Səfa Qəhrəmanov

Vikipediya, açıq ensiklopediya
Keçid et: naviqasiya, axtar
Səfa Qəhrəmanov
Doğum tarixi 30 mart 1949(1949-03-30)
Ağcabədi
Vəfat tarixi 5 may 2008

Səfa Qəhrəmanov - Azərbaycanın xalq artisti.

Həyatı[redaktə | əsas redaktə]

Səfa Qəhrəmanov 1949-cu il 30 mart-da Ağcabədi Rayonu Minəxorlu Kəndində anadan olub. 1978-ci ildə Asəf Zeynallı adına Bakı Musiqi Texnikumunun xanəndəlik şöbəsini, 1990-cı ildə isə Mirzağa Əliyev adına Azərbaycan Dövlət İncəsənət İnstitutunun mədəni–maarif işi fakültəsini bitirib. Hələ musiqi texnikumunda təhsil alarkən səhnə fəaliyyətinə başlayan Səfa Qəhrəmanov milli muğamlarımızı, xalq və bəstəkar mahnılarını məharətlə ifa edib. Səfa Qəhrəmanov 1992-ci ildən həm də Azərbaycan Dövlət Akademik Opera və Balet Teatrının muğam bölməsinin solisti idi. Teatrdakı on altı illik fəaliyyəti ərzində bir sıra milli operalarda - Üzeyir Hacıbəyovun “Leyli və Məcnun” operasında Məcnun, İbn Səlam, Məcnunun atası, Müslüm Maqomayevin “Şah İsmayıl” operasında Şah İsmayıl, Z.Hacıbəyovun “Aşıq Qərib” operasında Şeyx, V. Adıgözəlovun “Natəvan” operasında xanəndə, Niyazinin “Rast” baletində xanəndə kimi obrazlar yaradıb. Səfa Qəhrəmanov 2000-ci ildə əməkdar artist, 2006-cı ildə isə xalq artisti adına layiq görülüb.

5 may 2008-ci ildə vəfat edib.[1]

Mənbə[redaktə | əsas redaktə]

İstinadlar[redaktə | əsas redaktə]

  1. www.mediaforum.az