Sailor Moon Crystal seriyalarının siyahısı

Vikipediya, azad ensiklopediya
Jump to navigation Jump to search
SMCrystal.png
DVD üz şəkli
Anime serialının posteri
ÖlkəYaponiya Yaponiya
Seriya sayı39
Ekranlaşdırma
Orijinal kanalNiconico
Tokyo MX
Orijinal efir5 iyul 2014 (2014-07-05) – 18 iyul 2015 (2015-07-18)
(Niconico)
4 aprel 2016 (2016-04-04) – 27 iyun 2016 (2016-06-27)
(Tokyo MX)
Mövsüm xronologiyası
← Əvvəlki
-
Sonrakı →

Sailor Moon Crystal2014-cü ildən şoco manqa seriyası olan "Seylor Mun" manqasının 20 illik yubileyi münasibəti ilə yayımlanan ONA seriyası.[1] Toei Animation tərəfindən hazırlanan, Munehisa Sakai və Çiaki Konun rejissoru olduğu anime serialının ilk iki mövsümü 5 iyul 2014-cü ildən 18 iyul 2015-ci ilə kimi Niconico vasitəsilə bütün dünyada yayımlanmışdır və manqanın ilk 26 fəslini əhatə etmişdir.[2][3] 2015-ci ilin sentyabrında Toei Animation üçüncü mövsümü istehsal etdiyini açıqlamışdır. Anime serialının üçüncü mövsümü "Ölüm həvariləri" adı ilə tanınır[4] və manqadakı "Sonsuzluq" hekayəsinə əsaslanır. Üçüncü mövsümün ilk seriyası 6 mart 2016-cı ildə Tokiodakı "Animate Ikebukuro" mağazasında nümayiş etdirilmişdir.[5] Üçüncü mövsüm 4 aprel 2016-cı ildən 27 iyun 2016-cı ilə kimi Tokyo MX kanalında yayımlanmışdır.[6][7][8]


Mövsümlər[redaktə | əsas redaktə]

Mövsüm Seriyalar Yapon İngilis
1 I mövsüm: Qaranlıq Krallıq (2014–15) 14 (1-14) 5 iyul 2014 – 17 yanvar 2015 20 noyabr 2015 – 12 fevral 2016
2 II mövsüm: Qara Ay (2015) 12 (15-26) 7 fevral 2015 – 18 iyul 2015 19 fevral 2016 – hazırda
3 III mövsüm: Ölüm həvariləri (2016) 13 (27-39) 4 aprel 2016 – 27 iyun 2016 məlum deyil

Seriyalar[redaktə | əsas redaktə]

I mövsüm: Qaranlıq Krallıq (2014-2015)[redaktə | əsas redaktə]

No. Azərbaycanca adı
Yaponca adı
Rejissor Ssenari müəllifi Animasiya rejissoru İlk efir tarixi
1 "Usaqi –Seylor Mun–"
"Usagi –Sērā Mūn–" (うさぎ –Sailor Moon–)
Munehisa SakaiYuci KobayaşiKuzue Komatsu
Yukie Sako
5 iyul 2014 (2014-07-05)

8-ci sinifdə oxuyan 14 yaşlı Usaqi Tsukino anası tərəfindən məktəbə gec oyandırılır. Təm-tələsik geyinərək məktəbə tələsir. Yolda özünü danlayarkən bir pişiyə basıb yıxılır. Usaqi onun alnına plastr yapışdırıldığını görür və onu çıxarır. Çıxaran kimi pişik onun əlindən qaçır və onu qəribə süzür. Usaqi onun alnında aypara simvolunun olduğunu görür. Bir anda nə ilə məşğul olduğunu düşünüb yenə məktəbə tələsir. Bunlar baş verərkən Qaranlıq Krallıqdan Əfsanəvi Gümüş Kristalı tapmaq üçün məxluq göndərilir.

Məktəbə gec qaldığına görə Usaqi məktəb dəhlizində gözləyir. İngilis dili müəllimi Haruda onu gecikdiyinə görə danlayır, üstəlik imtahandan 30 xal aldığını bildirir və ona qəzəblənir. Usaqinin yaxın dostu Naru ona təskinlik verir. Qızlar ilə söhbətdə Usaqi Seylor V adlı qəhrəman və son zamanlar baş verən dəyərli daş-qaş soyğunları haqqında eşidir.

Usaqi qızlar ilə Narunun anasının zərgərlik dükkanına yollanırlar. Usaqi imtahandan zəif aldığı üçün ailəsinin ona nəsə almayacağına görə təəssüflənir. Bu zaman Mamoru Çiba ilə rastlaşır. O da Əfsanəvi Gümüş Kristalın arxasınca düşüb.

Usaqi video oyun salonuna yollanır. Burada səhər gördüyü pişiyi yenə görür. Sonra evə gedir. Amma anası imtahana görə ona qəzəblənib cəzalandırır. Hər şeydən yorulan Usaqi yatır. Bu zaman səhər gördüyü pişik onu oyandırır və onunla danışmağa başlayır. Özünü Luna kimi təqdim edir. Usaqi bunu yuxu hesab edir. Luna ona sehirli pudra qabı verir və ondan "Ayın gücü, toplan!" qışqırmasını istəyir. Usaqi Seylor Muna çevrilir.

Bu zaman Narunun anasının Qaranlıq Krallıqdan göndərilmiş məxluq olduğu və insanlara satdığı daş-qaşla enerjilərini aldığı məlum olur. Seylor Mun onun köməyinə gəlir. Taksedo Mask da oradadır. Seylor Mun əvvəlcə çətinlik çəkir, amma onun köməyi ilə məxluqu məğlub edir. 
2 "Ami –Seylor Merkuri–"
"Ami –Sērā Mākyurī–" (亜美 –Sailor Mercury–)
Hiroyuki SatoYuci KobayaşiMiho Tanaka
Yumiko İşli
Yukie Sako
19 iyul 2014 (2014-07-19)

Usaqi Tskuno ilə eyni məktəbdə oxuyan, həm də Kristal Seminariyasına gedən Ami Mizuno məktəbin ən ağıllı şagirdi olsa da, heç kim onunla dost olmur. Bu zaman Qaranlıq Krallıqda Kraliça Beril Cedaytdan tez Əfsanəvi Gümüş Kristalı tapmasını istəyir. Cedayt növbəti məxluqu Tokioya göndərir.

Luna Usaqiyə onun komanda yoldaşlarının tapmalı olduğunu deyir, bundan sonra şəhzadələrini tapıb qorumaq daha asan olacaqdır. Luna növbəti Seylor döyüşçüsünün Ami olduğundan şübhələnir.

