Roberto Mançini

Vikipediya, azad ensiklopediya
Jump to navigation Jump to search
Roberto Mancini - Lech - Manchester 005.jpg

Roberto Mançini (27 noyabr 1964, İtaliya) — italyalı keçmiş futbolçu və İnter Milanın baş məşqçisi.

Futbolçu karyerası[redaktə | əsas redaktə]

Bolonya FC 1909[redaktə | əsas redaktə]

Roberto Mançini 27 noyabr 1964-cü ildə İtaliyanın Ankona şəhərində anadan olmuşdur. Futbola Bolonyanın məktəbində başlayan Mançini ilk peşəkar ilini 1981/82-ci illərdə yaşamışdır. Həmin il Bolonya'da 30 oyunda 9 qol vuraraq diqqətləri cəlb etmişdir. 1982/83-cü illərdə Sampdoriyaya transfer olan Mançini 15 il ərzində bu komandanın formasını geyinmişdir.

Sampdoriya[redaktə | əsas redaktə]

Sampdoriyada oynadığı 15 ildə 566 oyuna çıxmaqla 1 UEFA Kuboklar Kuboku və 4 İtaliya Kuboku qazanmış, 1990/91-ci illərdə də komandanın tarixindəki ilk çempionluğunda da iştirak edən futbolçulardan biri olmuşdur. Həmin il Sampdoriya 57 qol vurarkən, Roberto Mançini 12 dəfə fərqlənmişdir. Bir il sonra isə bu komanda tarixin ilk UEFA Çempionlar Liqası finalında Barselona ilə qarşılaşmış, lakin Barselonanın əlavə vaxtda vurduğu qolla məğlub olmuşdur.

Latsio[redaktə | əsas redaktə]

Roberto Mançini 15 ildən sonra, yəni, 1997-ci ildə karyerasındakı üçüncü komandaya - Latsioya trasnfer olmuşdur. Mançini bu komanda ilə 1989/90-cı illərdə UEFA Kuboklar Kubokunu, 1999/2000-ci illərdə isə İtaliya A Seriyasını qazanmışdır.

Lester Siti[redaktə | əsas redaktə]

Mançini karyerasının son transferini İngiltərənin Lester Siti komandasına transfer olmaqla həyata keçirdi. Mançini, Lester Siti də heç 4 oyun keçirmədən fiziki cəhətdən hazır olmadığını dedi və futbolçu karyerasını bitirdi.

Baş məşqçilik karyerası[redaktə | əsas redaktə]

Fiorentina[redaktə | əsas redaktə]

Roberto Mançini 2001-ci il fevral ayında Fiorentinadan ayrılan Fatih Terimin yerinə keçdi. Roberto Mançini baş məşqçi kimi ilk kubokunu da məhz Fiorentinada qazanmışdır. O, İtaliya Kubokunu finalda Parmaya qalib gəlməklə qazanmışdır. Lakin maliyyə problemləri yaşayan komanda bir sıra ulduz futbolçularını satmağa məcbur olmuşdur. Beləliklə də, Mançini 2002-ci ilin yanvar ayında Fiorentinadan getmişdir.

Latsio[redaktə | əsas redaktə]

O, 2000/01-ci illərdə köməkçi məşqçi kimi çalışdığı Latsioda 2002-ci ildə baş məşçiliyə gətirildi. 2002/03-cü illərdə liqanı dördüncü yerdə bitirdikdən sonra UEFA Çempionlar Liqasında pley-off oynamış, həmin il UEFA Kubokunda yarı finala çıxmışdır.

2003/04-cü illərdə UEFA Çempionlar Liqası pley-off 'da Benfikaya qalib gəlməklə qruplara yüksəlmiş, lakin qrupda sonuncu olmuşdur. Mançini və klubu liqanı altıncı yerdə bitirməklə UEFA Kubokunda pley-off haqqı qazanmışdır. Latsio Avropa və liqadakı uğurzusluqlara baxmayaraq İtaliya Kubokunda çempionluq qazanmış və Roberto Mançini karyerasına bir kubok da ələvə etmişdir. İl sonunda isə İnter Milan-dan təklif alan baş məşqçi növbəti il komandanın sükanı arxasına keçməyi qəbul etmişdir.

