Rauf Cabbarov

Vikipediya, açıq ensiklopediya
Jump to navigation Jump to search
Rauf Cabbarov
Rauf Əbdülqədir oğlu Cabbarov
Fotoqrafiya
Doğum tarixi 8 iyul 1935(1935-07-08)
Doğum yeri Bakı, Azərbaycan SSR, SSRİ
Vəfat tarixi 11 may 2010 (74 yaşında)
Vəfat yeri Bilgəh, Bakı, Azərbaycan[1]
Vəfat səbəbi Ürək tutması
Uşağı 2 qız
Atası Əbdülqədir Cabbarov
Vətəndaşlıq Flag of the Soviet Union.svg SSRİ
Flag of Azerbaijan.svg Azərbaycan
Peşələri boksçu, boks məşqçisi
Dini İslam
Fəaliyyət illəri 1969-2004
Mükafatları "Tərəqqi" medalı

Rauf Cabbarov (tam adı: Rauf Əbdülqədir oğlu Cabbarov; d. 8 iyul 1935, Bakı, Azərbaycan SSR, SSRİö. 11 may, 2010, Bakı, Azərbaycan) — boksçu, SSRİ idman ustası və Azərbaycan Respublikasının Əməkdar məşqçisi.[2] Onun yetirmələri Rövşən Hüseynov 1993-cü ildə gənclər və böyüklər arasında Avropa çempionu, 1994-cü ildə Dünya Kubokunun qızıl mükafatçısı olmuş, Əli İsmayılov 2 dəfə Avropa və 2 dəfə dünya çempionatı və kuboku yarışlarının bürünc medalını qazanmışdır.[2]

Həyatı[redaktə | əsas redaktə]

1935-ci ilin iyulun 8-də Bakı şəhərində anadan olub.[2] İlk olaraq Bakının Vidadi küçəsində, daha sonra Bayıl qəsəbəsinin Qurban Abbasov 34 küçəsində yaşamışdır.[3] Boksla 10 il məşğul olmuş, respublika və ümumitiffaq miqyaslı yarışlarda qalib və mükafatçı kimi fərqlənmişdir.[2] Əmək fəaliyyətinə 1957-ci ildə L. Şmidt adına zavodda çilingər vəzifəsində başlamışdır.[2] 1960-cı ildən lampa zavodunda operator, 1963-cü ildə Taksi-Motor Parkında - yağlayıcı, 1969-cu ildən isə "Dinamo" idman cəmiyyətində və Bakı Uşaq-Gənclər idman məktəbində boks üzrə məşqçi-müəllim kimi fəaliyyət göstərmişdir.[4] Uzun illər Azərbaycan yığma komandasının baş məşqçisi olmuş, onlarla yüksək dərəcəli boksçular hazırlamışdır. Onun yetirmələri Rövşən Hüseynov 1993-cü ildə gənclər və böyüklər arasında Avropa çempionu, 1994-cü ildə Dünya Kubokunun qızıl mükafatçısı olmuş, Əli İsmayılov Avropa və dünya çempionatı və kuboku yarışlarının bürünc medalını qazanmışdır.[2]

2004-cü ildən sonra iki dəfə ürək infarktı keçirən Cabbarovun uzun müddət səhhəti ilə bağlı problemləri olub.[5] 2010-cu il mayın 11-də Zabrat qəsəbəsində dəfn olunub.

Təltif və mükafatları[redaktə | əsas redaktə]

O, SSRİ idman ustası və Azərbaycan Respublikasının Əməkdar məşqçisi idi.[2]

Qalereya[redaktə | əsas redaktə]

İstinadlar[redaktə | əsas redaktə]

  1. "Əməkdar məşqçi vəfat etdi". arxiv.az.
  2. 2,0 2,1 2,2 2,3 2,4 2,5 2,6 (2004) Azərbaycan Milli Ensiklopediyası, 100.
  3. "BÖYÜK TARİXİ OLAN KİÇİK KÜÇƏ". regionplus.az. http://regionplus.az/az/articles/view/4466. İstifadə tarixi: 24 September 2015.
  4. "MİLLİ KOMANDANIN BAŞ MƏŞQÇİSİ VƏFAT ETDİ". supersport.az. http://supersport.az/index.php?pg=2&id=8943. İstifadə tarixi: 24 September 2015.
  5. "Əməkdar məşqçi vəfat etdi". news.milli.az. news.milli.az. 14 mart 2019 tarixində arxivləşdirilib. İstifadə tarixi: 14 mart 2019.
  6. "Milli Olimpiya Komitəsinin III Baş Məclisində MOK prezidenti İlham Əliyevin məruzəsi". azsport.az. azsport.az. 14 mart 2019 tarixində arxivləşdirilib. İstifadə tarixi: 14 mart 2019.