Məktəbdən qayıdarkən Luna Amiyə yaxınlaşır. Ami onu oxşamağa başlayır və Usaqi də bunu görür. Aralarında qısa söhbət olur. Usaqi video oyun salonuna getməyi təklif edir və Ami də bunu qəbul edir. Oyun salonunda Aminin video oyunlarda uğurlu olduğu məlum olur. Usaqi və Ami yavaş-yavaş dost olurlar.

Aminin getdiyi Kristal Seminariyasının direktoru əslində məxluqdur. Şagirdlərə disk izlətdirərək onların beyinlərini yıxayır, enerjilərini alır. Ami də onun qurbanı olur. Onun qəribə hərəkətlərindən şübhələnən Usaqi və Luna seminariyaya gedirlər və hər şeyin üstünü açırlar. Usaqi Seylor Muna çevrilir, amma məxluq onu sıxışdırır. Ami özünə gəlib "yox" deyə qışqırır və alınında Merkuri planetinin astronomik işarəsi ortaya çıxır. Ami Seylor Merkuriyə çevrilir. Köməyə Taksedo Mask da gəlir. Üçü məxluqu məhv edirlər.

Ami Seylor Merkuri olduğuna inana bilmir. Luna bütün sirlərini və vəzifələrini ona başa salır. Ami və Usaqi bir-birilərinə həmişə yaxın dost olacaqlarına söz verirlər. 
3 "Rey –Seylor Mars–"
"Rei –Sērā Māzu–" (レイ ––Sailor Mars––)
Yoko İkedaYuci KobayaşiHiromi İşiqami
Kozue Komatsu
Yukie Sako
2 avqust 2014 (2014-08-02)

Qaranlıq Krallıqda Böyük dördlüyün iki uğursuz cəhdi Kraliça Berili əsəbləşdirir. Buna görə də Seylor döyüşçülərini dayandırmağı, Əfsanəvi Gümüş Kristalı tapmağı və Kraliça Metariya üçün insan enerjisini toplamağı Cedayta tapşırır.

Bu zaman Tokioda Usaqi məktəbdə "Lənətli Saat 6 Avtobusu" haqqında eşidir. Guya Sendayzakadan keçən xəttə saat 6-da minənlər avtobusla birlikdə yoxa çıxırlar.

Usaqi Amini Kristal Seminariyasına yola salır. Ami ondan hər dəfə avtobusda gördüyü gözəl qızdan bəhs edir və üzərindəki uniformadan TA Qızlar Məktəbinə getdiyini fərz edir. Usaqi də onunla avtobusa minir və Ami ona qızı göstərir. Usaqi qızın gözəlliyinə heyran qalır. Bu qızın adı Reydir. Rey avtobusdan düşən kimi Usaqi də Luna ilə onun dalınca gedir. Rey şintoizm məbədinə daxil olur. Qarğaları Fobos və Deymos Usaqiyə hücum çəkir və Rey onu şər ruh hesab edib ona ofuda tullayır. Rey ondan üzr istəyir və özünü tanıtdırır. Özünün şintoizm rahibəsi və psixi güclərə sahib olduğunu bildirir.

Luna Ami və Usaqiyə əlaqə saxlamaq üçün saatlar verir və Reyin Seylor döyüşçüsü və ya axtardıqları şəhzadə olduğundan şübhələnir. Buna görə də Usaqi onu yenə ziyarət edir. Usaqi Reyin 3 qadınla gərgin söhbət etdiyini görür. Tez-tez məbədin yanında Reylə oynayan və "Lənətli Saat 6 Avtobusu"nda itən Miy adlı qızın yaxınları Reydən kömək istəyirlər, amma Rey bunu bacarmadığını deyir. Rey piromaniya ilə məşğul olaraq bir şər ruhun Usaqiyə zərər verəcəyini görür. Buna görə Usaqinin arxasınca düşür. Amma Cedayt onu "Lənətli Saat 6 Avtobusu" ilə qaçırır.

Usaqi bunu görüb avtobusun dalınca naməlum yerə gəlir. Burada bir çox insanın Cedayt tərəfindən əsir alındığını görür və Usaqi Seylor Muna çevrilir. AmiSeylor Merkuriyə çevrilir və Luna ilə Cedaytla döyüşə gəlir. Amma Seylor Mun və Seylor Merkurinin əlləri Cedayt tərəfindən dondurulur. Rey ona mane olmaq istəyir və alnında Mars planetinin astronomik işarəsi peyda olur. Lunanın köməyi ilə Rey Seylor Marsa çevrilir və Cedaytı məğlub edərək Seylor Mun, Seylor Merkuri, Miy və digərlərini xilas edir. 
4 "Maskarad Rəqs Qonaqlığı"
"Masukarēdo –Kamen Butōkai–" (Masquerade –仮面舞踏会–)
Hiroyuki SatoMutsumi İtoYasuhiro Namatame
Ken Ueno
Yukie Sako
16 avqust 2014 (2014-08-16)

Usaqi məktəbə gedərkən yolların ciddi mühafizə olunduğunu görür. Məktbədə qızlarla söhbətdən Tokioya D Krallığından Şəhzadə D-nin gələcəyini, axşam qonaqlığın təşkil olunacağını və Əfsanəvi Xəzinənin sərgilənəyini xəbər alır. Bunu eşidən Luna video oyun salonunda Usaqi, Ami və Reylə birlikdə iclas təşkil edir. Şəhzadə D-nin axtardıqları şəhzadə, sərgilənəcək Əfsanəvi Xəzinənin Əfsanəvi Gümüş Kristal ola biləcəyini bildirir.

Axşam Usaqi, Ami və Rey qonaqlığa yollanırlar. Rey və Ami ətrafa nəzarət etdikləri halda, Usaqinin başı qonaqlığa qarışır. Bir anda vəzifəsini unudub rəqs etmək istəyir. Əvvəl partner tapa bilmir, amma Mamoru Çiba ona rəqs etməyi təklif edir. Usaqi də bu təklifi qəbul edir və onlar rəqs etməyə başlayırlar.