İnter Milan[redaktə | əsas redaktə]

2004/05-ci illərin əvvəlində İnter Milan FK-da rəhbərliyə başlayan Mançini ilk rəsmi oyununu İtaliya Superkubokunda Yuventusa qalib gəlməklə qazanmışdır. İl sonunda isə liqanı üçüncü yerdə bitirməklə UEFA Çempionlar Liqasının pley-offuna yüksəlmişdir. Pley-off'da Bazelə qalib gələrək qruplara vəsiqə qazanmışdır. Qruplarda məğlubiyyət görməyən komanda səkkizdə bir finala yüksəlmişdir. Bu mərhələdə isə Portonu iki oyundan sonra 4-2 hesabı ilə məğlub etmişdir. Dörddə bir finalda isə Milana iki oyundan sonra 5-0 məğlub olmuşdur. İtaliya Kubokunda isə çempion olmaqla İnter Milanda ikinci kubokunu qazanmışdır.

2005/06-cı illərdə İtaliyada çempion olmaqla bərabər, həm ilin əvvəlində İtaliya Superkubokunu, həm də il sonu İtaliya Kubokunu da əldə etmişdir.

2006/07-ci illərdə komandaya Zlatan İbrahimoviç, Maikon, Fabio Qrosso, Patrik Viera və Hernan Krespo kimi ulduzlar dəvət olunmuşdur. Komanda UEFA Çempionlar Liqasında qrupda ikinci yeri tutmaqla növbəti mərhələyə keçmişdir. Lakin səkkizdə bir finalda Valensiyaya məğlub olmaqla turnir ilə vidalaşmışdır.

2007/08-ci illərdə arxa-arxaya kuboklar qazanan Mançini, UEFA Çempionlar Liqasında yenə səkkizdə bir finalda məğlub olmuşdur. Komanda bu dəfə Liverpula iki oyundan sonra 3-0 hesabı ilə məğlub olmaqla turnir ilə vidalaşmışdır. Beləliklə, İtaliya liqasında üç dəfə çempion olduqdan sonra komanda ilə razılaşmanı pozmuş və ayrılmışdır.

Mançester Siti[redaktə | əsas redaktə]

Mançester Sitiyə gəldiyi ilk sezon İngiltərə Premyer Liqasında beşincilik əldə etmiş və UEFA Avropa Liqasına vəsiqə qazanmışdır. Lakin səkkizdə bir finalda Dinamo Kiyevə məğlub olmaqla turnir ilə vidalaşmışdır. Növbəti sezon çempionluğu planlaşdıran komanda liqanın son oyununda qalib gəlməklə 44 illik həsrətə son qoymuş və çempion olmuşdur. UEFA Çempionlar Liqasına vəsiqə qazansa da, hələ qruplarda sonuncu olaraq turnir ilə erkən ayrılmışdır. Bunun nəticəsində də rəhbərlik baş məşqçini uğursuzluqla günahlandırmış və razılaşma qarşılıqlı pozulmuşdur.

Qalatasaray[redaktə | əsas redaktə]

Roberto Mançini, 29 sentyabr 2013-cü ildə Qalatasaray ilə üç illik razılaşmışdır. 7 may 2014-cü ildə Türkiyə Kubokunu qazanmaqla karyerasına bir kubok da ələvə etmişdir. Həmin il komanda liqanı Fənərbaxçanın ardından ikinci yerdə tamamlamış və UEFA Çempionlar Liqasına birbaşa qatılmışdır. Lakin 11 iyun 2014-cü ildə komandadan ayrılmışdır.

İnter Milan[redaktə | əsas redaktə]

Roberto Mnaçini 14 iyun 2014-cü ildə yenidən İnter Milana baş məşqçilik etməyə başlamışdır.

İstinadlar[redaktə | əsas redaktə]