Səməd Canbaxşiyev
| Səməd Canbaxşiyev | |
|---|---|
 | |
| Doğum tarixi | 19 mart 1972 (52 yaş) |
| Doğum yeri | |
| Mükafatları |
  |
 Vikianbarda əlaqəli mediafayllar | |
Səməd Canbağış oğlu Canbaxşiyev (19 mart 1972, Külüs, Şahbuz rayonu) — telejurnalist və aktyor.
Həyatı[redaktə | mənbəni redaktə et]
1972-ci il mart ayının 19-da Naxçıvan Muxtar Respublikası Şahbuz rayonunun Külüs kəndində anadan olub. 1990-cı ildə yaranan Naxçıvan Dövlət Kukla teatrının ilk aktyorlarındandır. 1992-ci ildə Azərbaycan Dövlət Mədəniyyət və İncəsənət Universitetinin teatr kollektivi rejissoru və eyni zamanda Bakı Dövlət Universitetinin jurnalistika fakültələrinə (qiyabi təhsil) daxil olub.1997-ci ildə ADMİU-nu və 1998-ci ildə BDU-nu bitirib. 1993-cü ildə Naxçıvanda yaranan və Zabitlər Evində fəaliyyət göstərən "Meloman şou" qrupu və "7 ULDUZ" Şən və Hazırcavablar klubunun yaradıcılarındandır.1996-cı ildən Naxçıvan Dövlət Musiqili Dram teatrında aktyor və rejissor assistenti kimi çalışıb. Kukla teatrında 20-yə qədər, Dram teatrda isə 15-ə qədər rol oynayıb.
2000-ci il dekabrın 30-da Naxçıvan MR Ali Məclisi Sədrinin sərəncamı ilə Naxçıvan MR-nın Əməkdar artisti fəxri adına layiq görülüb. 2001-ci ildən Naxçıvan Dövlət Teleradio Verilişləri Komitəsində redaktor və baş redaktor vəzifəsində çalışıb. 2003-cü ildən Lider tv-nin Naxçıvan üzrə xüsusi müxbiri olub. 2009-cu ildə Kukla teatrında "Cik-cik xanım" adlı nağıl pyesi səhnələşdirilib. 2009-cu ildən 2012-ci ildə qədər Naxçıvan Dövlət Universitetində telejurnalistikadan dərs deyib. 2011-ci ildə "Telejurnalistika dünyası" adlı dərsliyi nəşr olunub. 2013-cü ildən Cəlil Məmmədquluzadə adına Naxçıvan Dövlət Musiqili Dram Teatrında aktyor və 2014-cü ildən ədəbi hissə rəhbəri işləyir. 2015-ci ildə Tuncər Cücənoğlunun "Rəngsaz" komediyasına quruluş verib. 2016-cı ilin oktyabrından "Naxçıvanın səsi" radisounda redaktor işləyib. 2018-ci il aprel ayının 1-dən Naxçıvan Dövlət Telviziya və Radio Verilişləri Komitəsində "İnformasiya təminatı və saytlarla iş" redaksiyasında baş redaktor vəzifəsinə təyin edilib.
2018-ci il may ayının 15 -dən isə Naxçıvan Muxtar Respublikasının ilk rəsmi informasiya qurumu olan "Nuhçıxan" İnformasiya Agentliyinin baş redaktoru təyin edilib. 2020-ci ilin yanvarından oktyabr ayına qədər televiziyanın Xəbərlər readksiyasında baş redaktor işləyib. 2020-ci ilin oktyabr ayından Cəlil Məmmədquluzadə adına Naxçıvan Dövlət Musiqili Dram Teatrında direktor müavini təyin edilib.
6 may 2015-ci ildə Prezident Mükafatına layiq görülmüşdür.[1] 22 iyul 2020-ci ildə Azərbaycan Respublikası Prezidentinin Sərəncamı ilə "Tərəqqi" medalına layiq görülüb.
Yaradıcılığı[redaktə | mənbəni redaktə et]
Səməd Canbaxşiyev Naxçıvan Dövlət Musiqili Dram teatrında 1996-cı ildən Həmid Arzulunun "İtilənən xəncərlər" əsərində Akif, Rauf İçərişəhərlinin "Arzum çin oldu" komediyasında Danos, Nəriman Nərimanovun "Nadir şah " dramında Rzaqulu, Dərviş və Elçi Seyid Sitan, Ramiq Muxtarın "Şəhərli kürəkən" əsərində Qədir, V. Qubarevin "Sehirli yaylıq " nağıl-pyesində Təkgöz, Cəlil Məmmədquluzadənın "Danabaş kəndinin məktəbi"ndə Həsənəli Çavuş(tamaşa hazırlansa da premyerası olmayıb), Hüseyn Cavidin "Topal Teymur "unda (2000-ci il) Orxan, Hidayətin "Bu dünyanın adamları"nda Qoşqar Kəngərli, M.F. Axundovun "Lənkəran xanının vəzirində " Teymur ağa, Nəriman Həsənzadənin "Atabəylər" dramında Mahmud , Həsən Elsevərin "Koroğlu nəsli"ndə Səyahət, Həmid Arzulunun "Ərsizlər və arsizlar" komediyasında İranlı, İlyas Əfəndiyevin "Hökümdar və qızı" dramında Hüseynqulu xan rollarını oynayıb. 2005-ci ildən Lider tv nin müxbiri işlədiyi üçün teatrdan ayrılıb. Bu illərdə telejurnalistika ilə məşğul olub. 2013-cü ildə yenidən teatra qayıdandan sonra Çingiz Aytmatovun "Manqurt" facisəsində Əyyaş Kürəkən, Əli Əmirlinin "Ağa Məhəmməd Şah Qacar " facisəində Şah Qacar, Nəriman Nərimanovun "Nadir şah"ında Mirzə Mehdi, Həmid Arzulunun "Əlincə qalası" əsərində Rəşid, Tuncər Cücənoğlunun "Rəngsaz"ında Polis və Tüfəngli kişi, İftixarın "Qurtuluş dastanı"nda Xalq şairi, Deputat və Jurnalist, Adil Babayevin "Koroğlunun Çənlibelə qayıdışı"nda Güloğlan, Həsənəli Eyvazlının "Araz sahilində doğan günəş" əsərində Mustafa Kamal Atatürk, Hüseyn Cavidin "İblis" dramında Elxan, N.V. Qoqolun "Müfəttiş" komediyasında Xlestakov, H.Cavidin "Topal Teymur"unda (2022-ci il) Şair Kirmani obrazlarını canlandırıb.
İstinadlar[redaktə | mənbəni redaktə et]
- ↑ "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı". 2018-12-27 tarixində arxivləşdirilib. İstifadə tarixi: 2015-09-01.