Roza İbadova

Vikipediya, azad ensiklopediya
Naviqasiyaya keçin Axtarışa keçin
Roza İbadova
Roza İbadova Kocamaz
Doğum tarixi 14 may 1990(1990-05-14) (33 yaş)
Doğum yeri
Vətəndaşlığı
Həyat yoldaşı Cihan Kartal Kocamaz
Fəaliyyəti aktrisa

Roza İbadova (Roza İbadova Kocamaz; 14 may 1990, Bakı) — Azərbaycanlı teatr və kino aktrisa.

Həyatı[redaktə | mənbəni redaktə et]

İbadova Roza 1990-cı il mayın 14-ü Bakıda anadan olub. 2008-ci ilə orta məktəbi bitirərək Azərbaycan Dövlət Mədəniyyət və İncəsənət Universetininin musiqili komediya aktyoru fakültəsinə daxil olub. İlk sənət müəllimi Faiq Zöhrabov, daha sonra isə Telman Əliyev olub. 2010-cu ildə rejissor Cənnət Səlimovanın dəvəti ilə Azərbaycan Dövlət Gənc Tamaşaçılar Teatrına gəlir. İlk rolu Vaqif Əsədovun quruluşunda olan Çarlz Dikkensin "Oliver Tvistin macəraları" tamaşasında Oliver rolu olub və daha sonra bir çox tamaşalarda rol ifa edib. R. İbadova Space tv-də yayımlanan "Mən böyümüşəm" uşaq verlişin aparıcı və İctimai TV-də "Hoqqabaz" uşaq verlişinin aparıcısı olub. Roza İbadova çalışdığı illər ərzində Qarabağla bağlı bir çox dövlət tədbirlərində səhnəciklərdə iştirak edib. Bir neçə film və serialda rol alıb. Hal-hazırda Türkiyənin İzmir şəhərində yaşayır. İzmirdə bir neçə Xocalı və digər tədbirlərdə aparıcılıq edib. Hazırda İzmir Han Teatrında aktrisa və xoreoqraf çalışır. İzmir şəhərində ilk dəfə Xocalıya həsr olunan Orxan Muxtarlının "Yol ayrımında" dramının rejissoru olub.

Əsas rolları:

  • "Azərbaycan Dövlət Gənc Tamaşaçılar Teatrı"
  • . Bala siçan – ("Çəkməli pişik" Ş. Perro)
  • . I bala – ("Pişiyin evi" S. Marşak)
  • . Oliver — ("Oliver Tvistin macəraları") – Ç. Dikkens
  • . Şagird – ("Mənim ağ göyərçinim" T. Vəliyeva)
  • . Fatma — ("Göyçək Fatma") – Azərbaycan Xalq nağılı
  • . Reyhan — ("Mən səni sevirəm" — Ə. Əmirli)
  • . Anjelin dublyoru – ("Məhv olmuş gündəliklər" İ. Əfəndiyev)
  • . Mələk – ("Romeo və Cülyetta" U. Şekspir)
  • . Firuzə – ("Buzovna kəndinin əhvalatları" Elçin)
  • . Gülçöhrə – ("Müsyö Jordan və dərviş Məstəli şah" M. F. Axundzadə)
  • . Rəqs ifaçısı – ("Əlincə qalası" Dilsuz)
  • . Xədicə – ("Qaraca qız" S. S. Axundov, A. Şaiq)
  • . C – ("Mən gəldim, qızlar" L. Nuren)
  • . Buratino – ("Buratinonun macəraları" A. Tolstoy)
  • . Qız – ("Balaca və damda yaşayan Karlson" A. Lindqren)
  • . Aslan – ("Danışan gəlincik" A. Şaiq)
  • . Dovşan — ("Qoğalın nağılı" Xalq nağılı)
  • . Arzu — ("Arzu və Murad" S. Elsevər)

"İzmir Han Teatrı"

  • . Fatoş, Görevli – ("Qadınları anlama kursu" N. Çetin) (həmdə tamaşanın xoreoqrafı)

Filmoqrafiya[redaktə | mənbəni redaktə et]

  1. "Həyat varsa"
  2. "Günbatan"
  3. "Qız yükü" serialı
  4. "Əsirlər" filmi
  5. "Shanghai, Baku" filmi

İstinadlar[redaktə | mənbəni redaktə et]

Xarici keçidlər[redaktə | mənbəni redaktə et]