Qara Cöyrəoğlu

Qara Cöyrəoğlu
Qara Cöyrəoğlu
Doğum tarixi	1866
Doğum yeri	Qızılhacılı, Tiflis quberniyası, Rusiya imperiyası;
Vəfat tarixi	1929 (62–63 yaşında)

Qara Cöyrəoğlu (1866, Qızılhacılı, Tiflis quberniyası – 1929) — xalq qəhrəmanı.^[1]

Həyatı

1918-ci ildə Cöyrə oğlu Qaranın Borçalı bölgəsində erməni silahlı dəstələrinə qarşı aparılan döyüşlərdə iştirak etdiyi göstərilir. Məlumatlara görə, o, Borçalı istiqamətində irəliləyən Andranikin rəhbərlik etdiyi silahlı qüvvələrə qarşı müqavimət göstərmişdir. Dürnik kəndi istiqamətindən Qızılhacılıya edilən hücum zamanı da onun rəhbərlik etdiyi dəstənin qarşı tərəfin irəliləyişini dayandırdığı bildirilir.

Həmin dövrdə baş vermiş döyüşlərdən biri mənbələrdə "Bolus döyüşü" adı ilə qeyd olunur və indiki Bolnisi ərazisi uğrunda aparılmış qarşıdurma kimi təqdim edilir. Bu döyüş zamanı Andranikin rəhbərlik etdiyi təxminən 800 nəfərlik silahlı dəstənin Bolnisiyə hücum etdiyi, Xaçınlı kəndindən olan ermənilərin də onlara qoşulduğu qeyd edilir. Məlumatlara görə, Cöyrə oğlu Qara Qızılhacılıdan gələrək İsrafil ağanın qüvvələrinə dəstək vermişdir. Yel dağı yaxınlığında baş vermiş digər döyüşdə isə onun dəstəsinin Axalkələk, Sağamoy və Boqdanovka istiqamətlərində fəaliyyət göstərən erməni silahlı birləşmələrinə qarşı vuruşduğu bildirilir.

Mənbələrdə Azərbaycan Xalq Cümhuriyyətinin Cöyrə oğlu Qaraya silah və sursatla yardım göstərdiyi də qeyd olunur.

Sovet hakimiyyəti qurulduqdan sonra, 1928-ci ildə Cöyrə oğlu Qaranın həbs edildiyi və 1929-cu ildə öldürüldüyü göstərilir. Bəzi mənbələrdə onun həbsi Şulaveri rayon partiya komitəsində vəzifə tutan ermənilərlə əlaqələndirilir.

Sonrakı dövrdə, 1933-cü ildə Cöyrə oğlu Qaranın ailə üzvlərinin həbs edilərək Şimali Qazaxıstandakı Akmolinsk vilayətinə sürgün olunduğu bildirilir.

Xatirəsi

Cöyrə oğlu Qara xalqın yaddaşında Borçalı mahalının Qaçaq Nəbisi kimi qalmış, onun haqqında rəvayətlər, mahnılar qoşulmuşdu. Mahalda belə bir şer hələ də qalmaqdadır:

Hardan alaq Cöyrə oğlu Qaranı,

Çəkə xəncərini, kəsə aranı.

Həmçinin bax

İstinadlar

↑ http://ensiklopediya.gov.az/az/terms/10662/cild/17

Mənbə

CÖYRƏ oğlu Qara // Azərbaycan Xalq Cümhuriyyəti Ensiklopediyası. I cild. Bakı: "Lider". 2004. 440. ISBN 9952-417-14-2.

[1] ttp://ensiklopediya.gov.az/az/terms/10662/cild/17

[1]

Azərbaycan qaçaqları
Tarixi	Qaçaq • Azərbaycanda qaçaq hərəkatı
Qarabağ qaçaqları	Qanlı İsmayıl¹ (Bərdə) • Qaçaq Həsi (Yağlıvənd) • Qaçaq Rəşid (Yağlıvənd) • Qaçaq Səfəralı (Yağlıvənd) • Tağı bəy Şirinbəyov¹ (Şuşa)
Borçalı qaçaqları	Çopur Əli (Aşağı Saral) • Qaçaq İsaxan (Qarayazı) • Qara Cöyrəoğlu (Qızılhacılı)
Zəngəzur və Göyçə qaçaqları	Hacı Rəhim (Daşkənd) • Qaçaq Fərzalı (Qaradərə) • Qaçaq Nəbi (Qubadlı) • Həcər (Yuxarı Mollu)
Digərləri	Hacı Molla Əhməd Nuruzadə (Şəmkir) • İsfəndiyar Haqqıxlı (Qazax) • Qaçaq Gülsüm (Şəmkir) • Qaçaq Kərəm (Ağstafa) • Qaçaq Camal¹ (Goranboy) • Qaçaq Mayıl (Quba) • Molla Nur (Quba) • Qaçaq Məmmədqasım (Gəncə) • Qaçaq Nəcəf¹ (Qazax) • Qatır Məmməd (Goranboy) • Molla Zal (Xoy)
Filmoqrafiya	Qatır Məmməd • Qanlı zəmi
Həmçinin bax	Qoçuluq (Qoçu Nəcəfqulu • Məşədi Adil • Musa Ələsgərov)
Qeyd	¹Bəy nəslinə mənsubdur.