Səttar Zərdablı

Vikipediya, azad ensiklopediya
Jump to navigation Jump to search
Səttar Zərdablı
Səttar Mahmud oğlu Zərdablı
Səttar Zərdablı.jpg
İlk adı Səttar Zərdablı
Təxəllüsü Səttar Zərdabi
Doğum tarixi 5 may 1937(1937-05-05)
Doğum yeri Zərdab, Allahqulubağı
Vəfat tarixi 29 oktyabr 2014(2014-10-29)
Vəfat yeri Bakı
Dəfn yeri Zərdab, Allahqulubağı
Vətəndaşlığı Azərbaycan AzərbaycanSSRİ SSRİ
Milliyyəti azərbaycanlı
Təhsili M.A.Əliyev adına Azərbaycan Dövlət İncəsənət İnstitutu
Fəaliyyəti şair[1]

Səttar Zərdablı (Tam adı: Səttar Mahmud oğlu Zərdablı; d.5 may 1937, Zərdab, Allahqulubağı - ö.29 oktyabr 2014, Bakı) — şair, publisist, ssenari müəllifi. Kino redaktoru. Azərbaycan Yazıçılar Birliyinin üzvü (1977)[2]

Həyat və fəaliyyəti[redaktə | əsas redaktə]

Səttar Zərdablı 1937-ci ilin mayın 5-də Zərdab rayonunun Allahqulubağı kəndində anadan olub. M.Qirki adına Zərdab orta məktəbini bitirəndən sonra 1957-1959-cu illərdə Bakı Mədəni Maarif Texnikumunun mədəni-maarif şöbəsində, 1959-cu ildə isə M.A.Əliyev adına Azərbaycan Dövlət İncəsənət İnstitutunun mədəni-maarif fakültəsində təhsil almışdır. 1964-1979-ci illərdə patiyanın XXII qurultayı adına Bakı Neftayırma zavodunun klubuna bədii rəhbər, Azərbaycan Yazıçılar Birliyinin Natavan adına klubunda müdir, Aşıq Ələsgər adına Respublika Xalq Yaradıcılığı Evində məsləhətçi, "Mozalan" satirik kinojurnalında redaktor olmuşdur. 1981-ci ildə "Kirpi" satirik jurnalının felyetonlar şöbəsinin əməkdaşı, 1992-ci ildə "Mozalan" mestəqil ictimai-siyasi satirik qəzetinin felyetonlar şöbəsinin müdiri vəzifələrində çalışmış, 1994-cü ildən "Güzgü" qəzetinin baş redaktoru olmuşdur. 1992-ci ildə H.Zərdabi Dünya Azərbaycanlıları Xeyriyyə Cəmiyyətinin prezidenti olmuş şair öz şəxsi maşınını sataraq Həsən bəy Zərdabinin qəbrini düzəltdirmiş,[3] eyni zamanda Terrora Qarşı Beynəlxalq İdeoloji Mübarizə Mərkəzinin sədri olmuşdur.[4]

İlk şeiri olan "Şəlalə" adlı qoşma 1958-ci ildə "Azərbaycan Gəncləri" qəzetində çap olunmuşdur. Onun yaradıcılığında " Lenin haqqında nəğmələrim" silsilə şeirlər başlıca yer tuturdu. "Canımov qol çəkir", "Ərimi qaçırıblar", "Şəhərdə dəyyus var", "İt həkimi lazımdır", "Dilbər xanım qayınatamdır", "Nankorlar", "Aydan gələn oğlan" və başqa komediyaları dövlət və xalq teatrı səhnələrində oynanılmışdır. Həsən bəy Zərdabi çoxseriyalı bədii-sənədli filminin, "Durnalar qayıdır", "Qorbaçovun qudası" kinokomediyalarının senaristidir. 1977-ci ildə Azərbaycan Yazıçılar Birliyinə üzv olan S.Zərdablı son illərdə fəaliyyətinin böyük bir hissəsini Həsən bəy Zərdabi irsinin təbliğinə həsr etmiş, 2014-cu ilin 29 oktyabrında 77 yaşında vəfat etmişdir.[5][6]

Musiqi bəstələnmiş şeirləri[redaktə | əsas redaktə]

Əsərləri[redaktə | əsas redaktə]

  • "Çiçək sərgisi" (1968);
  • "Ucalıq" (1973);
  • "Mən gəncliyəm" (1978);
  • "Lenin haqqında nəğmələrim" (1980);
  • "Bayraqdarımız Lenin" (1982);
  • "Lenin haqqında nəğmələrim" (1988)

Filmoqrafiya[redaktə | əsas redaktə]

  1. Defisit qliserin (film, 1975)
  2. Qıfıllı istirahət ocağı (film, 1975)
  3. Putyovka (film, 1975)
  4. Qunduzdan söhbət açaq (film, 1976)
  5. Baldızoğlu (film, 1977)
  6. Həsənbəy Zərdabi (film, 1992)

Həmçinin bax[redaktə | əsas redaktə]

Portalkino.jpg
Azərbaycan kino sənəti portalı

Xarici keçidlər[redaktə | əsas redaktə]

Ədəbiyyat[redaktə | əsas redaktə]

  • Teymur Əhmədov. Azərbaycan yazıçıları (XX-XXI yüzillikdə) ensiklopedik məlumat kitabı; "Nurlar", Bakı - 2011

İstinadlar[redaktə | əsas redaktə]

  1. "Azərbaycan yuazıçıları". 27 Jun 2019 - 27 Jun 2019 tarixində orijinalından arxivləşdirilib. İstifadə tarixi: 2019-07-15.
  2. "İki Səttarın Azərbaycan Sevgisi". 23 Jul 2019 tarixində orijinalından arxivləşdirilib. İstifadə tarixi: 2019-07-15.
  3. "Milli Mətbuat Günü və Zərdabinin basdırılmayan sümükləri". İstifadə tarixi: 2019-07-15. (#archive_url)
  4. ""Terror bəşəriyyətin düşmənidir" mövzusunda konfrans keçirilmişdir". 23 Jul 2019 tarixində orijinalından arxivləşdirilib. İstifadə tarixi: 2019-07-15.
  5. "Zərdabi davamçısı baş redaktor vəfat edib". 21 Mar 2015 tarixində orijinalından arxivləşdirilib. İstifadə tarixi: 2019-07-15.
  6. "Settar Zerdabi (1937 - )". 23 Jul 2019 tarixində orijinalından arxivləşdirilib. İstifadə tarixi: 2019-07-15.