Bu zaman Şəhzadə D-nin köməkçisi onu ayrı otağa aparır. Əslində isə o Əfsanəvi Gümüş Kristalı tapmaq üçün göndərilmiş, Sitennonun biri Nefritdir. Nefrit ondan Əfsanəvi Xəzinəni oğurlamaq istəyir. Rey və Ami otağa daxil olurlar. Nefrit Şəhzadə D-nin zehnini ələ keçirib Əfsanəvi Xəzinəni oğurlamasını istəyir. Şəhzadə D qaçmaq istəyəndə Ami, Rey və Usaqi Seylor Merkuri, Seylor Mars və Seylor Muna çevrilirlər. Seylor Munun köməyinə Taksedo Mask (əslində Mamoru Çibadır) da gəlir. Seylor Mun Şəhzadə D-nin içindəki şər ruh məhv edir. Bu zaman Böyük dördlüyün üzvləri gəlib çıxırlar və özlərini tanıtdırırlar: Nefrit, Cedayt, Zoysayt və Kunsayt. Seylor döyüşçülərinə onları dayandıra bilməyəcəklərini deyirlər və yoxa çıxırlar. Əfsanəvi Xəzinə xilas olunur.

Şəhzadə D özünə gəlir, Əfsanəvi Xəzinəni ictimaiyyətə nümayiş etdirir. Əfsanəvi Xəzinənin Əfsanəvi Gümüş Kristal deyil, sadəcə almaz heykəl olduğu məlum olur. 
5 "Makoto –Seylor Yupiter–"
"Makoto –Sērā Jupitā–" (まこと –Sailor Jupiter–)
Takahide OqataMutsumi İtoNaoko Kuvabara
Yukie Sako
6 sentyabr 2014 (2014-09-06)

Usaqi yağışlı gündə Luna ilə gəzir. Bu zaman başı Luna ilə söhbətə qarışan Usaqini az qala maşın vurur, amma birdən bir qız onu xilas edir. Usaqinin ondan xoşu gəlir.

Usaqi məktəbdə onun məktəbə yeni gələn Makoto adlı qız olduğunu düşünür. Hamıdan güclü qız olduğundan məktəbdə hər kəs ondan çəkinir, xüsusi gücünün olduğunu düşünürlər. Makoto buna görə günorta yeməyini bayırda yeməyə gəlir. Usaqi onu görüb yanına yaxınlaşır. Makoto öz yeməyini ona təklif edir. Usaqi onu video oyun salonuna aparır. Burada Ami ilə rastlaşırlar. Oyun oynayan zaman Makoto salonda işləyən Motoki Furuhata ilə qarşılaşır. Onu keçmiş senpayına (sevgilisinə) bənzədir.

Şəhərdə bir gəlinlik dükkanı haqqında şayiə yayılır. Guya gəlinlik dünkkanında maniken gecələr canlanıb kişiləri başdan çıxarıb götürür. Usaqi, Ami və Makoto Reyin yanına — məbədə gedirlər və orada iki qadının ərlərinin qaytarılması üçün dua etdiklərini görürlər.

Makoto evə gec qalmamaq üçün qızlardan ayrılır. Gəlinlik dünkkanındakı manikenin əslində məxluq olduğu ortaya çıxır. Məxluq Furuhatanın zehnini ələ keçirir və ondan Makotoya zərər verməsi üçün istifadə edir. Tuksedo Mask Seylor döyüşçülərini çağırır. Amma məxluqla gələn Nefrit onları sıxışdırır. Makoto ona mane olmaq istəyir. Makotonun alnında Yupiter planetinin astonomik işarəsi peyda olur və Makoto Seylor Yupiterə çevrilərək məxluqu məğlub edir, Nefriti də gəldiyi yerə geri göndərir. 
6 "Tuksedo Mask"
"Takishīdo Kamen –Takishīdo Masuku–" (タキシード仮面 –Tuxedo Mask–)
Yako İkedaYuci KobayaşiMiho Tanaka
Yukie Sako
20 sentyabr 2014 (2014-09-20)

Luna Seylor Muna yeni silah — Ay əsası verir. Bununla düşmənlərinə daha çox zərər verə biləcəyini bildirir.

Bu zaman Mamoru Çiba yuxularında üzünü görə bilmədiyi və tanımadığı şəhzadə görməyə davam edir. Məhz onun kim olduğunu tapmaq üçün Əfsanəvi Gümüş Kristalın axtarışındadır. Usaqi isə yuxusunda tanımadığı və üzünü görmədiyi bir cəngavər görür.

Səhər Usaqi, Ami və Makoto məktəbə gedərkən xəbərlərdə guya Taksedo Maskın Əfsanəvi Gümüş Kristalı əldə etmək üçün müxtəlif cinayətlər işlədiyini eşidirlər. Bu xəbər bütün şəhərə yayılır, Taksedo Mask haqqında mənfi fikir yaranır. Əslində isə kristalı tapmaq üçün Taksedo Mask bilərəkdən belə xəbər yaymışdı. Qara Krallıq bundan yararlanmaq istəyir, Zoysayt kristalın və insan enerjisinin arxasınca göndərilir. Televiziya verilişi sayəsində hər kəsin zehnini ələ keçirir və hər kəsin şüursuz şəkildə kristalı axtarmasını təmin edir.

Bu hadisələrə görə Luna Usaqi, Ami, Rey və Makoto ilə video oyun salonunda iclas keçirir və Usaqiyə Taksedo Maskın düşmən ola biləcəyini deyir. Usaqi bunu qəbul etməyib iclası yarımçıq tərk edib qaçır. Ami, Rey və Makoto Seylor döyüşçülərinə çevrilirlər, təkbaşına Zoysayt və Kraliça Beril ilə döyüşməli olurlar, amma məğlub olurlar. Taksedo Mask Usaqini tapıb onu ilhamlandırır, Usaqi Seylor Muna çevrilib dostlarını xilas edir, Ay əsası ilə insanların zehinlərini təmizləyir. Amma huşunu itirir və buna görə Taksedo Mask onu evinə aparır. 
7 "Mamoru Çiba –Taksedo Mask–"
"Chiba Mamoru –Takishīdo Masuku–" (地場衛 –Tuxedo Mask–)
Narumi KurodaMatsumi İtoPaul Ano-Nuevo
Aries Nario
Kozue Komatsu
4 oktyabr 2014 (2014-10-04)

Usaqi Mamorunun evində oyanır. Onun əslində Taskedo Mask olduğunu öyrənir. Mamoru 6 yaşında ikən avtomobil qəzasına düşdüyünü, ata və anasının qəzada öldüyünü, yaddaşını isə itidirdiyini bildirir. Yuxularında tez-tez naməlum bir şəhzadəni gördüyünü və onun Əfsanəvi Gümüş Kristal ifadəsini dediyini, bu kristalı tapacağı halda yaddaşının geri gələ biləcəyini əlavə edir. Daha sonra Usaqi sağollaşıb evi tərk edir.

Qaranlıq Krallıqda Kraliça Beril Kraliça Metariyaya bir az insan enerjisi gətirir. Kraliça Metariya Berilə Əfsanəvi Gümüş Kristalı tez tapmasını, Seylor döyüşçülərini məhv etməsini, Ay Krallığının varisinin oyanmasının qarşısını almasını əmr edir.

