yön verir? Orxan Pamuk "Qırmızı Saçlı Qadın"da bizi otuz il əvvəl İstanbul yaxınlığındakı bir qəsəbədə bir lisey şagirdinin yaşadığı sarsıdıcı eşq hekayəsilə böyük bir insani günahın izincə sürükləyir.[1]
Məzmunu
[redaktə | mənbəni redaktə et]1980-ci illərin ortasında ənənəvi üsulla quyu qazan Mahmud Ustayla köməkçisi "Kiçik bəy" Cem çətin bir ərazidə su axtarır. Qəsəbənin kənarında qurulan sarı teatr çadırında əsrarəngiz bir aktrisa hər gecə qədim nağıl və hekayələri nəql etməkdədir. Roman bir yandan gənc qəhrəmanın sevgi, qısqanclıq, məsuliyyət və azadlıq hisslərilə dərindən tanış olmasını nəql edərkən, digər tərəfdən də mədəniyyətlər vasitəsilə atalar və oğullar, "avtoritarlıq" və fərdilik mövzularını araşdırır. "Qırmızı Saçlı Qadın"da oxucu Qərbin və Şərqin iki təməl əfsanəsi – Sofoklun "Tiran Edip"i (atanı öldürmək) və Firdovsinin "Rüstəm və Söhrab"ıyla (oğulu öldürmək) yenidən rastlaşacaq və özünə sıradan olan həyatının əslində qədim mətnlərdən nə qədər təsirləndiyi sualını verəcək.[1]
"Qırmızı Saçlı Qadın" romanının qəhramanları:
Cem: O, romanın baş qəhrəmanıdır. Onun gənclik illərində quyuçu şagirdi olması romanda mühüm yer tutur. Mühəndis-geoloq olmağı da bu səbəbdəndir. Quyuçu şagirdi kimi çalışmazdan əvvəl yazıçı olmaq arzusunda olan Cem, Akın adlı solçu atanın oğludur. Atasının solçu olması və gənc yaşda ailəsini tərk etməsi Cem şəxsiyyətində təsirli olur. Cem atasının buraxdığı boşluğu Mahmud Usta ilə doldurmağa çalışır. (Romanda bu vəziyyət tez-tez vurğulanır) Cem şəxsiyyətinin formalaşmasında təsirli olan iki hadisə var: Qırmızı saçlı qadınla birlikdə olması və Mahmud Ustanın öldüyünü zənn etməsi. Bu hadisələrdən başqa kral Edip, Rüstəm və Söhrab hekayələrinin onun daxili aləminə mühüm təsirləri var. Bu təsirlər onun oğlu Ənvərlə qarşılaşdıqda səhv hərəkətlər etməsinə və ölməsinə səbəb olur.
Qırmızı Saçlı Qadın: Əsl adı Gülcihandır. O, teatr artistidir. O, romanda dəfələrlə Qırmızı saçlı qadın kimi bəhs edilir. Cemin ilk sevgisi olan Qırmızı Saçlı Qadın romana adı verilən şəxsdir. Gəncliyində Cemin atası Akınla münasibətdə olsa da, Cemin atası ailəsinə qayıtdıqdan sonra solçu komandanın liderlərindən Turxanla ailə həyatı qurub. Turxanın ölümündən sonra Turxanın qardaşı Turqayla evlənir. Turqayla teatr kollektivi yaradırlar. Öngörənə gələndə Cemlə qarşılaşır. Cemin atası Akına bənzəməsi onun marağına səbəb olur. Teatrdan sonra Cemlə söhbət edərkən Cem və Akının ata-oğul olduğunu anlayır. Cemlə münasibətindən hamilə qalsa da, uşağın atasının kim olduğuna uzun müddət şübhə duyur.
Mahmud Usta: O, təcrübəli quyuçudur. Romanda Cemin üzərindəki təsiri çox önəmlidir. Çox bəlli etməsə də Cemi sevir. Cemi bir çox səhvlərdən qorumağa çalışır. Cem üçün o, zalım, avtoritar atadır. Cem Mahmud Ustanın ölmüş bilsə də, yalnız yaralıdır. Mahmud Usta Qırmızı Saçlı Qadın tərəfindən xilas edilir. Cem gedəndən sonra suyu tapır və bu quyudan sonra işi getdikcə yaxşılaşır. Cem Öngörənə gəlməmişdən 5–6 il əvvəl dünyasını dəyişib.
Ənvər: Cem və Qırmızı Saçlı Qadının oğludur. Mühasibat uçotu üzrə təhsil alan Ənvər atası kimi yazıçı olmağa can atır. Şeirləri bir sıra jurnallarda dərc olunub. O, həyatında böyük uğur qazana bilməz. O, pulsuz olmağından çox şikayətlənir.
Ayşə: Cemin həyat yoldaşıdır. Cemin uzaq qohumu olan Ayşə bu vəsilə ilə universitetdə Cemlə tanış olur. Əczaçılıq üzrə təhsil alır. O, həmişə Cemi dəstəkləyir.
Turqay: Qırmızı saçlı qadının əridir. Bu, Cem üçün Qırmızı Saçlı Qadınla tanış olmağı asanlaşdırır. Qardaşının arvadı ilə evləndiyi üçün problemləri var. O, Ənvərə və Qırmızı saçlı qadına çətin anlar yaşadır.[2]
Həmçinin bax
[redaktə | mənbəni redaktə et]İstinadlar
[redaktə | mənbəni redaktə et]- ↑ 1 2 "Qırmızı Saçlı Qadın". www.qanun.az. 2022-08-02 tarixində arxivləşdirilib.
- ↑ Orhan Pamuk. Kırmızı Saçlı Kadın (PDF). Yapı Kredi Yayınları. 2016. səh. 204. ISBN 9789750835605.