Renat Dadaşov

Vikipediya, açıq ensiklopediya
Jump to navigation Jump to search
Renat Dadaşov
Ümumi məlumatlar
Tam adı Renat Oleq oğlu Dadaşov
Doğum tarixi 17 may 1999 (1999-05-17) (20 yaş)
Doğum yeri Rüdeshaym, Hessen, Almaniya
Vətəndaşlıq Azərbaycan Azərbaycan
Boyu 186 sm
Çəkisi 81 kq
Mövqeyi Hücumçu
Klub haqqında məlumat
Klub Portuqaliya Pasuş de Ferreyra
(Vulverhempton Vonderers klubundan icarə əsasında çıxış edir)
Karyerası
Həvəskar karyerası
2014–2017 Almaniya Leypsiq (U-19) 31 (12)
2017–2018 Almaniya Ayntraxt (U-19) 22 (14)
Peşəkar karyerası[* 1]
2018–2019 Portuqaliya Eştoril 22 (4)
2019– İngiltərə Vulverhempton Vonderers 0 (0)
2019– →Portuqaliya Pasuş de Ferreyra 1 (0)
Milli yığma[* 2]
2014–2015 Almaniya Almaniya U-16 yığması 6 (4)
2015–2016 Almaniya Almaniya U-17 yığması 15 (13)
2017– Azərbaycan Azərbaycan 3 (0)
  1. ↑ Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 25. 08. 2019 tarixində redaktə olunub.
  2. ↑ Rəsmi oyunlarda milli yığmanın heyətində keçirdiyi oyunların və vurduğu qolların sayı.

Renat Dadaşov (17 may 1999(1999-05-17)[1], Rüdeshaym-am-Reyn[d], Hessen) — ləzgi[2][3] əsilli Azərbaycan və Almaniya futbolçusu, Portuqaliyanın "Pasuş de Ferreyra" klubunun hücumçusu.

Həyatı[redaktə | əsas redaktə]

Renat Dadaşov 17 may 1999-cu ildə Almaniyanın Hessen əyalətindəki Rüdeshaym qəsəbəsində anadan olub. Valideynlərinin hər ikisi azərbaycanlıdır. Atası Oleq cavan yaşlarında su polosu üzrə Azərbaycan millisində oynayıb. Renatın böyük qardaşı Rüfət Dadaşov da hal-hazırda Azərbaycan millisinin üzvüdür.

Klub karyerası[redaktə | əsas redaktə]

Ayntraxt Frankfurt[redaktə | əsas redaktə]

19 may 2017-ci ildə Dadaşov Bundesliqa klublarından Ayntraxt Frankfurtla 3 illik müqavilə imzaladı.[4] O, Ayntraxtın 19 yaşadək futbolçulardan ibarət komandasında oynayarkən 22 matça 14 qol vurmuş, 9 assist etmişdir.[5]

Eştoril[redaktə | əsas redaktə]

11 iyun 2018-ci ildə Dadaşov Portuqal klublarından Eştorillə 2 illik müqavilə imzaladı.[6] O, klubda ilk rəsmi matçına "Porto"nun əvəzedicilərdən ibarət komandasıyla qarşılaşmada çıxdı.[7] Həmin matçda Eştoril rəqibinə 4–0 hesabı ilə qalib gəlmişdi. İlk qolunu isə həmin ilin 18 avqustunda vurdu.

Vulverhempton Vonderers[redaktə | əsas redaktə]

6 avqust 2019-cu ildə Dadaşov ingilis klublarından "Vulverhempton Vonderers"ə transfer olub. O, bu klubla 4 illik müqavilə imzalayıb.[8][9]

Pasuş de Ferreyra[redaktə | əsas redaktə]

Vulverhempton daha sonra Renatı dərhal Portuqaliyanın digər klubu "Pasuş de Ferreyra"ya bir mövsümlük icarəyə verib.[10][11]

Yığma karyerası[redaktə | əsas redaktə]

Almaniyada azərbaycanlı ailəsində dünyaya göz açan Renatın iki millidə də oynamaq imkanı var idi. O, 2014-cü ildə qısa müddətdə Azərbaycanın U16 yaş qrupu üzrə millisində çıxış edib. O, sonradan U16 yaş qrupu üzrə millisinə dəvət alıb. O, ümidləri doğrultdu və 6 matçda 4 qol vurdu. 2015-ci ilin sentyabrında Almaniyanın U17 yaş qrupu üzrə millisində debüt edən Dadaşov millidə 15 matçda 13 qol vurması ilə diqqətləri özünə cəlb etdi. O hətta milliylə 2016-cı ildə 17 yaşlı oğlanlar arasında Avropa çempionatında yarı finala qədər irəlilədi.

2017-ci ilin əvvəlində AFFA tərəfindən Renatın Azərbaycan millisində oynayacağı ictimaiyyətə elan olundu. O, həmin ilin sentyabrın 4-də DÇ-2018-in seçmə mərhələsində San-Marino millisi ilə matçda debüt edib.[12]

İstinadlar[redaktə | əsas redaktə]

  1. ↑ Transfermarkt — 2000.
  2. ↑ Первый лезгин в немецкой Бундеслиге: Ренат Дадашов подписал контракт с «Айнтрахтом»
  3. ↑ Ренат Дадашов отличается голом за «Айнтрахта»
  4. ↑ "Profivertrag für Dadashov" (Almanca). www.eintracht.de. Ayntraxt Frankfurt (19 may 2016).
  5. ↑ "Renat Dadashov verlässt SGE Richtung Portugal" (almanca). www.eintracht.de. Ayntraxt Frankfurt (11 iyun 2018).
  6. ↑ "Renat Dadashov arrives for the attack" (ing.). www.estorilpraia.pt. Estoril (11 iyun 2018).
  7. ↑ Renat Dadaşov Portuqaliyada debüt etdi, qol.az
  8. ↑ Renat Dadaşov rəsmən İngiltərə Premyer Liqası klubunda, qol.az
  9. ↑ "Dadashov moves to Molineux" (ing.). www.wolves.co.uk. Vulverhempton Vonderers (6 avqust 2019).
  10. ↑ Renat Dadaşov: “Canavar” olmaq inanılmazdı”, futbolinfo.az
  11. ↑ "RENAT DADASHOV PARA O ATAQUE" (Portuqalca). www.fcpf.pt. Pasuş de Ferreyra (6 avqust 2019).
  12. ↑ Renat Dadaşov yığmamızda debüt etdi, qol.az
Mənbə — "https://az.wikipedia.org/w/index.php?title=Renat_Dadaşov&oldid=4863316"