Sabir Əliyev (həkim)

Vikipediya, azad ensiklopediya
Jump to navigation Jump to search
Sabir Əliyev
Sabir Cahan oğlu Əliyev
Sabir Əliyev (həkim).JPG
Doğum tarixi 1944
Doğum yeri
Vətəndaşlığı SSRİ SSRİ
Azərbaycan Azərbaycan
Milliyyəti azərbaycanlı
Elmi dərəcəsi tibb elmləri doktoru (1992)
Elmi adı professor (1993)
İş yeri Azərbaycan Tibb Universiteti
Təhsili
Mükafatları "Azərbaycan Respublikasının əməkdar elm xadimi" fəxri adı — 2010 "Azərbaycan Respublikasının əməkdar müəllimi" fəxri adı — 2000
"Tərəqqi" medalı — 2007
Commons-logo.svg Vikianbarda əlaqəli mediafayllar

Sabir Cahan oğlu Əliyev (1944, Əmirxeyir, Çəmbərək rayonu) — Azərbaycan Tibb Universitetinin tədris işləri üzrə prorektoru (2001-indi), tibb elmləri doktoru (1992), professor (1993); "Tərəqqi" medalı laureatı (14 iyun 2007)[1], Azərbaycan Respublikasının əməkdar elm xadimi (20 sentyabr 2010)[2]

Həyatı[redaktə | əsas redaktə]

Sabir Əliyev 1944-cü ildə Çəmbərək rayonunun Əmirxeyir kəndində anadan olub. 1961-ci ildə Gölkənd kənd orta məktəbini qızıl medalla bitirmişdir[3].

1967-ci ildə N.Nərimanov adına Azərbaycan Dövlət Tibb İnstitutunun müalicə-profilaktika fakultəsini bitirib. Təyinatla Naftalan sanatoriyasında həkim-ordinator, sonra müalicə işləri üzrə şöbə müdiri təyin olunub.[4]

Elmi fəaliyyəti[redaktə | əsas redaktə]

1969-1972-ci illərdə N.Nərimanov adına Azərbaycan Dövlət Tibb İnstitutunda patoloji fiziologiya kafedrasında aspirantura keçıb. 1973-ci ilin mart ayında namizədlik dissertasiyasını müdafiə edib. 1972-ci ildə kafedrada assistent, 1973-cü ildə baş müəllim, 1976-cı ildə isə dosent vəzifəsinə seçilib. Uzun illər kafedranın tədris hissə müdiri vəzifəsində çalışıb. 1992-ci ildə doktorluq dissertasiyası müdafiə edib. 1993-cü ildə həmin kafedranın professoru vəzifəsinə seçilib. 1994-cü ildə AAK tərəfindən patofiziologiya ixtisası üzrə professor elmi adına layiq görülüb. 1999-2001-ci illərdə I MPF-nin dekanı işləyib.[4]

Sabir Əliyevin ATU-nun qonağı ilə görüşü

2001-ci ilin fevral ayında patoloji fiziologiya kafedrasının müdiri vəzifəcinə seçilib, həmin ilin may ayında isə universitetin tədris işləri üzrə prorektoru vəzifəsinə təyin olunub.[4]

Azərbaycan Respublikasının Təhsil Nazirliyində fəaliyyət göstərən "Tibbi-nəzəri bölmə"nin, universitetin Mərkəzi Metodik Komissiyasının və “anatomiya, patofiziologiya, biokimya, farmakologiya” üzrə ixtisaslaşmış Müdafiə Şurasının sədridir. Universitetin Böyük Elmi Şurasının və pediatriya fakultəsinin Elmi Şurasının, Azərbaycan Tibb jurnalı Redaksiya Şurasının və AMEA-da “Tibb” şurasinin üzvüdür.[4]

1992-ci ildən YAP-ın üzvü və universitetin YAP təskilatinin sədridir.[4]

27 fevral 2008-ci ildə Türk Dünyası Araşdırmaları Uluslararası İlimlər Akademisi tərəfindən Tibb bölümü üzrə akademik seçilib.[4]

306 elmi əsərin, 6 dərsliyin, 4 dərs vəsaitinin, 4 elmi-populiyar brosuna, dünyada ilk dəfə 3 dildə (azərbaycan, rus, ingilis) cap olunan patofizioloji atlas elektron-dərslik kitabının, bir neçə tədris-metodik vəsaitin müəllifidir.[4]

Rəhbərliyi altında 12 namizədlik dissertasiyası müdafiə olunmuş, 5 namizədlik və 4 doktorluq dissertasiyalari üzərində elmi-tədqiqat işləri davam etdirilir.[4]

Mükafatları və təltifləri[redaktə | əsas redaktə]

1986-cı ildə “Səhiyyə əlaçısı”, 2000-ci ildə "Respublikanın əməkdar müəllimi" fəxri adlarına layiq görülüb. 2004-cü ildə Səhiyyə Nazirliyinin Fəxri Fərmanı ilə, 14 iyun 2007-ci ildə isə "Tərəqqi" medalı ilə təltif olunub.[1]

