Rebekka Matte Bello

Vikipediya, açıq ensiklopediya
Jump to navigation Jump to search
Rebekka Matte Bello
isp. Rebeca Matte Bello
Rebeca Matte 2.jpeg
Doğum tarixi 29 oktyabr 1875(1875-10-29)
Doğum yeri Santyaqo, Çili
Vəfat tarixi 15 may 1929 (53 yaşında)
Vəfat yeri Paris, Fransa
Milliyyəti çilili
Vətəndaşlığı
Fəaliyyəti heykəltəraşrəssam
Təhsili
  • Culiana Akademiyası[d]
Janrı heykəltəraşlıq
Təsirlənib Ogüst Rodin[1]
Commons-logo.svg Vikianbarda əlaqəli mediafayllar

Rebekka Matte Bello (isp. Rebeca Matte Bello) — Çili heykəltəraşı.

Əsərləri Çili Milli Təsviri İncəsənət Muzeyində sərgilənir. Muzeyin xaricində sərgilənən və ölkənin ən tanınmış əsərlərindən olan "İkar və Dedal" da onun əsəridir.[2]

Gənclik illəri və əsərləri[redaktə | əsas redaktə]

"İkar və Dedal"
"Müharibə" (1908-1914).

29 oktyabr 1875-ci ildə Çilinin paytaxtı Santyaqo şəhərində anadan oldu.[3] Rebekka Reyes və səfir Avqust Mattenin tək uşağı idi. Santyaqoda nənəsinin himayəsi altında yaşadı. Xose Viktorino Lastarriya, Qabriel Jordan və Alberto Blest Qana kimi Çilinin görkəmli şəxsiyyətləri ilə tanış oldu. Atasının Parisə getməsindən sonra təhsilini Avropada davam etdirdi.

Avropadan öncə Romada Culio Monteverde, daha sonra Parisdə Lui-Erne Dübia və Denis Puex ilə işlədi.[4] Gəncliyində Ogüst Rodinin əsərlərindən təsirləndi.[1] Diplomat Pedro Felipe Larrain İniqes ilə evlənən heykəltəraşın Lili İniqez Matte adlı qızı oldu.[3] Qızının 1926-cı ildəki ölümündən sonra heykəltəraşlığı buraxdı.[3]

Karyerası[redaktə | əsas redaktə]

1908-ci ildə Çili hökumətinin sifarişi ilə Haaqa şəhərindəki Beynəlxalq ədalət məhkəməsi üçün heykəl hazırladı. 1914-cü ildə tamamlanan heykəlin adı "Müharibə" idi. Çili hökumətinin digər sifarişləri üzərində də işləməyə davam edən Rebekka 1914-cü ildə Santyaqo şəhərində ucaldılan "Konsepsion qəhrəmanları" heykəlinin müəllif oldu. Sənətkar 1918-ci ildə Florensiya Təsviri İncəsənət Akademiyasında dərs verdi.

Sonrakı həyatı və ölümü[redaktə | əsas redaktə]

Qızı Lilinin vərəm xəstəliyinə yaxalandığı məlum oldu və 1926-cı ildə İsveçrədə, Alp dağlarında müalicə alarkən həyatını itirdi. Bu hadisədən sonra özünə gələ bilməyən Matte heykəltəraşlığı buraxdı və qızı adına xeyriyyə işləri ilə məşğul olmağa başladı. Matte 14 may 1929-cu ildə vəfat etdi.

Ölümündən sonra həyat yoldaşı "İkar və Dedal" heykəlini Çili Milli Təsviri İncəsənət Muzeyinə bağışlamışdır. Əsər Çili hökuməti tərəfindən Braziliya hökumətinə hədiyyə etmək üçün hazırlanan və Rio de Janeyrodakı orijinal bürünc heykəlin surətidir və 1930-cu ildə muzeyin xaricinə yerləşdirilmişdir.

Əsas əsərləri[redaktə | əsas redaktə]

  • "Horasio", 1910, Çili Milli Təsviri İncəsənət Muzeyi
  • "Əks-səda", 1912, Çili Milli Təsviri İncəsənət Muzeyi
  • "İkar və Dedal", 1922, Çili Milli Təsviri İncəsənət Muzeyi
  • "Müharibə", sifariş 1908, yerləşdirmə 1914, Sülh sarayı bağçası, Haaqa (Çili hökumətinin Sülh sarayına hədiyyəsi)

İstinadlar[redaktə | əsas redaktə]

  1. 1,0 1,1 Tim Burford (1 June 2005). Chile: The Bradt Travel Guide. Bradt Travel Guides, 45. ISBN 978-1-84162-076-3. 19 may 2016 tarixində istifadə olunub.
  2. "Arts and Literature in Chile". Chile Culture.
  3. 3,0 3,1 3,2 "Matte Bello, Rebecca (1875 - 1929)". Personales de nuestra historia. Nuestro Chile. (In Spanish)
  4. Garzon, Eugenio (June 17, 1913). "L'art chilien au Salon" (French). Le Figaro. http://gallica.bnf.fr/ark:/12148/bpt6k289983g/f2.item.

Xarici keçidlər[redaktə | əsas redaktə]

Vikianbarda Rebekka Matte Bello ilə əlaqəli mediafayllar var.