Sərxoş mələk (film, 1948)

Vikipediya, azad ensiklopediya
Jump to navigation Jump to search
Sərxoş mələk
醉いどれ天使
Sərxoş mələk (film, 1948).jpg
Janr dram filmi[1][2]
Rejissor
Prodüser Sociro Motoki
Ssenari müəllifi Akira Kurosava, Keynosuke Uequsa
Baş rollarda Takaşi Şimura, Toşiro Mifune, Reyzaburo Yamamoto, Noriko Senqoku
Operator
Bəstəkar Fumio Hayasaki, Ryoiçi Hattori
İstehsalçı Toho Studios
İlk baxış tarixi 27 aprel 1948
Rəng rəngsiz
Vaxt 98 dəq.
Ölkə
Dil yaponca
Commons-logo.svg Vikianbarda əlaqəli mediafayllar

Sərxoş mələk (酔いどれ天使 Yoidore Tenshi?)Akira Kurosavanın rejissorluğu ilə çəkilmiş 1948-ci il istehsalı Yaponiya yakuza filmi. Əsas rollarda Toşiro MifuneTakaşi Şimura çıxış edirlər. Film İkinci dünya müharibəsindən sonra fəaliyyət göstərən sərxoş həkimdən bəhs edir. Toşiro Mifunenin çəkildiyi ilk Kurosava filmidir.

Məzmun[redaktə | əsas redaktə]

Müharibədən yenicə çıxmış Yaponiyada yaşayan Sanada (Takaşi Şimura) sərxoş, lakin hamıya kömək etməyəcə can atan həkimdir. Buna görə də hamı ona sərxoş mələk deyir. Ətrafda yaşayan tanınmış yakuzalardan olan Matsunaqa (Toşiro Mifune) bir gün onun yanına gəlir və Sanada ona vərəm diaqnozu qoyur. Sanada onu sağaltmaq istəsə də, Matsunaqa vəziyyəti qəbul etmək istəmir. Hekayə Matsunaqanın vərəmlə mübarizəsi və onun yakuza statusuna təsirindən bəhs edir.

Rollarda[redaktə | əsas redaktə]

İstehsal[redaktə | əsas redaktə]

Çəkilişlərdən öncə Matsunaqa rolu üçün aktyor axtaran Kurosavaya başqa bir filmdə əsəbi personajı oynayan Mifuneni təklif etmişdilər. Mifunenin performansından təsirlənən Kurosava dərhal onu filmə cəlb etmişdir. Kurosavanın Mifuneni seçmə səbəblərindən biri də onun akrobatik hərəkətləri idi. Bu, Mifunenin oynadığı sayca 4-cü filmi idi.

Film realistik ünsürlərdən ilhamlanıb. İdeya Kurosavanın Tokioda lisenziyasız işləyən sərxoş bir həkimlə qarşılaşmasından sonra ortaya çıxıb. İlkin ssenaridə demək olar ki, ancaq Sanadaya yer verilmişdi. Amma Kurosava Mifunenin performansından gördükdən sonra personajının rolunu artırmışdı.

"Sərxoş mələk" ABŞ-ın Yaponiya işğalı dövründə çəkildiyi üçün senzuraya qalan film olmuşdur.[4] O dövrdə Yaponiyada filmlərində ABŞ işğalını tənqid etmək qadağan idi. Senzuradan keçməsi üçün Kurosava filmdə bir çox dəyişiklik etməyə məcbur qalmışdı və ondan sonra filmi senzuradan keçirə bilmişdi. Məsələn, açılış səhnəsində ABŞ əsgərlərinə yaxınlanaşan "pan pan" adlanan yapon fahişələrin səhnəsini kəsmişdi. Kurosavaya yandırılmış binanı da filmdə göstərməyə qoymadılar, lakin əvəzində rayonun mərkəzindəki zəhərli gölməçəni göstərə bilmişdi. İngilis dilində lövhələrə icazə olmasa da, bəzi səhnələrdə bu cür lövhələri görmək mümkündür. Lakin bir rəqs səhnəsində orijinal "Jungle Boogie" mahnısına yazdığı sözlərdə Amerikan cazzını tənqid edirdi. Senzuraçılar çox məşğul olduqlarından bunu gözdən qaçırmışdılar.[5][5]

Filmin çəkilişləri gedən zaman Akiranın atası ölmüşdü.

Qəbul[redaktə | əsas redaktə]

Film Rotten Tomatoes-dən 93%-lik reytinq alıb.[6] Mark Şillinq "Yakuza filmi kitabı: Yaponiya qanqster filmlərinə giriş" adlı kitabında bu filmi müharibədən sonra çəkilmiş ilk yakuza filmi olduğunu bildirir. Lakin filmin ümumi yakuza elementlərinə malik olmadığını bildirmişdir.[7]

İstinadlar[redaktə | əsas redaktə]

  1. 1,0 1,1 http://www.imdb.com/title/tt0040979/
  2. 2,0 2,1 http://decine21.com/Peliculas/El-angel-ebrio-6112.asp?id=6112
  3. http://stopklatka.pl/film/pijany-aniol
  4. The Criterion Collection | Drunken Angel by Akira Kurosawa | Special Features
  5. 5,0 5,1 From the documentary, Kurosawa: It Is Wonderful to Create, available on The Criterion Collection DVD.
  6. «Drunken Angel (1948)», https://www.rottentomatoes.com/m/drunken_angel. İstifadə tarixi: 2019-07-03
  7. (2003) The Yakuza Movie Book : A Guide to Japanese Gangster Films. Stone Bridge Press, 314. ISBN 1-880656-76-0.

Xarici keçidlər[redaktə | əsas redaktə]

Vikianbarda Sərxoş mələk (film, 1948) ilə əlaqəli mediafayllar var.