6 mart 2009-cu ildə isə həmin akademiya tərəfindən "Türk dünyasına hizmetlerindən dolayı uluslararası altun yıldız" medalı ilə təltif olunub.[4]

15 dekabr 2009-cu ildə Birləşmiş Millətlər Təşkilatının (BMT) Beynəlxalq Mükafatlar Komitəsinin Elm və Tədris sahəsində qazandıgı nailiyyətlərə görə Avropa “Şərəf və Vicdan” ordeni ilə təltif olunmusdur.[4]

12 may 2010-cu ildə Avropa Akademiyası tərəfindən Nikolay Piroqov ordeni ilə təltif olunmusdur.[4]

20 sentyabr 2010-cu ildə Azərbaycan Respublikası Prezidenti İlham Əliyevin sərəncamı ilə Azərbaycan Respublikasının əməkdar elm xadimi fəxri adı almışdir.[2]

24 dekabr 2011-ci ildə Beynəlxalq təltiflər ittifaqi tərəfindən "Hippokrat" ordeni ilə təltif olunmusdur.[4]

26 mart 2014-cü ildə Türk Dünyası Araşdırmaları Uluslararası İlimlər Akademisi tərəfindən Tibb bölümüne üstün hizmetlerinden dolayi "İbn-İ-Sina" diplomu ilə təltif olunub.[4]

Kitabları[redaktə | əsas redaktə]

Elmi kitabları[redaktə | əsas redaktə]

  1. Rusca-azərbaycanca tibbi patoloji terminlər lüğəti. Bakı, "Təbib", 1996.
  2. Новые иммуномодуляторы растительно-го происхождения. Интер. Иммуно-реабил. — М., 1996.
  3. Kütləvi Tibb Ensklopediyası. Bakı, "Azərbaycan Ensklopediyası" Nəşriyyatı Poliqrafiya birliyi, 2000.
  4. Patoloji fiziologiyadan təcrübi dərs vəsaiti. Bakı, 2004
  5. Tibbi biliklərin əsasları. Bakı, ATU, 2004. 483 səh.[5]
  6. Patoloji fiziologiyadan situasiya məsələləri. Bakı, 2004
  7. Patoloji fiziologiyadan tədris proqramı. Bakı, 2005.
  8. Patoloji fiziologiyadan atlas. Dərslik 3 ciliddə. Bakı, "Azərbaycan Neşriyyatı", 2008. 468 səh.
  9. Patoloji fiziologiyadan testlər. Dərslik 3 ciliddə. Bakı, "Təbib Nəşriyyatı", 2011.
  10. Tibbi biliklərin əsasları Dərslik. Bakı, "Təbib Nəşriyyatı" 2013. 519 səh.
  11. Müasir tibbi təhsilinin əsasları. Kitab. Bakı, "Bilik Nəşriyyatı", 2014.

Bədii-publisistik kitabları[redaktə | əsas redaktə]

  1. El atası və varisi. Bakı 2003.

İstinadlar[redaktə | əsas redaktə]

  1. 1 2 "Azərbaycan Respublikasının səhiyyə işçilərinin "Tərəqqi" medalı ilə təltif edilməsi haqqında Azərbaycan Respublikası Prezidentinin 14 iyun 2007-ci il tarixli, 2224 saylı Sərəncamı" (azərb.). e-qanun.az. 14 iyun 2007. İstifadə tarixi: 2015-05-11.
  2. 1 2 "Azərbaycan Tibb Universitetinin əməkdaşlarına fəxri adların verilməsi haqqında Azərbaycan Respublikası Prezidentinin 20 sentyabr 2010-cu il tarixli Sərəncamı" (azərb.). president.az. 20 sentyabr 2010. İstifadə tarixi: 2015-05-11.
  3. "Sabir Əliyev (Professor)" (azərb.). qaraqoyunlu.com. İstifadə tarixi: 2015-05-12.[ölü keçid]
  4. 1 2 3 4 5 6 7 8 9 10 11 12 13 "Azərbaycan Tibb Universiteti Patoloji fiziologiya kafedrası: kafedra müdiri, əməkdar elm xadimi, professor Sabir Cahan oğlu Əliyev" (azərb.). amu.edu.az. 2014. İstifadə tarixi: 2015-05-11.
  5. Azərbaycan Milli Kitabxanası: Səhiyyə. Tibb elmləri

Xarici keçidlər[redaktə | əsas redaktə]

Vikianbarda Sabir Əliyev (həkim) ilə əlaqəli mediafayllar var.

Vikikitabda Sabir Əliyev (həkim) ilə əlaqəli kitablar var.

Vikisitatda Sabir Əliyev (həkim) ilə əlaqəli məlumatlar var.