Tokioda qəribə DVD dükkanı açılır. Bu dükkandan film alıb izləyənlər özünü qəribə aparmağa başlayırlar. Seylor döyüşçüləri bu haqda müzakirə edirlər, Seylor V-nin axtardıqları şəhzadə ola biləcəyini düşünürlər. Usaqi və dostları Seylor döyüşçülərinə çevrilirlər. Seylor Mun sağaldıcı dəyənəyi ilə insanları hipnozdan ayıldır. Bu zaman Zoysayt peyda olur. Bunun tələ olduğu məlum olur. Seylor döyüşçüləri Seylor Munun köməyinə gəlir, amma cəhdləri faydasız qalır. Taksedo Maskın da köməyi nəticə vermir. Zoysayt Əfsanəvi Gümüş Kristalı tələb edir. Zoysayt Seylor Munu öldürmək istəyəndə Seylor V ortaya çıxır və Ay bumeranqı ilə ona mane olur. Zoysayt geri çəkilir. 
8 "Minako –Seylor V–"
"Minako –Sērā Bui–" (美奈子 –Sailor V–)
Hiroyuki SatoYuci KobayaşiHiroşi Şimizu
Kozue Komatsu
18 oktyabr 2014 (2014-10-18)

Zoysayt məğlub olub Qaranlıq Krallığıa geri qayıtdıqdan sonra Seylor V özünü qızlara tanıtdırır. Əslində Seylor Venera, əsl adının Minako Ayno və axtardıqları şəhzadə olduğunu bildirir. Video oyun salonunda vəzifələrini və Qaranlıq Krallığın məqsədlərini xatırladır. Əfsanəvi Gümüş Kristalın təhlükəsiz yerdə olduğunu deyir. Seylor döyüşçüləri onu qoruyacaqlarına söz verirlər.

Qaranlıq Krallıqda Kraliça Metariya Berildən Əfsanəvi Gümüş Kristalın şəhzadədə ola biləcəyini və ondan oğurlamasını istəyir. Kraliça Beril bu məqsədlə Kunsaytı göndərir. Kunsayt Seylor Veneraya mesaj yollayır: Tokio qülləsinə təkbaşına və Əfsanəvi Gümüş Kristalı ilə gəlməlidir. Əks halda digər insanlar öləcəkdir. Minako təkbaşına getmək istəyir, amma digər Seylor döyüşçüləri onunla birlikdə gəlirlər. Tokio qülləsində Kunsayt ilə döyüşməyə başlayırlar. Seylor Mun Tokio qülləsindən düşür, amma Taksedo Mask peyda olub onu xilas edir. Seylor Mun ikinci dəfə dostlarının köməyinə gəlmək istəyəndə Kunsayt ona öz gücü ilə atəş açır. Taksedo Mask isə Seylor Munu xilas etmək üçün özünü onun qabağına atır. 
9 "Sereniti –Şəhzadə–"
"Sereniti –Purinsesu–" (セレニティ –Princess–)
Kumiko HabaraMutsumi İtoMomoko Makiuçi
Kozue Komatsu
1 noyabr 2014 (2014-11-01)

Döyüş meydanında Seylor Mun Taksedo Maskın ölümü ilə sarsılır və ağlamağa başlayır. Bu zaman alnında aypara işarəsi peyda olur və əslində onun Şəhzadə Sereniti olduğu məlum olur. Seylor Munun gözlərindən axan göz yaşlarından biri Əfsanəvi Gümüş Kristala çevrilir. Əfsanəvi Gümüş Kristalın içindən çıxan işıq Taksedo Maskın bədəninə girib onu yenidən həyata qaytarır. Bunu görən Kraliça Beril də döyüş yerinə gəlir və Kunsayt ilə birlikdə Taksedo Maskı oğurlayıb Qaranlıq Krallığa aparır.

Usaqi özünə gələ bilmir. Oyun salonunda Artemis hər şeyi danışır. Məlum olur ki, Mamoru Çiba əslində Şəhzadə Endimionun reinkarnasiyasıdır. Uzun illər əvvəl Endimion ilə Sereniti sevgili idilər. Seylor döyüşçüləri isə Usaqinin qoruyucuları idilər. Lakin başlayan bir üsyan nəticəsində Endimion öldürülür, Sereniti isə buna dözməyib özünə qəsd edir. Yalnızca uzun illər keçdikdən sonra bədənləri yenidən reinkarnasiya olunub.

Qaranlıq Krallıqda isə Kraliça Beril Mamorunun bədənində kristalı axtarır, amma tapa bilmir. Böyük dördlüyə kristalı tapana qədər onu sağ tutmalarını əmr edir.

Usaqi evində yatmağa çalışır, amma alınmır. Ami, Rey, Makoto, Minako, Luna və Artemis onun evinə baş çəkirlər. Usaqi nə edəcəyi bilmədiyini deyir. Luna isə bəzi sualların cavabını tapmaq üçün Aya getməyi təklif edir. Seylor döyüşçüləri bu fikir ilə razılaşırlar. 
10 "Ay"
"Mūn –Tsuki–" (Moon –月–)
Masato MitsukaYuci KobayaşiAkira Takahaşi
Kozue Komatsu
15 noyabr 2014 (2014-11-15)

Seylor döyüşçüləri Aya yollanmağı hazırlaşırlar. Parkda güclərindən istifadə edib Yerdən ayrılırlar. Ayda yerləşən Sereniti dənizindəki Ay qalasının qalıqlarına enirlər. Burada onlar buranı gəzib ibadət otağına çatırlar. Burada daşdan qılınc tapırlar. Seylor döyüşçüləri onu yerdən çıxarırlar. Bu zaman Kraliça Serenitinin iradəsi oyanır və onlarla danışmağa başlayır. Kraliça Sereniti onlara başa salır ki, uzun illər bundan qabaq Usaqi Şəhzadə Sereniti idi və digər Seylor döyüşçüləri onu qoruyurdular. Sereniti Yerə etdiyi bir səyahətdə Endimiona vurulmuşdur. Lakin bir gün Kraliça Metariya Əfsanəvi Gümüş Kristalın gücünü idarə etmək üçün Yer insanlarının zehnini ələ keçirib Aya hücum etmələrinə şərait yaratmışdı. Endimion Serenitini qoruyarkən ölmüş, buna dözməyən Sereniti isə özünü öldürmüşdür. Kraliça Sereniti Metariyanı möhürləyə bilmişdir, lakin hər kəs ölmüş, Ay və Yer krallıqları məhv olmuş, tarix yenidən başlamışdır. Kraliça Sereniti Usaqi və dostlarından onu yenidən dayandırmağı xahiş edir.

