Qambay Əlizadə

Vikipediya, açıq ensiklopediya
Jump to navigation Jump to search
Qambay Əlizadə
Əlizadə Qambay Əsgər oğlu
Doğum tarixi 1899(1899-Şablondakı doğum və ya ölüm tarixində texniki yanlışlıq var!-00)
Doğum yeri Gəncə, Azərbaycan
Vəfat tarixi 1990(1990-Şablondakı doğum və ya ölüm tarixində texniki yanlışlıq var!-00)
Elmi dərəcəsi geologiya-mineralogiya elmləri doktoru

Əlizadə Qambay Əsgər oğlu — geologiya-mineralogiya elmləri doktoru, professor, Azərbaycan EA akademiki

Həyatı[redaktə | əsas redaktə]

Əlizadə Qambay Əsgər oğlu Gəncə şəhəri yaxınlığındakı Qızılca kəndində anadan olmuşdur. Azərbaycan Politexnik İnstitutunun dağ-mədən şöbəsini bitirmişdir. 1928-ci ildən Azərbaycan Politexnik İnstitutunun (indiki ADNSU) paleontologiya - tarixi geologiya kafedrasında laborant işləmiş, 1932-1960-cı illərdə Azərbaycan Sənaye İnstitutunda (indiki ADNSU), paleontologiya və tarixi geologiya kafedralarında dosent, professor vəzifələrində işləmiş, uzun müddət kafedraya başçılıq etmişdir. 1930-1941-ci illərdə Azərbaycan Elmi-Tədqiqat Neft İnstitutunda böyük elmi işçi işləmişdir. 1938-ci ildə dissertasiya müdafiə etmədən geologiya-mineralogiya elmləri namizədi alimlik dərəcəsinə layiq görülmüşdür. 1941-ci ildən Geologiya İnstitutunda (indiki Geologiya və Geofizika İnstitutu) işləmişdir. 1943-1945-ci illərdə bu institutun direktoru olmuş, 1941-1990-cı illərdə kaynozoy laboratoriyasına, paleontologiya və stratiqrafiya şöbəsinə rəhbərlik etmişdir. 1945-ci ildə "Azərbaycanın akçaqıl mərtəbəsi" mövzusunda doktorluq dissertasiyası müdafiə etmişdir. 1955-ci ildə Azərbaycan EA müxbir üzvü, 1962-ci ildə isə həqiqi üzvü seçilmişdir.

Elmi fəaliyyəti[redaktə | əsas redaktə]

Azərbaycanın əməkdar elm xadimi, Azərbaycanda geologiya və paleontologiya elminin əsasını qoyanlardan biri olmuşdur. Kaynozoyun stratiqrafiyası və paleontologiyası sahəsində böyük alim olan Q.Ə.Əlizadə stratiqrafiyanı, kaynozoy erasının molyusk faunasının inkişafını tədqiq etmiş, paleontologiya, stratiqrafiya və geologiya elminin tarixinə aid məlumatları sistemə salmışdır. Onun rəhbərliyi altında Azərbaycanın paleogen və neogen stratiqrafiyasının regional sxemi işlənib hazırlanmış, üst eosen və oliqosenin paleocoğrafi xəritələri tərtib edilmiş və beləliklə bu şöbələr arasında mövcud olan problem məsələlərin həllinə yardımçı olmuşdur. Azərbaycanın akçaqıl və oliqosen molyusk faunasını monoqrafik öyrənmişdir. Kaynozoy biostratiqraflar elmi məktəbinin və Azərbaycan paleontologiya cəmiyyətinin yaradıcısıdır.

60 elmlər doktoru və elmlər namizədi hazırlamışdır. 400 elmi əsərin o cümlədən 9 monoqrafiya və dərsliklərin müəllifidir.