Qaralama:İlkin Məmmədov
| İlkin Məmmədov | |
|---|---|
 | |
Vəzifədədir | |
| 1 may 2020-ci ildən | |
| Şəxsi məlumatlar | |
| Doğum tarixi | |
| Doğum yeri | Bakı, Azərbaycan SSR, SSRİ |
| Təhsili | Bakı Dövlət Universiteti |
| Fəaliyyəti | Dövlət qulluqçusu |
|
|
|
| Təltifləri |
   |
İlkin Əfqan oğlu Məmmədov (25 sentyabr 1981, Bakı) — Azərbaycan Respublikası Milli Məclisinin Beynəlxalq münasibətlər şöbəsinin müdiri, 3-cü dərəcə dövlət müşaviri.[1]
Həyatı
[redaktə | mənbəni redaktə et]İlkin Əfqan oğlu Məmmədov 25 sentyabr 1981-ci ildə Bakı şəhərində anadan olub.[1][2] 1988–1998-ci illərdə Bakı şəhərinin 6 saylı orta məktəbdə təhsil alıb və 1998–2004-cü illərdə Bakı Dövlət Universitetinin Beynəlxalq münasibətlər və beynəlxalq hüquq fakültəsini fərqlənmə diplomu ilə bitirib. 2000–2002-ci illərdə Fransanın Strasburq şəhərində yerləşən "Mark Bloch" Universitetində əvvəlcə fransız dili, daha sonra isə beynəlxalq münasibətlər ixtisası üzrə təhsil almıb. 2002-ci ildə Avropa Şurasının inzibati qurumlarında diplomqabağı təcrübə keçib.[3]
2003-cü ildə Britaniya Şahzadəsi Dianaya həsr edilmiş "İngiltərənin qızılgülü" adlı kitabını dərc etdirib. 2003–2006-cı illərdə Azərbaycan Respublikası Xarici İşlər Nazirliyinin Dövlət Protokolu İdarəsində referent və attaşe vəzifəsində çalışıb. 2006–2018-ci illərdə Azərbaycan Respublikası Milli Məclisinin Beynəlxalq münasibətlər şöbəsinin Protokol sektorunun müdiri vəzifəsində çalışıb və 2018–2020-ci illərdə həmin şöbənin müdir müavini və Protokol sektorunun müdiri olub.[3] 1 may 2020-ci il tarixindən Azərbaycan Respublikası Milli Məclisinin sədri Sahibə Qafarovanın sərəncamı ilə Milli Məclis Aparatının Beynəlxalq münasibətlər şöbəsinin müdiri vəzifəsinə təyin edilib.[1][2]
İlkin Məmmədov 2008-ci ildə Azərbaycanda ilk dəfə Ümummilli Lider Heydər Əliyevin xatirəsinə həsr edilmiş dövlət qurumları arasında futbol turnirini təşkil edib və 2011-ci ildə ikinci dəfə təşkil edilmiş turnirin çempionu olub. 2013-cü ildə Azərbaycanda ilk dəfə "Azərbaycan Prezidenti kuboku" Beynəlxalq KVN festivalını təşkil edib.[2] Azərbaycan KVN festivalının təsisçilərindən biridir və 2013-cü ildə Azərbaycanda ilk dəfə "Azərbaycan Prezidenti kuboku" Beynəlxalq KVN festivalını təşkil edib.[4] 2018-ci ildə Azərbaycan Xalq Cümhuriyyəti Parlamentinin 100 illik yubileyinə həsr olunmuş parlament komandaları arasında beynəlxalq futbol turnirini təşkil edib.[2]
Milli Məclisin "Dream Team (MM)" futbol komandasının kapitanıdır.[4] Milli Məclis ilə xarici ölkələrin parlamentləri arasında imzalanan müxtəlif ikitərəfli sənədlərin hazırlanması və imzalanmasını təşkil edib. Rus, ingilis, fransız və türk dillərini bilir.[2] 3-cü dərəcə dövlət müşaviridir.[5]
Mükafatlar
[redaktə | mənbəni redaktə et]2015-ci ilin 22 iyun tarixində Azərbaycan Respublikasının Prezidenti İlham Əliyevin Sərəncamı ilə "Dövlət qulluğunda fərqlənməyə görə" medalı ilə təltif edilib.[1][6]
2016-cı ilin may ayında Paris Dövlət İdarəçilik Məktəbində "Yeni münasibətlər, administrasiya və vətəndaşlar" kursunu bitirib sertifikat alıb.[2]
2017-ci ilin mart ayında Rusiya Federasiyası Federal məclisi Federal Şurasının sədri Valentina Matviyenko tərəfindən imzalanmış "Parlamentarizmin inkişafı, qüvvətləndirilməsi, beynəlxalq münasibətlər və parlamentlərarası əməkdaşlığ yolunda gördüyü xidmətlərinə görə "MDB PA-25" medalı ilə təltif edilib.[2]
2018-ci ildə Azərbaycan Xalq Cümhuriyyəti Parlamentinin 100 illik yubileyi ilə bağlı Azərbaycan Respublikası Milli Məclisində yaradılmış gərargahda təşkilat qrupunun rəhbəri olub.[2]
2019-cu ilin 9 iyul tarixində "Azərbaycan Respublikası diplomatik xidmət orqanlarının 100 illiyi" Azərbaycan Respublikasının yubiley medalı ilə təltif edilib.[2]
22 iyun 2023-cü ildə Azərbaycan Respublikasının Prezidenti İlham Əliyevin Sərəncamı ilə "Tərəqqi" medalı ilə təltif edilib.[1][7]
İstinadlar
[redaktə | mənbəni redaktə et]- ↑ 1 2 3 4 5 "Milli Meclis". meclis.gov.az. 2024-03-16 tarixində arxivləşdirilib. İstifadə tarixi: 2024-03-30.
- ↑ 1 2 3 4 5 6 7 8 9 "Milli Məclisin yeni şöbə müdiri İlkin Məmmədov kimdir? - DOSYE". 1news.az (az.). 2023-04-16 tarixində arxivləşdirilib. İstifadə tarixi: 2024-03-30.
- ↑ 1 2 "Milli Məclisin yeni şöbə müdiri İlkin Məmmədov kimdir? - DOSYE". 1news.az (az.). 2023-04-16 tarixində arxivləşdirilib. İstifadə tarixi: 2024-04-03.
- ↑ 1 2 "#MFLstars: Milli Məclisdən "Dream Team" komandası. Futbol meydanının qanunvericiləri". 1news.az (az.). İstifadə tarixi: 2024-05-24.
- ↑ "İnzibati vəzifələr tutan dövlət qulluqçularına ixtisas dərəcələrinin verilməsi haqqında Azərbaycan Respublikası Prezidentinin Sərəncamı". e-qanun.az (ingilis). 2023-04-11 tarixində arxivləşdirilib. İstifadə tarixi: 2024-03-30.
- ↑ "Dövlət qulluqçularının təltif edilməsi haqqında Azərbaycan Respublikası Prezidentinin Sərəncamı". e-qanun.az (ingilis). İstifadə tarixi: 2024-06-05.
- ↑ "Dövlət qulluqçularının təltif edilməsi haqqında Azərbaycan Respublikası Prezidentinin Sərəncamı". e-qanun.az (ingilis). 2023-07-07 tarixində arxivləşdirilib. İstifadə tarixi: 2024-03-30.