Qaranlıq Krallıqda isə Kraliça Beril ilə Kraliça Metariyanın söhbətinə gizlicə qulaq asan Sitenno əslində Endimionun cəngavərləri olduqlarını, lakin zehinlərinin ələ keçirildiklərini xatırlayırlar. Onlar Berilə müqavimət göstərmək istəsələr də, Beril yenə onların zehinlərini ələ keçirir. Sitenno Tokioya hücum edib hər kəsi dondurur. Seylor döyüşçüləri onlarla vuruşmağa başlayır, lakin əvvəlki həyatlarında onlara vurulduqlarını xatırlayırlar, onlara qarşı vuruşa bilmirlər. Seylor Mun özü onları məğlub edib Tokionu xilas edir.

Kraliça Beril Əfsanəvi Gümüş Kristalı ələ keçirmək üçün yeni plan hazırlayır. Bunun üçün Mamorunun zehnini ələ keçirib kristal dalınca Tokioya yollayır. 
11 "Birləşmə —Endimion—"
"Saikai –Endimion–" (再会 -Endymion-)
Miho HirayamaMutsumi İtoMiho Tanaka
Kozue Komatsu
6 dekabr 2014 (2014-12-06)

Kraliça Berilin tələsinə düşən Mamoru Əfsanəvi Gümüş Kristalı ələ keçirmək üçün oyun salonuna gedir. Burada işləyən Furuhatanın və dostu Endonun zehinlərini ələ keçirir. Endonu yollayıb, özünü onun adı ilə Furuhatanın dostu kimi təqdim edir.

Usaqi, Rey, Minako və Makoto iclas keçirmək üçün Aminin evinə yollanırlar. Minako qılınc ilə almazı sındıraraq onun gücünü yoxlayır. İclasın gedişində Usaqi yatır, oyandıqdan sonra dostlarına demədən oyun salonuna yollanır. Video oyun salonunda Mamorunu görüb şok keçirir, onun kim olduğundan əmin la bilmir. Furuhata onu dostu Endo kimi təqdim edir. Usaqi çaş-baş qalır. "Endo" onunla "Sailor V" video oyununu oynamağını xahiş edir və Usaqi bunu qəbul edir. Onun hərəkətlərindən şübhələnən Luna Seylor döyüşçülərinə xəbər verirlər. Dostlarının xəbərdarlıqlarına baxmayaraq Usaqi yenə Mamoru ilə görüşür. Makoto və Ami öyrənirlər ki, bu şəxs əslində Endo deyil. Makoto buna görə gecə oyun salonuna basqın edir, amma onun zehni Mamoru tərəfindən ələ keçirilir.

Mamoru və Furuhata Makotonun köməyi ilə oyun salonun altındakı qərargahı tapırlar. Makotonun köməyi ilə digər Seylor döyüşçülərini bura çəkirlər. Makoto kristalı oğurlamaq istəyir, amma Rey ona mane olur və Makoto huşunu itirir. Mamoru ilə Seylor döyüşçüləri döyüşməyə başlayır, amma məğlub olurlar. Usaqi onunla döyüşmək istəmir, amma sonda buna məcbur olur. Lakin onun da cəhdləri fayda vermir və Mamoru kristalı ələ keçirir. Bu zaman Kraliça Beril də gəlir və onları öldürəcəyini deyir. 
12 "Düşmən —Kraliça Metariya—"
"Teki –Kuin Metaria–" (敵 –Queen Metaria–)
Hiroyuki SatoYuci KobayaşiPaul Ano-Nuevo
Kozue Komatsu
20 dekabr 2014 (2014-12-20)

Kraliça Berilin Gümüş Minillik dövründə ruhunu Kraliça Metariyaya satdığı, Yerdə Aya qarşı üsyan başlatdığı və Endimionu öldürdüyü məlum olur. Onun əmri ilə Mamoru Seylor Munu öldürmək istəyir, amma Makoto özünə gəlib ona mane olur. Kraliça Beril saçları ilə onları tutur. Seylor döyüşüçüləri az qala öləcəkkən Seylor Venera Müqəddəs Qılıncdan istifadə edib saçlarını kəsir. Seylor Merkuri Berilin gücünün onun boyunbağısından gəldiyini müəyyən edir. Seylor Mun onun boyunbağısını qılınc ilə sındırır və Kraliça Beril ölür. Qılınc parlamağa başlayır və üzərində qəribə işarələr peyda olur. Metariya ona əmr edir ki, qılıncı oğurlasın. Mamoru qılıncı oğurlayır, amma qaçmaq istəyəndə Seylor Mun da dalınca gəlir. Digər Seylor döyüşçüləri ona mane ola bilmir. Seylor Mun Qaranlıq Krallığa gəlib çıxır.

Qaranlıq Krallıqda Seylor Mun Mamorunu özünə gətirməyə çalışır, amma Kraliça Metariyanın gəlişi ilə vəziyyət lap çətinləşir. Luna ona xəbər verir ki, Əfsanəvi Gümüş Kristalın parlamamasının səbəbi onun bir hissəsinin Endimionun içərisindədir. Seylor Mun onu onun içindən çıxarmalı və Müqəddəs qılıncla Kraliça Metariyanı möhürləməlidir. Bu zaman Seylor döyüşçüləri kömək etmək istəyirlər, lakin Qaranlıq Krallığın girişində Sitenno ilə qarşılaşırlar. Sitennonun üzvləri onları dayandırır, lakin Seylor döyüşçüləri mübarizəyə davam edirlər. Sonda Seylor döyüşçüləri onların əslində kim olduqlarını yada sala bilirlər, amma Kraliça Metariya bunu görüb Sitennonu məhv edir. Seylor döyüşçüləri bundan şoka düşsələr də, Usaqiyə köməyə gedirlər. Lakin gec qalırlar. Mamorunu daha bu halda görməyə dözməyən Seylor Mun həm onu, həm özünü Müqəddəs Qılınc ilə öldürür. 
13 "Son döyüş —Reinkarnasiya—"
"Kessen –Rīinkānēshon–" (決戦 –Reincarnation–)
Yukio KayzavaMutsumi İtoYaşiyuki İşikava
Kozue Komatsu
3 yanvar 2015 (2015-01-03)

Usaqi və Mamorunun ölümündən sonra (əslində isə ölməyiblər, Usaqi Müqəddəs qılınc ilə Mamorunun Sitenno daşlarını, özündə isə Mamorunun saatını səhvən nişan almışdı) kristal ilə onun işığı birləşir və Əfsanəvi Gümüş Kristal böyüyür. Kraliça Metariya Əfsanəvi Gümüş Kristalı, Mamorunu və Usaqini aparır. Seylor döyüşçüləri və pişiklər ona mane olmaq istəyir, amma nəticə vermir.

