Rövşən Qəmbər

Vikipediya, azad ensiklopediya
Jump to navigation Jump to search
Rövşən Qəmbər
Rövşən Qəmbər.JPG
Doğum tarixi 3 iyun 1951 (1951-06-03) (68 yaş)
Doğum yeri Füzuli

Rövşən Qəmbər (d. 3 iyun 1951) — Dünya Azərbaycanlıları Məclisinin sədri.

Həyatı[redaktə | əsas redaktə]

Rövşən Qəmbər 3 iyun 1951-ci ildə Karyagin rayonunda (indiki Füzuli rayonu) anadan olmuşdur.

1968-ci ildə Bakıdakı 62 nömrəli məktəbi əla qiymətlərlə bitirmişdir. 1968-ci ildə Azərbaycan Neft Kimya İnstitutunun kimya texnologiya fakultəsinə daxil olmuşdur.

1970-1974-cü illərdə Almaniyanın Drezden Universitetində ali təhsil almışdır. 1975-ci ilin mayında SSRİ Dövlət Təhlükəsizliyi Komitəsinin Leninqraddakı Akademiyasında təhsil almaqdan imtina edəndən sonra məcbur olub 1 il Sovet Ordusu sıralarında xidmət etmişdir. 1984-cü ildə dissertasiya müdafiə edib. 1986-1988-ci illərdə sosiologiya, psixologiya, siyasət və iqtisadiyyat sahəsində ikinci ali təhsil alıb.

Ayaz Mütəllibovun hakimiyyəti zamanında - 1990-cı ildə Azərbaycan parlamentinə seçkilərdə Qarabağdakı 305 nömrəli seçki dairəsindən namizəd olaraq təxminən 75% səs alsa da, nəticələrin saxtalaşdırılmasına görə parlamentə buraxılmayıb[Mənbə göstərin].

Rövşən Qəmbər Xocalı soyqırımından təsirlənən ziyalılarla birlikdə 1992-ci ilin mart ayında qurulmuş Azərbaycan Ana Torpaq Partiyasının (AATP) sədri olub. AATP 1992-ci ildə tələbə qəbulunun rüşvətsiz keçirilməsi üçün test üsulunun Azərbaycanda tətbiqinin təşəbbüskarlarından biridir.

1992-ci il may ayının 28-də Azərbaycan Ana Torpaq Partiyasında bu təşəbbüs müzakirə edilib.

Hazırda Almaniyada yaşayır.

Həmçinin bax[redaktə | əsas redaktə]