Qədir Sultanov

Qədir Sultanov
Qədir Sultanov
	Qədir Məmməd oğlu Sultanov
Doğum tarixi	1918
Doğum yeri	Ərdəbil, Mərkəz bəxşi[d], Ərdəbil şəhristanı, Ərdəbil ostanı, İran;
Vəfat tarixi	1995 (76–77 yaşında)
Vəfat yeri	Bakı, Azərbaycan;
İş yerləri	Geologiya və Geofizika İnstitutu;
Təhsili	Azərbaycan Dövlət Universiteti (1938–1945);
Üzvlüyü	Azərbaycan Milli Elmlər Akademiyası;

Qədir Məmməd oğlu Sultanov (1918, Ərdəbil – 1995, Bakı) ― geologiya-mineralogiya üzrə elmlər doktoru (1956), AMEA-nın müxbir üzvü (1968).^[1]

Həyatı

Qədir Sultanov 1918-ci ildə İranın Ərdəbil şəhərində anadan olub. Ali təhsilini 1938-1945-ci illərdə Bakı Dövlət Universitetinin Biologiya fakültəsində alıb.^[1]

Əmək fəaliyyəti

Qədir Sultanov Böyük Vətən müharibəsi iştirakçısı olub. 1945-ci ildə Bakı Dövlət Universitetini bitirdikdən sonra 1956-cı ilə qədər Geologiya və Geofizika İnstitutunda, 1957-ci ildə isə Azərbaycan Dillər Universitetində işləməyə başlayıb.^[1]

Elmi fəaliyyəti

Qədir Sultanov 1948-ci ildə fəlsəfə doktoru, 1956-cı ildə geologiya-mineralogiya üzrə elmlər doktoru elmi dərəcələrini alıb, 1968-ci ildə Azərbaycan Milli Elmlər Akademiyasının müxbir üzvü seçilib.^[1]

Alim paleontologiyada ilk dəfə olaraq, gec miosen hövzələri faunasının öyrənilməsində fiziki-kimyəvi üsulları tətbiq edib. O, Azərbaycanda Sarmat faunası tiplərinin inkişafı və məhv olması xarakterini müəyyən edib.^[1]

Qədir Sultanov Azərbaycan paleontologiya elmində yeni istiqamət olan paleobiogeokimyanın əsasını qoyan alimlərdən olub. O, Abşeron mərtəbəsini üç yarımmərtəbəyə və onları da daha kiçik stratiqrafik vahidlərə bölüb. Bu sxem alp geosinklinal qurşağının qapalı hövzələrinin bölgüsü üçün əsas olmuşdur. Abşeron mollusklarının təsnifatının əsaslarını və onların filogenetik sxemini, elementlərin biogen miqrasiyasının tədqiqi üsullarını işləyib hazırlayıb. Onun paleontologiya və stratiqrafiya sahəsindəki əsas nailiyyətləri sistematika, müqayisəli morfologiya, ekogenez, gec kaynozoyun biostratiqrafiyası və s. ilə əlaqədardır.^[1]

Qədir Sultanov xeyli sayda elmi məqalə və monoqrafiyaların müəllifidir.^[1]

Ölümü

AMEA-nın müxbir üzvü Qədir Sultanov 1995-ci ildə Bakıda vəfat edib.^[1]

İstinadlar

1 2 3 4 5 6 7 8 "Sultanov Qədir Məmməd oğlu" (Azərbaycan). science.gov.az. 21.09.2021 tarixində arxivləşdirilib.

[:0-1] 1 2 3 4 5 6 7 8 "Sultanov Qədir Məmməd oğlu" (Azərbaycan). science.gov.az. 21.09.2021 tarixində arxivləşdirilib.

[1]