Qərib Məmmədov

Vikipediya, açıq ensiklopediya
Keçid et: naviqasiya, axtar
Qərib Məmmədov
Qərib Şamil oğlu Məmmədov
Qərib Məmmədov (Böyük Ömrün 7 Anı (2007)).JPG
Doğum tarixi: 6 yanvar 1947 (1947-01-06) (69 yaş)
Doğum yeri: Ermənistan SSR, Amasiya rayonu
Vətəndaşlıq: Flag of Azerbaijan.svg Azərbaycan
Elm sahəsi: Biologiya
İş yeri: Bakı Dövlət Universitetinin Ekologiya və torpaqşünaslıq fakültəsinin, Torpaqşünaslıq kafedrasının müdiridir, [1] .
Elmi dərəcəsi: biologiya elmləri doktoru
Elmi vəzifəsi: AMEA-nın müxbir üzvü, [2] professor
Təhsili: Azərbaycan Dövlət Pedaqoji İnstitutu
Mükafatları: “Qızıl Kürə” Milli Mükafatı(2012)
Qərib Şamil oğlu Məmmədov
Dövlət Torpaq və Xəritəçəkmə Komitəsinin sədri
2001 — hal-hazıra qədər
 
Təvəllüdü: 6 yanvar 1947 (1947-01-06) (69 yaş)
Yeniyol, Amasiya
Atası: Şamil
Uşaqları: iki övladı var

Qərib Məmmədov — Azərbaycan Milli Elmlər Akademiyasının həqiqi üzvü, biologiya elmləri doktoru (1991), professor. BDU-nun torpaqşünaslıq kafedrasının müdiri[3].

Həyatı[redaktə | əsas redaktə]

Qərib Məmmədov 6 yanvar 1947-ci ildə Ermənistan SSR Amasiya rayonunun Yeniyol kəndində anadan olmuşdur. Ölkəmizdə və dünyada tanınmış alim və bacarıqlı elm təşkilatçısı kimi məşhurdur.

Atası Şamil Mamoy oğlu Məmmədov Yeni Yol kəndində kolxozun baş mühasibi işləmişdir. Anası Məsmə Rəcəb qızı Məmmədova evdar qadın olmuş, «Qəhrəman ana» Dövlət Ordeni ilə təltif olunmuşdur.

Qərib Məmmədov 1965-ci ildə Amasiya rayonunda orta məktəbi müvəffəqiyyətlə başa vurub Leninakan şəhərində sürücülük kursunu bitirir. 1966-cı ildə V.İ.Lenin adına Azərbaycan Dövlət Pedaqoji İnstitutunun Coğrafiya-biologiya fakültəsinə daxil olur. İnstitutda oxuyarkən ictimai işlərlə məşğul olur. Fakültənin komsomol təşkilatının katibi və Tələbə Elmi Cəmiyyətinin üzvü olur.

1970-ci ildə institutu fərqlənmə diplomu ilə bitirdikdən sonra Azərbaycan Kənd Təsərrüfatı Nazirliyi Elmi-Tədqiqat Eroziya bölməsinə göndərilir və orada laborant vəzifəsində işləyir. 1972-ci ildə həqiqi hərbi xidmətə çağırılır və xidmət müddətini Leninakan şəhərində başa çatdırır. 1973-cü ildə Azərbaycan EA Torpaqşünaslıq və Aqrokimya İnstitutunda əyani aspiranturaya qəbul olunur. 1976-cı ildə aspiranturanı qurtararaq həmin institutun «Torpaqların aqroekologiyası və bonitirovkası» laboratoriyasında kiçik elmi işçi vəzifəsində çalışır. 1978-ci ildə «Mil düzünün qərb hissəsinin otlaq torpaqlarının aqroekoloji xarakteristikası və bonitirovkası» mövzusunda namizədlik dissertasiyası müdafiə etmişdir. 1979-cu ildə SSRİ Ali Attestasiya Komissiyası Qərib Şamil oğlu Məmmədova kənd təsərrüfatı elmləri namizədi alimlik dərəcəsi verir.

1991-ci ildə Qərib Məmmədov Dnepropetrovsk Dövlət Universitetində doktorluq dissertasiyası müdafiə edərək ekologiya ixtisası üzrə biologiya elmləri doktoru elmi dərəcəsinə layiq görülmüş Q.Ş.Məmmədov ölkəmizdə həmin ixtisas üzrə yeganə professordur.

1994-cü ildən Azərbaycan EA Torpaqşünaslıq və Aqrokimya İnstitutunun direktoru vəzifəsində çalışmışdır.

Onun rəhbərliyi altında 35 nəfərdən çox elmlər namizədi və elmlər doktoru hazırlanıb, daha 20 nəfərin isə işlərinə rəhbərlik edir.

Professor Q.Ş.Məmmədov ABŞ, Fransa, Türkiyə, İsveç, İran İslam Respublikası, Rusiya, Ukrayna, Özbəkistan, Qazaxıstan, Qırğızıstan, Belorusiya, Moldova, Türkmənistan, Gürcüstan, Baltik ölkələri və başqa ölkələrdə keçirilən beynəlxalq simpozium və konfranslarda məruzələr etmişdir. Azərbaycan Torpaqşünaslar Cəmiyyətinin prezidentidir.

Q.Ş.Məmmədov 1994-1996-cı illərdə Azərbaycan Respublikası Prezidenti yanında Ali Attestasiya Komissiyasının kənd təsərrüfatı üzrə ekspert komissiyasının üzvü olmuşdur.

Q.Ş.Məmmədov 2001-ci ildən Azərbaycan Respublikası MEA-nın müxbir üzvü, Beynəlxalq Ekologiya və Energetika Akademiyasının akademiki, eyni zamanda Ekologiya bölməsinin akademik-katibi, Rusiya Ekologiya Akademiyasının üzvü, Beynəlxalq "Noosfer" Akademiyasının həqiqi üzvü, Rusiya Təbiətşünaslıq Akademiyasının həqiqi üzvü, 10 may 2002-ci ildən Beynəlxalq Elmlər Akademiyasının akademikidir.

1997-ci il iyunun 25-də Azərbaycan Respublikasının Prezidenti Heydər Əliyevin sərəncamı ilə Dövlət Torpaq Komitəsinin, 18 aprel 2001-ci il tarixində Dövlət Torpaq və Xəritəçəkmə Komitəsinin, 23 oktyabr 2004-cü il tarixində isə Azərbaycan Respublikasının Prezidenti İlham Əliyevin sərəncamı ilə yenidən Dövlət Torpaq və Xəritəçəkmə Komitəsinin[4] sədri təyin olunmuşdur.

Q.Ş.Məmmədov 1995-ci ildə Azərbaycan Respublikası Milli Məclisinin (1-ci çağırış) üzvü seçilmişdir.

Ailəlidir, iki övladı var.

Hazırda respublikamızın torpaqşünaslıq, coğrafiya və ekoloji problemləri ilə bağlı elmi araşdırmalar aparır və bu sahədə elmi iş aparan gənc alimlərin bir qrupuna rəhbərlik edir.

İstinadlar[redaktə | əsas redaktə]

  1. Torpaqşünaslıq kafedrası
  2. Məmmədov Qərib Şamil oğlu
  3. VƏZİFƏLİ KAFEDRA MÜDİRLƏRİ azərb.
  4. Dövlət Torpaq və Xəritəçəkmə Komitəsinin Sədri