Kraliça Metariya Qaranlıq Krallıqdan çıxıb bütün dünyanı qaranlıq qüvvə ilə bürüyür. Bütün dünya onun nəzarəti altına keçir. Luna və Artemis dua etmək üçün Aya gedirlər. Seylor döyüşçüləri isə Seylor Munu ayıltmaq üçün öz həyatlarını qurban verirlər. Seylor Mun Kraliça Metariyanın bədəninin içində ayılır. Nə özünü, nə Mamorunu öldürə bilmədiyini anlayır. Kraliça Metariya onu öldürmək istəyəndə Seylor Mun Mamorunu götürüb Əfsanəvi Gümüş Kristalın köməyi ilə onun bədənindən qaçır. Seylor Mun Əfsanəvi Gümüş Kristalla onu möhürləmək istəyir, amma ilk cəhdi alınmır. Sitenno üzvlərinin xəyalları Mamorunun köməyinə gəlir, ona Kraliça Metariyanı üzünün ortasındakı işarəni dəlib keçməklə məğlub etməyin mümkün olduğunu deyirlər. Mamoru Seylor Munu ilhamlandırır. Seylor Mun ikinci cəhdini edir. 
14 "Son və başlanğıc —Petite Étrangère—"
"Shūketsu Soshite Hajimari –Puchit Etoranjēru" (終結 そして 始まり –Petite Étrangère–)
Munehisa SakaiYuci KobayaşiAkira Takahaşi17 yanvar 2015 (2015-01-17)

Seylor Mun kristalın verdiyi güclər Kraliça Metariya ilə döyüşməyə başlayır. İlk öncə gücü buna çatmır. Buna görə də Seylor Mun dua etməyə başlayır. Luna isə Aydadır. Ayda olarkən Kraliça Serenitinin xəyalı ona başa salır ki, kristalın və Ayın gücünü artırmağın yolu dua etməkdir. Luna da Ay qalasından dua edir. Nəticədə, Ayın və kristalın gücü artır, Seylor Mun bu güclə Kraliça Metariyaya son həmlə ilə zərbə endirib məhv edir. Lakin döyüşün sonunda broşkası məhv olur və Seylor Mun adi vəziyyətinə qayıdır.

Kraliça Metariya məhv olsa da, dünyadakı hər kəs huşsuz, dostları isə ölü vəziyyətindədir. Usaqi çarəsiz vəziyyətdə qalır. Bu zaman Luna onu Aya çağırır. Usaqi və Mamoru Əfsanəvi Gümüş Kristal vasitəsilə Aya — Luna ilə Artemisin yanına gedirlər. Artıq Gümüş Minillik əvvəlki vəziyyətinə qayıtmışdır. Usaqi kraliça olmaq istəmədiyini, artıq Yerə aid olduğunu bildirir. Kraliça Sereniti Usaqiyə çevrilmək üçün yeni broşka verir. Bu broşkaya artıq kristalını qoya biləcək. Usaqi bir daha Seylor Muna çevrilir, insanları ayıldır, ölmüş dostlarını dirildir.

Usaqi Yerə qayıdır. Ami, Rey, Makoto və Minako yenidən dirilirlər və Usaqi ilə görüşürlər. Artıq hər şey əvvəlki vəziyyətinə qayıdır. Lakin seriyanın sonunda Rey hansısa qara qüvvə hiss edir. 

II mövsüm: Qara Ay (2015)[redaktə | əsas redaktə]

No. Azərbaycanca adı
Yaponca adı
Rejissor Ssenari müəllifi Animasiya rejissoru İlk efir tarixi
15 "İnfiltrasiya —Seylor Mars—"
"Shinnyū –Sērā Māzu–" (侵入 –Sailor Mars–)
Naoyuki İtoMutsumi İtoMiho Tanaka
Yumiko İşi
Yoşiko Minamihara
Kozue Komatsu
7 fevral 2015 (2015-02-07)
16 "Qaçırılma —Seylor Merkuri—"
"Yūkai –Sērā Mākyurī–" (誘拐 –Sailor Mercury–)
Yoko İkedaYuci KobayaşiPaul Ano-Nuevo
Kozue Komatsu
21 fevral 2015 (2015-02-21)
17 "Müəmma —Seylor Yupiter—"
"Himitsu –Sērā Jupitā–" (秘密 –Sailor Jupiter–)
Kumiko HabaraMutsumi İtoMomoko Makiuçi
Kozue Komatsu
7 mart 2015 (2015-03-07)
18 "Hücum —Seylor Venera—"
"Shinryaku –Sērā Vīnasu–" (侵略 –Sailor Venus–)
Yukihiko NakoaYuci KobayaşiTBA21 mart 2015 (2015-03-21)
19 "Zaman əyilməsi —Seylor Pluton—"
"Taimu Wāpu –Sērā Purūto–" (タイム・ワープ –Sailor Pluto–)
Yukio KayzavaMutsumi İtoTBA4 aprel 2015 (2015-04-04)
20 "Kristal Tokio —Kral Endimion—"
"Kurisutaru Tōkyō –Kingu Endimion–" (クリスタル・トーキョー –King Endymion–)
Hideki HiroşimaYuci KobayaşiTBA18 aprel 2015 (2015-04-18)
21 "Qarışıqlıq —Nemesis—"
"Sakusō –Nemeshisu–" (錯綜 –Nemesis–)
Hiroyuki SatoYuci KobayaşiTBA2 may 2015 (2015-05-02)
22 "Gizli gündəlik məsələ —Nemesis—"
"Omowaku –Nemeshisu–" (思惑 –Nemesis–)
TBATBATBA16 may 2015 (2015-05-16)
23 "Gizli manevrlər —Vaysmen—"
"An'yaku —Waizuman—" (暗躍 -Wiseman-)
TBATBATBA6 iyun 2015 (2015-06-06)
24 "Hücum —Qara Leydi—"
"Kōgeki –Burakku Redi–" (攻撃 –Black Lady–)
TBATBATBA20 iyun 2015 (2015-06-20)
25 "Açıqlama —Ölü Fantom—"
"Taiketsu –Desu Fantomu–" (対決 –Death Phantom–)
TBATBATBA4 iyul 2015 (2015-07-04)
26 "Təkrar —Heç vaxt bitmir—"
"Saisei –Nebā Endingu–" (再生 –Never Ending–)
TBATBATBA18 iyul 2015 (2015-07-18)

