Sürəyyə Bəylərbəyova

Vikipediya, azad ensiklopediya
Jump to navigation Jump to search
Sürəyyə Bəylərbəyova
Sürəyya Səfərəli qızı Bəylərbəyova
Sürəyya Bəylərbəyova.png
Doğum tarixi 3 fevral 1897(1897-02-03)
Doğum yeri Bakı, Azərbaycan SSR
Vəfat tarixi 14 mart 1977(1977-03-14)
Vəfat yeri Bakı, Azərbaycan SSR
Vətəndaşlığı Azərbaycan AzərbaycanSSRİ SSRİ
Milliyyəti azərbaycanlı
Mükafatları "Fədakar əməyə görə" medalı

Sürəyya Bəylərbəyova(Tam adı:Sürəyya Səfərəli qızı Bəylərbəyova; d.3 fevral 1897, Bakı - ö.14 mart 1977, Bakı) — tərcüməçi, 1939-cu ildən Azərbaycan Yazıçılar Birliyinin üzvü.[1]

Həyatı[redaktə | əsas redaktə]

S.Bəylərbəyova 1897-ci ildə fevralın 3-də müəllim ailəsində anadan olmuşdur. 5 yaşında ata-anasını itirdiyindən yazıçı S.S.Axundovun köməyi sayəsində dövlət hesabına pansionatda saxlanır. Orada olduğu müddətdə müqəddəs Anna adına Bakı qadın gimnaziyasını qızıl medalla bitirir, 1913-19-cu illərdə Bakıda III şəhər qadın rus-tatar məktəbində müəllimlik edir. 1929-cu ildə Əli Bayramov adına qadınlar klubuna üzv olmuş, burada ictimai əsasla işləmiş, həm də stenoqrafçı kursunda oxumuşdur. 1977-ci ildə martın 14-də vəfat etmişdir.

Fəaliyyəti[redaktə | əsas redaktə]

1931-33-cü illərdə Bakı kino idarəsində işlər müdiri işləyərkən onu bədii tərcümə problemi cəlb edir. İlk tərcümələri A.Bartonun əsərləri olur. 1938-ci ildən Azərbaycan Dövlət Nəşriyyatında işlədiyi vaxtdan tərcüməçiliklə məşğul olmağa başlayır. Müasir Azərbaycan ədəbiyyatının fonduna daxil olan bədii əsərlərin əksəriyyətini, klassik poeziyadan və zəngin şifahi xalq ədəbiyyatından nümunələri yüksək səviyyədə hərfi tərcümə etmiş, beləliklə, bədii tərcümə ustalarına kömək etmişdir. M.S.Ordubadinin "Dumanlı Təbriz" romanını, A.Şaiqin, Mir Cəlalın hekayələrini, C.Cabbarlının "1905-ci ildə", "Od gəlini" pyeslərini, M.İbrahimovun "Həyat" pyesini, "Azərbaycan nağılları"nı, S.Vurğunun "Vaqif", "Fərhad və Şirin" mənzum dramlarını rus dilinə tərcümə etmişdir. 1934-cü ildən vəfat edənə qədər Azərbaycan Yazıçılar İttifaqında çalışmışdır. 1941-45-ci illərdə illər İkinci Dünya müharibəsində "Fədakar əməyə görə" medalı ilə təltif edilmişdir.

Tərcümələri[redaktə | əsas redaktə]

  • A.Barto. "Qardaşlar", (1931);
  • S.Fedarçenko "Sonunu kim tapa bilər?" (1931);
  • A.Barto "1 may" (1932);
  • A. və R.Barto "Ağlağan qız" (1938)

Mənbə[redaktə | əsas redaktə]

  • Teymur Əhmədov. Azərbaycan yazıçıları (XX-XXI yüzillikdə) ensiklopedik məlumat kitabı. Bakı: "Nurlar", 2011.

İstinadlar[redaktə | əsas redaktə]

  1. "Azərbaycan Dövlət Tərcümə Mərkəzi". 27 Jun 2019 tarixində orijinalından arxivləşdirilib. İstifadə tarixi: 2019-06-21.