Rahib Qarayev

Vikipediya, azad ensiklopediya
Jump to navigation Jump to search
Rahib Qarayev
Qarayev Rahib Arif oğlu
Rahib Qarayev (heykəltəraş1).jpg
Doğum tarixi 8 aprel, 1986
Doğum yeri Azərbaycan Azərbaycan SSR, Masallı rayonu, Qasımlı kəndi
Vətəndaşlığı Azərbaycan Azərbaycan
Atası Qarayev Arif İnşalla oğlu
Milliyyəti Azərbaycanlı
Fəaliyyəti 2014-cü ildən

Rahib Qarayev (Rahib Arif oğlu Qarayev; d. 1986) — Azərbaycan Dövlət Rəssamlıq Akademiyasının Heykəltəraşlıq kafedrasının müəllimi, Azərbaycan Rəssamlar İttifaqının üzvü, tanınmış heykəltəraş.[1].

Həyatı[redaktə | əsas redaktə]

Qarayev Rahib Arif oğlu 8 aprel, 1986-cı il Masallı rayonunun Qasımlı kəndində anadan olmuşdur. 1993-cü ildə Hakim Həsənov adına Qasımlı kənd tam orta məktəbinin 1-ci sinifinə başlamışdır. 2004-cü ildə Masallı rayonunun Yeddioymaq kənd T.M.Bayraməlibəyov adına orta məktəbini bitirmişdir. 2000-2008-ci illərdə Masallı rayonun Qasımlı kəndində İlqar Balayevin emalatxanasında heykəltəraşlıq dərsləri almışdır. Onun bu sahəyə olan marağı hələ uşaqlıq illərindən yaranıb. 2008-ci ildə Azərbaycan Dövlət Rəssamlıq Akademiyasının bakalavr pilləsinə daxil olmuş, 2012-ci ildə bakalavr pilləsini bitirib elə həmin ildə magistratura pilləsinə daxil olmuşdur. 2014-cü ildən Azərbaycan Dövlət Rəssamlıq Akademiyasının Heykəltəraşlıq kafedrasında müəllim kimi fəaliyyət göstərir. 2015-ci ildə Azərbaycan Rəssamlar İttifaqının üzvü olmuşdur. 2009-cu ildə "Bir millət, iki dövlət" , "Amerika mənim gözümlə ", 2011-ci ildə Türkiyədə Memar Sinan universtetində keçirilən simpoziumda fəal iştirak etmiş, 2014-cü ildə "Lermontov", "Əsrin müqaviləsi ", həmin ildə keçirilən velosipedçilərə həsr olunmuş sərgidə 2-ci yer mükafatçısı, 2015-ci ildə "Xocalı", "Tolerant Azərbaycan Gənci" adlı sərgidə iştirak etmişdir. 2016-cı ildə Aprel döyüşlərində Şəhid olmuş Samir Kaçayevin memorial abidəsinin müəllifidir.[2],[3][4]2017-ci ildə Təzəkənd kənd məktəbi üçün Rövşən Nəbiyevin büstünü hazırlamışdır. 2019-cu ildə Hakim Həsənov adına Qasımlı kənd tam orta məktəbində qoyulan Hakim Həsənovun heykəlinin müəllifidir. Eyni ilin sentyabr ayında Azərbaycanın yəhudi əsilli Milli Qəhrəmanı, Qarabağ müharibəsi iştirakçısı, Albert Aqarunova Bakı şəhərində qoyulmuş heykəlin müəlliflərindəndir[5].

Şəkilləri[redaktə | əsas redaktə]

İstinadlar[redaktə | əsas redaktə]

  1. "Gənc heykəltəraş Rahib Qarayevin yaradıcılığı" (azərb.). [1]. 2019-06-02 tarixində orijinalından arxivləşdirilib. İstifadə tarixi: 2019-06-02.
  2. Heykəltəraş digər şəhidlərə abidə hazırlayacaqmı?
  3. Heykəltəraş Rahib Qarayev
  4. Gənc heykəltəraş Rahib Qarayevin yaradıcılığı
  5. Komandirin istəyi ilə Aqarunovun heykəlini hazırlayan müəllimlər.