Səlim Səlimov
| Səlim Səlimov | |
|---|---|
| Səlimov Səlim İsmayıl oğlu | |
 | |
| Doğum tarixi | 11 oktyabr 1941 |
| Doğum yeri |
Xaçınyalı, Laçın rayonu,  Azərbaycan |
| Vətəndaşlığı |
Azərbaycan |
| Həyat yoldaşı | Gülarə Şəmistan qızı |
| Uşağı | Gülnarə |
| Atası | İsmayıl |
| Milliyyəti | azərbaycanlı |
| İxtisası | azərbaycan dili və ədəbiyyatı |
| Təhsili | Azərbaycan Dövlət Universiteti |
| Fəaliyyəti | Deputat |
Səlim İsmayıl oğlu Səlimov - Laçın rayonunun sosial-iqtisadi həyatının fəal iştirakçısı, Azərbaycan SSR Ali Sovetinin XII çağırış deputatı (1990-1995)
Həyatı[redaktə | əsas redaktə]
Səlim Səlimov 1941-ci il oktyabrın 11-də Laçın rayonunun Xaçınyalı kəndində anadan olub.
1963-cü ildə S.M.Kirov adına Azərbaycan Dövlət Universitetinin (indiki BDU) Azərbaycan dili və ədəbiyyatı fakültəsinə qəbul olmuşdur.
1969-cu ildə dilçi-ədəbiyyatçı, azərbaycan dili və ədəbiyyatı müəllimi ixtisası alaraq universiteti bitirmişdir.
1956-cı ildən ÜİLKGİ-nin, 1968-ci ilin yanvar ayından isə Azərbaycan KP-nın üzvü olmuşdur.
1973-1975-ci illərdə Bakı Ali Partiya Məktəbinin tam kursunu bitirmişdir.
1971-ci ildə 56 saylı seçki dairəsindən XIII çağırış, 1975-ci ildə 51 saylı seçki dairəsindən XIV çağırış, 1979-cu ildə 50 saylı seçki dairəsindən XV çağırış Laçın rayon zəhmətkeşlərin deputatları sovetinə deputat seçilmişdir.
Laçın rayon VII (1978), VIII (1980), IX (1983) partiya konfranslarının üzvü olmuşdur.
1971-1973-cü illərdə Azərbaycan ÜİLKGİ Laçın rayon Komsomolun katibi işləmişdir.
1981-ci ildə Azərbaycan SSR “Bilik” cəmiyyətinin üzvü olaraq mühazirəçi olmuşdur.
1986-1988-ci illərdə Azərbaycan KP Laçın rayon komitəsinin II katibi işləmişdir.
1990-ci ildə Azərbaycan Respublikasının Xalq deputatı seçilmiş və 1995-ci ilə qədər deputat olmuşdur.
1995-ci ildə rayon Xalq deputatları sovetinə deputat seçilmişdir.
1977-ci ildə “Slava oktyabr” döş nişanı, 3 oktyabr 1980-ci ildə “Əlaçı əməyə görə” döş nişanı, 1978-ci ildə ÜİLKGİ-nin “60 illik yubiley”i, 1988-ci ildə ÜİLKGİ-nin “70 illik yubiley”i ilə əlaqədar yubiley medalları, Səlim Səlimov Daxili İşlər Nazirliyinin “Əla xidmətə görə” medalı ilə təltif olunmuş, 5 may 1983-cü ildə Baş Leytenant rütbəsi almış və 1988-ci ilin fevral ayından 1 oktyabr 1991-ci ilədək könüllü özünü müdafiə dəstələrinin tərkibində erməni təcavüzkarlarına qarşı gedən döyüşlərdə iştirak etmişdir. Ona 17 fevral 2004-cü ildə “Müharibə veteranı” vəsiqəsi təqdim olunmuşdur.
Səlim Səlimov 1996-cı ildən təqaüdçüdür.
Mənbə[redaktə | əsas redaktə]
- Arif Məmmədli. "Hələ yaşamağa dəyər", "Laçın yurdu" jurnalı, №1(4), 2012, Bakı, "Bəxtiyar-4" nəşriyyatı, 2012. səh.24.
