Rəsul Səlimov

Vikipediya, azad ensiklopediya
Naviqasiyaya keç Axtarışa keç
Rəsul Səlimov
Şəxsi məlumatlar
Tam adı Rəsul Azedinoviç Səlimov
Vətəndaşlığı Azərbaycan Azərbaycan
Doğum tarixi 26 dekabr 1981(1981-12-26) (42 yaş)
Boyu 185 sm. (5 ft 6 in)
İdman növü Cüdo
Medallar

Rəsul Səlimov (26 dekabr 1981) — Azərbaycanı təmsil edən cüdoçu və məşqçi.[1]

Karyerası

[redaktə | mənbəni redaktə et]

Karyerasının birinci uğuruna Rəsul Səlimov 1998-ci ilin noyabrında imza atdı. Rumıniyanın Buxarest şəhərində baş tutan U-20 Avropa Çempionatında Rəsul Səlimov turnirin bürünc medalına sahib oldu. Bir il sonra, 1999-cu ilin mayında isə Rəsul Səlimov Bratislava şəhərində Avropa Çempionatını bürünc medalla başa vurdu. Həmin ilin noyabrında Rəsul Səlimov həm də İtaliyanın Roma şəhərində baş tutan U-20 Avropa Çempionatında növbəti dəfə bürünc medala sahib oldu.

2000-ci ilin mayında Rəsul Səlimov Polşanın Vrotslav şəhərində baş tutan Avropa Çempionatını bürünc medalla başa vurdu. Həmin ildə Rəsul Səlimov Azərbaycanı Avstraliyanın Sidney şəhərində baş tutan XXVII Yay Olimpiya Oyunlarında təmsil elədi. Rəsul Səlimovun olimpiadanın 1/16 final mərhələsində rəqibi Çili nümayəndəsi Qabriel Lama oldu.[2] Gərgin idman mübarizəsi şəraitində baş tutan görüşdə Rəsul Səlimov rəqibinə qalib gəldi və olimpiadanın 1/8 final mərhələsinə adladı.[2] Bu mərhələdə onun rəqibi Kanada cüdoçusu Keyt Morqan oldu.[2] Bu görüşdə Rəsul Səlimov rəqibinə məğlub oldu və mübarizəsini təsəlliverici qrupda davam elədi.[2] Bu qrupun birinci görüşündə onun rəqibi Avstraliya nümayəndəsi Robert İvers oldu.[2] Həmin görüşdə Rəsul Səlimov rəqibi üzərində ipponla qələbə qazandı və növbəti mərhələyə adladı.[2] Bu mərhələdə onun rəqibi Mavrici cüdoçusu Cen Klod Rafael oldu.[2] Bu görüşdə də Rəsul Səlimov rəqibi üzərində ipponla qələbə qazandı və qrupun üçüncü mərhələsinə adladı.[2] Bu mərhələdə isə onun rəqibi Dünya Çempionatının bürünc medalçısı Birləşmiş Ştatlar nümayəndəsi Bryan Olson oldu.[2] Gərgin idman mübarizəsi şəraitində baş tutan görüşdə Rəsul Səlimov rəqibinə qalib gəldi və bürünc medal uğrunda görüşə vəsiqə qazandı.[2] Həlledici görüşdə onun rəqibi Fransa cüdoçusu Fred Demonfauson oldu.[2] Gərgin idman mübarizəsi şəraitində baş tutan görüşdə Rəsul Səlimov rəqibinə məğlub oldu və Sidney Olimpiadasını beşinci pillədə başa vurdu.[2]

Olimpiadadan sonra Rəsul Səlimov 2001-ci ilin mayında Fransanın Paris şəhərində baş tutan Avropa Çempionatının final görüşündə məğlub olaraq turniri gümüş medalla başa vurdu. Həmin ilin iyulunda isə Rəsul Səlimov Almaniyanın Münhen şəhərində baş tutan Dünya Çempionatında bürünc medala sahib oldu.

2002-ci ilin mayında Maribor şəhərində (Sloveniya) Avropa Çempionatını beşinci pillədə başa vuran Rəsul Səlimov həmin il zədə aldıqdan sonra 20 yaşında idmanla vidalaşdı. Karyerasını başa vurandan sonra Rəsul Səlimov məşqçi olaraq çalışır.

İstinadlar

[redaktə | mənbəni redaktə et]
  1. ↑ Olympedia.org. "Rəsul SƏLİMOV". www.olympedia.org (ingilis). 2022-08-30. 2022-08-22 tarixində arxivləşdirilib. İstifadə tarixi: 30.08.2022.
  2. ↑ 1 2 3 4 5 6 7 8 9 10 11 12 Olympedia.org. "2000 Summer Olympics / Judo / Middleweight (90 Kilograms) / Men". www.olympedia.org (ingilis). 2022-08-30. 2022-08-22 tarixində arxivləşdirilib. İstifadə tarixi: 30.08.2022.
Mənbə — "https://az.wikipedia.org/w/index.php?title=Rəsul_Səlimov&oldid=7711863"