Rasim Əliyev (memar)

Vikipediya, azad ensiklopediya
Jump to navigation Jump to search
Rasim Əliyev
Rasim Əliyev.JPG
Şəxsi məlumatlar
Doğum tarixi 16 iyul 1934(1934-07-16) (85 yaş)
Doğum yeri Gəncə, Azərbaycan SSR, ZSFSR, SSRİ
Vətəndaşlığı SSRİ SSRİ
Azərbaycan Azərbaycan
Təhsili
Atası Həsən Əliyev
İşləri və nailiyyətləri
İşlədiyi şəhərlər Naxçıvan
Bakı
Əsas tikililəri Hüseyn Cavid məqbərəsi;
Heydər Əliyev Beynəlxalq Aeroportu
Mükafatları "Azərbaycan SSR əməkdar memarı" fəxri adı — 1979
"Şöhrət" ordeni (Azərbaycan) — 2000 "İstiqlal" ordeni — 2014 "Şərəf" ordeni — 2009

Rasim Həsən oğlu ƏliyevAzərbaycan memarırəssamı; Azərbaycan SSR əməkdar memarı (1979), Dövlət mükafatı laureatı, Beynəlxalq Memarlıq Akademiyasının həqiqi üzvü, Rusiya Memarlıq və İnşaat Akademiyasının həqiqi üzvü, Şərq Ölkələri Memarlıq Akademiyasının həqiqi üzvü.

Həyatı[redaktə | əsas redaktə]

Rasim Əliyev 1934-cü il 16 iyul tarixində Gəncədə görkəmli ziyalı alim, akademik Həsən Əliyevin ailəsində anadan olmuşdur. O, 1965-ci ildə Bakının Baş memarı təyin olunub və 23 il müddətində bu vəzifədə fəaliyyət göstərib[1].

18 iyul 2014-cü ildə Beynəlxalq Muğam Mərkəzində Rasim Həsən oğlu Əliyevin 80 illik yubileyinə həsr olunmuş mərasim keçirilmişdir. Tədbirdə memarın müxtəlif illərdə ərsəyə gətirdiyi memarlıq əsərlərinin fotosərgisi, eləcə də yağlı və sulu boya ilə çəkdiyi rəsm əsərlərinin sərgisi keçirilmiş, onun haqqında 2006-cı ildə çəkilmiş "Memar" filmindən fraqmentlər nümayiş etdirilmişdir[1]. Tədbirdə yubilyara Azərbaycan Memarlar İttifaqının diplomu təqdim edilib[2].

Mükafatları[redaktə | əsas redaktə]

R.Əliyev 2000-ci il 19 aprel tarixində Azərbaycan Respublikasının Prezidenti Heydər Əliyevin sərəncamı ilə "Şöhrət" ordeni, 2009-cu il 24 sentyabr tarixində Prezident İlham Əliyevin Sərəncamı ilə Azərbaycanda memarlıq sənətinin inkişafında xidmətlərinə görə "Şərəf"[1], 2014-cü il 16 iyul tarixində isə "İstiqlal" ordeni ilə təltif edilib.[3]

Fəaliyyəti[redaktə | əsas redaktə]

O, Naxçıvanda Hüseyn Cavidin qəbri üzərində memarlıq-xatirə kompleksinin, Heydər Əliyev adına Bakı Beynəlxalq və Naxçıvan Hava Limanlarının, Bakının bir neçə metro stansiyalarının, şəhərin əsas parklarının, Azərbaycanın Türkiyədəki Səfirliyinin binasının və digər memarlıq sahəsində özünəməxsusluğu və bənzərsizliyi ilə seçilən layihələrin müəllifi və həmmüəllifidir[1].

Paytaxtda mikrorayonların, Əhmədli qəsəbəsinin salınması onun adı ilə bağlıdır.

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1 2 3 4 İlkin İzzət (18 İyul 2014, 10:18). "Azərbaycanın əməkdar memarı Rasim Əliyevin 80 illik yubileyi qeyd edilir". TREND (azərb.). az.trend.az. İstifadə tarixi: 2014-10-05.
  2. "Rasim Əliyevin 80 illik yubileyinə həsr olunmuş tədbir keçirilib". ARA (azərb.). az.apa.az. 18 İyul 2014 18:21. İstifadə tarixi: 2014-10-05.
  3. "R.H.Əliyevin "İstiqlal" ordeni ilə təltif edilməsi haqqında Azərbaycan Respublikası Prezidentinin Sərəncamı". president.az (azərb.). president.az. 16 iyul 2014, 18:10. İstifadə tarixi: 2014-10-05.

Xarici keçidlər[redaktə | əsas redaktə]