Regional Rouminq Müqaviləsi

Vikipediya, azad ensiklopediya
Jump to navigation Jump to search

Regional Rouminq Müqaviləsi, formal olaraq "Qərbi Balkan bölgəsinin ümumi mobil rabitə şəbəkələrində rouminq xidmətlərinin qiymətinin endirilməsinə dair müqavilə" (ing. Agreement on the price reduction of the roaming services in public mobile communications networks in the Western Balkans region) ― Qərbi Balkan ölkələrində rouminq ödənişlərinin tətbiqini tənzimləyən hüquqi vasitə. Ölkələrin siyahısında Albaniya, Bosniya və Herseqovina, Kosovo, Şimali Makedoniya, MonteneqroSerbiya yer alırlar. Razılaşma mobil əlaqə şəbəkəsi operatorlarının şəbəkə üzvü olan ölkənin xaricində telefon və məlumat göndərmə xidmətlərindən istifadə etdikləri üçün abunəçilərindən ala biləcəkləri həm rüsumu əhatə etməyə, həm də topdansatış tariflər şəbəkələrinə abunəçilərin onlara məxsus şəbəkələrə girmələri üçün bir-birlərindən ödəniş tələb etmələrinə şərait yaradır.

Müqavilə endirilmiş tariflərlə 1 iyul 2019-cu il tarixindən etibarən qüvvəyə mindi. 1 iyul 2021-ci ildən etibarən bütün tariflər ləğv olunmalıdır. Ötürülən zənglər orta hesabla 65%? məlumat ötürmə qiymətləri isə 78% düşdü.[1]

Tarixi[redaktə | əsas redaktə]

Qərbi Balkandan olan iqtisadiyyat nümayəndələri, Regional Əməkdaşlıq Şurası (ing. Regional Cooperation Council və ya RCC) tərəfindən təşkil edilən Qərbi Balkan Rouminq Siyasəti iclasında yeni Regional Rouminq Sazişini (RRA) müzakirə etmək üçün 14 dekabr 2018-ci il tarixində Brüssel şəhərində toplandılar.[2]

4 aprel 2019-cu il tarixində Belqradda keçirilən 2-ci Qərbi Balkan Rəqəmsal Sammitində Qərbi Balkan Telekomunikasiya Nazirləri bölgədəki bütün rouminq xərclərinin tədricən aradan qaldırmağa yönələn müqavilə imzaladılar. Müqavilə endirilmiş tariflərlə 1 iyul 2019-cu ildən qüvvəyə mindi və 1 iyul 2021-ci ildən etibarən “Evsayağı rouminq” (ing. “Roam like at Home”) konsepsiyası altında bütün tariflər aradan qaldırılmalıdır.[3]

Ərazi əhatəliyi genişliyi[redaktə | əsas redaktə]

Qərbi Balkan ölkələrinə – Albaniya, Bosniya və Herseqovina, Kosovo, Şimali Makedoniya, MonteneqroSerbiya daxildir. Qismən tanınan Kosovo öz sərhədlərində göstərilmişdir. Xorvatiya AB-yə 2013-cü ildə daxil olmuşdur.

Qərbi Balkan bölgəsinin ümumi mobil rabitə şəbəkələrində rouminq xidmətlərinin qiymətinin endirilməsinə dair müqavilə Qərbi Balkan ölkələrində tətbiq olunur:

Regional Əməkdaşlıq Şurasının Baş katibi Maylinda Brequ və Rəqəmsal İqtisadiyyat və Cəmiyyət üzrə Avropa Komissarı Mariya Qabriel 18 fevral 2019-cu il tarixində Skopyed şəhərində Qərbi Balkan üçün yeni Regional Rouminq Sazişini (RRA2) müzakirə etdilər. Komissar Qabriel təsdiqlədi ki, Qərbi Balkan dövlətləri arasında rouminq qiymətləri ilə bağlı yeni bir razılığa gəldikdə, AB tarifləri 2019-cu ilin iyul ayından etibarən endirməyə hazırdır.[4]

Qiymətlər[redaktə | əsas redaktə]

Rouminq limitlər (bütün qiymətlər avro məzənnəsində göstərilib)
1 iyul 2019 1 iyul 2021
Yönlənən zənglər 0.19 ev şəbəkəsinin yerli tarifi
Yönlənən mətn mesajları 0.06 ev şəbəkəsinin yerli tarifi
Məlumat ötürülməsi 0.025 ev şəbəkəsinin yerli tarifi

Həmçinin bax[redaktə | əsas redaktə]

İstinadlar[redaktə | əsas redaktə]

  1. "Regional Cooperation Council | Roaming Prices Drastically Drop across Western Balkans: Speak more, surf more – pay less!". rcc.int (ingilis). İstifadə tarixi: 2019-09-19.
  2. EWB (2018-12-14). "Western Balkans moving towards a roaming free region". European Western Balkans (ingilis). İstifadə tarixi: 2019-04-09.
  3. "Western Balkans to Scrap Roaming Costs From 2021". Balkan Insight (ingilis). 2019-04-04. İstifadə tarixi: 2019-04-09.
  4. EWB (2019-02-20). "Western Balkans finalising the agreement for a zero roaming rate by 2021". European Western Balkans (ingilis). İstifadə tarixi: 2019-04-09.