III mövsüm: Ölüm həvariləri (2016)[redaktə | əsas redaktə]

No. Azərbaycanca adı
Yaponca adı
Rejissor Ssenari müəllifi Animasiya rejissoru İlk efir tarixi
27 "Sonsuzluq 1 Qabaqcadan hiss etmə – I hissə –"
"Mugen 1 - yokan Zenpen -" (無限1-予感・前編 -)
4 aprel 2016 (2016-04-04)
Gecəyarısı Firon 90 adlı varlıq dünyanı ələ keçirmək barədə Kaolinit adlı qadınla söhbət edir. Mamoru ilə Rey isə həmin gecə mənfi aura hiss edirlər. Bu zaman Usaqi yuxuda Mamoru ilə evləndiyini görür, birdən oyanır və yenə gecikdiyini görür. Usaqi xəbərlərdə tələbələrə hücum edən bir bədheybət haqqında və həmin tələbələrin "Geri dönmə" adlı prosesə məruz qaldıqlarını eşidir. UsaqiÇibiusa Mamoru ilə görüşə tələsir. Mamoru Usaqini öpmək istəyəndə yenə mənfi aura hiss edir. Məktəbdən sonra Usaqi öz dostları ilə görüşmək üçün video oyun salonuna gəlir. Makoto ilə maşın oyunu oynayarkən Haruka Tenno adlı yaraşıqlı tələbə ilə qarşılaşırlar. Eyni zamanda Mamoru Miçiru Kayo adlı qızla toqquşur və Miçiru əlindən güzgüsünü salır. Mamoru güzgünü yerdən qaldıranda Miçiru bu güzgünün insanların əvvəlki həyatlarında kim olduqlarını göstərdiyini deyir. MiçiruHaruka birlikdə oranı tərk edəndən sonra Usaqi və dostları onların Muqen Akademiyasında təhsil aldıqlarını başa düşürlər (məktəbli formalarına əsasən). Qəflətən Seylor döyüşçülərinin önündə bir qız bədheybətə çevrilir. Seylor döyüşçüləri onları məğlub edirlər, Haruka və Miçiru onları uzaqdan izləyirlər. Seylor döyüşçüləri qurbanların Muqen Akademiyasının tələbələri olduqlarını öyrənirlər və bu akademiyanı tədqiq etməyə qərar verirlər. 
28 "Sonsuzluq 1 Qabaqcadan hiss etmə – II hissə –"
"Mugen 1 - yokan Kōhen -" (無限1-予感・後編 -)
11 aprel 2016 (2016-04-11)
Usaqi evə qayıdır və Çibiusanı Mamoru ilə telefonla danışarkən yaxalayır. Usaqi öyrənir ki, Mamoru sabah Çibiusa və onun dostlarını əyləncə parkına aparacaq. Usaqi də gəlmək istəyir, amma Mamoru ona sabah dostları ilə Muqen Akademiyasına getməli olduğunu xatırladır. Eyni zamanda Kaolinit Cadugərlər 5-in üzvlərinə Seylor döyüşçülərini tapıb məhv etmək qarşılığında özünün Maqus rütbəsini vəd edir. Usaqi və dostları Muqen Akademiyasının qarşısına gəlirlər və pis aura hiss edirlər. Minako yenə kimsə tərəfindən izləndiklərini hiss edir. Usaqi Muqen Akademiyasına soxulmaq üçün Maskalanma qələmi vasitəsilə akademiya tələbəsinə çevrilir və dostlarını geridə buraxıb akademiyaya girir. Binada gəzərkən Usaqi musiqi səsi eşidib ona doğru gedir. Çöldə Mamoru və Çibiusa da musiqini eşidirlər. Usaqi Miçirunun skripka çaldığını görür, amma Miçiru ifasını dayandırıb bura gəlməyin təhlükəli olduğunu deyir. Haruka Usaqinin dostlarının qarşısına çıxıb burdan getmələrini istəyir. Usaqi akademiyanın əsl tələbəsi tərəfindən ifşa olunur və dostlarının yanına tələsir. Binanın ətrafında itmiş papağını axtaran Çibiusa acı çəkən qızla rastlaşır. Çibiusa ona kömək təklif edir, amma qız köməkdən imtina edir. Usaqi Çibiusa və qızı tapanda bədheybət peyda olur və broşkaları işıq saçır. Usaqi və dostları Seylor döyüşçülərinə çevrilərək bədheybətə qarşı döyüşürlər. Seylor Mun sonda bədheybəti məhv edir və onun əslində pişik olduğunu öyrənir. Seylor Çibi Mun qızın yaralanıb-yaralanmadığından əmin olmaq istəyir, amma əvəzində qız Çibiusanın qolundakı yaranı bir toxunuşla sağaldır. Seylor Mun və digərləri bu zaman onlar üçün yad olan Seylor döyüşçüsü geyimində iki nəfər görürlər. 
29 "Sonsuzluq 2 – Ləpələr –"
"Mugen 2 - Hamon -" (無限2 波紋)
18 aprel 2016 (2016-04-18)
İki naməlum döyüşçü uzaqlaşdıqdan sonra Çibiusanın xilas etdiyi müəmmalı qız onun yarasını qəribə güclə sağaldır. Qız özünü Hotaru Tomoe kimi təqdim edir. Az sonra özünü hələ də pis hiss edən Hotaru atası Professor Soyçi Tomoe və köməkçisi Kaorinin yanına qayıdır. Atası onun ağrısını azaltmaq üçün ona amulet verir. Amulet işə yarasa da, Hotarunun içərisində qəribə hiss yaranır. Seylor döyüşçüləri son hadisələri müzakirə edərkən Kaolinit Firon 90-nı təhdid edən "işıq gücləri"ni araşdırmaq qərarına gəlir. O, Rey, Hotaru və Mamoru kimi Üç talisman barədə əlamət alır. Mamoru Professor Soyçi haqqında tədqiqatlar apararkən Miçiru ilə rastlaşır. Miçiru ona professorun Muqen Akademiyasından qovulmazdan əvvəl akademik cəmiyyətin üzvü olduğunu, indi isə onun adının sehirlə hallandığını deyir. Miçiru ona növbəti konserti üçün iki bilet təklif edir. Onların söhbətinə uzaqdan tamaşa edən Usaqi Miçirunu müəmmalı iki Seylor döyüşçüsündən birinə bənzədir. Usaqi oyun salonunda Haruka ilə rastlaşır və onu digər müəmmalı Seylor döyüşçüsünə bənzədir. Usaqi ona Seylor döyüşçüsü olub-olmadığını soruşur, amma Haruka heç nə bilmədiyini deyir. Rey arındırma məşqi keçmək və Muqen Akademiyası tərəfindən keçirilən tədbiri izləmək üçün dağlara gedir. Amma Usaqi, Ami, Makoto və Minako onun 15-ci ad gününü qeyd etmək üçün xəbərsiz yanına gəlirlər. Daha sonra Makoto Haruka ilə cüdo idmanında döyüşür, amma Haruka onu asanca məğlub edir. Makotonun dostları bir oğlanın qızın üstünə belə getməsinin doğru olmadığını deyəndə Haruka cinsiyyətin əhəmiyyətsiz olduğunu deyir. Gecə Cadugərlər 5-in üzvü Evdial Muqen tələbələrinə həyat enerjilərini verməyə məcbur edir. Yatarkən pis şeylər hiss edən Rey və Makoto Seylor döyüşçülərinə çevrilərək Evdialla üzləşirlər. Özünü Ölüm həvarilərinin üzvü kimi təqdim edən Evdial hər ikisini məğlub edir. Döyüşə sonradan qatılan Usaqi Evdialı öldürür. Bu zaman Seylor Mun naməlum Seylor döyüşçüsü görür və dalınca düşür. Seylor Mun ittiyini düşünərkən həmin şəxs arxasında peyda olur və işlərinə qarışmamalarını deyir. Daha sonra isə Usaqini öpür. 
30 "Sonsuzluq 3 – İki yeni döyüşçü –"
"Mugen 3 Futari - New Soldiers -" (無限3 –2人 New Soldiers)
25 aprel 2016 (2016-04-25)
Usaqini öpdükdən sonra müəmmalı döyüşçü aradan çıxır. Gecə Usaqi bu müəmmalı döyüşçünün əslində Haruka olduğu hissinə qapılır. Usaqi, digər döyüşçülər, Mamoru və Hatoru üç talisman və şəhərin məhvi haqqında eyni yuxu görürlər. Növbəti gün Usaqi Haruka ilə qarşılaşır və Haruka ona Miçirunun konserti üçün 5 bilet verir. Usaqi və dostları qərar gəlirlər ki, konsertdə iştirak etmək Muqen Akademiyasını tədqiq etmək üçün yaxşı şans ola bilər. Minako eyni gecə baş tutacaq Mimi Hanyunun da konsertinə marağını ifadə edir. Seylor döyüşçüləri əslində Miminin Cadugərlər 5-in üzvü olan və Kaolinitə Firon 90 üçün bədənlər əldə edəcəyini bildirən Mimeto olduğundan bixəbərdirlər. Həmin gecə Çibiusa Hotarunun evini ziyarət edir. Çibiusa öyrənir ki, Hotaru kiçik olarkən zədələr almışdır. Hotaru qəflətən özünü pis hiss edəndə Çibiusa onun ağrısını yüngülləşdirmək üçün Gümüş Kristaldan istifadə edir. Hotaru Gümüş Kristal və onun Seylor Çibi Mun şəxsiyyəti haqqında heç nə deməyəcəyinə söz verir. Hotaru etiraf edir ki, onun atası şübhəli tədqiqatlarla məşğuldur, lakin iddia edir ki, atası əslində pis insan deyil və Çibiusadan bunu sirr kimi saxlamasını istəyir. Evə qayıdanda Haruka və Miçiru Çibiusaya vertolyotlarına minməyi təklif edirlər. Söhbətləri zamanı Miçiru Çibiusaya əl güzgüsünün talisman olduğunu deyir. Axşam Miçirunun konserti baş tutur, amma Minako Seylor Vi günlərində maskalanmaq üçün istifadə etdiyi xüsusi alətdən istifadə edərək Muqen Akademiyasının tələbəsinə çevrilir və Mimi Hanyunun konsertinə gizlicə soxulur. Minako Miminin Mimetoya çevrilib izdihamın üzərinə sehr göndərdiyinə şahidlik edir. Minako Seylor Veneraya çevrilir və Mimetoya hücum edir. Mimeto 3 bədheybət çağırır. Usaqi və digərləri döyüşə qatılırlar və hər bədheybəti məhv edirlər. Hiddətlənmiş Mimeto Çibiusaya hücum edir. Amma Mimeto özlərini Seylor UranSeylor Neptun kimi təqdim edən iki sirli döyüşçü tərəfindən öldürülür. 
31 "Sonsuzluq 4 Seylor Uran –Haruka Tenno– Seylor Neptun –Miçiru Kayo–"
"Mugen 4 Sērā Uranusu –Ten'nō Haruka– Sērā Nepuchūn –Kaiō Michiru–" (無限4 Sailor Uranus 天王はるか Sailor Neptune 海王みちる)
2 may 2016 (2016-05-02)
Usaqi və dostları Seylor Uran və Seylor Neptunun məqsədləri haqqında sual verirlər. Amma Seylor Uran onların müttəfiqləri olmadıqlarını və onlarla birlikdə döyüşmək niyyətində olmadıqlarını bəyan edir. Çibiusa Seylor Neptunun əlində tutduğu əl aynasının talisman olduğunu görür və Seylor Neptunun Miçiru olduğunu yəqin edir. Seylor döyüşçülər bu iki yeni döyüşçüyə talismanların təbiəti, yıxımın qabaqcadan hiss edilməsi və Ölüm həvariləri haqqında təzyiq edirlər. Seylor Neptun skripkasının köməyi ilə sonik səs dalğaları yaradıb qrupun fikrini yayındırırlar. Seylor Uran Dünya Sarsıntısı hücumundan istifadə edərək onları şüursuz hala salır. Daha sonra Luna onların Seylor Pluton digər döyüşçülərdən fərqli vəzifələri olan döyüşçülər olduğunu üzə çıxarır. Onlar Gümüş Minilliyi uzaqdan qoruyurlar və digər döyüşçülərlə görüşməyə ehtiyacları yoxdur. Artemis onların reinkarnasiya olunduqlarına təəccüblənir və hansısa təcili vəziyyətin yarandığını güman edir. Usaqi və Mamoru "Yıxımın ilahı" haqqında eyni yuxu görürlər. Növbəti gün Usaqi yenə Haruka ilə rastlaşır. Usaqi Haruka küləyin qoxusunda onun Seylor Uran olduğunu anladığını deyir. Haruka onun əsl şəxsiyyətini öyrəndiyindən gileylənir və Usaqi onun kişi yoxsa qadın olduğunu soruşanda, Haruka bunun əhəmiyyət kəsb edib-etmədiyini soruşur. Mamoru gələndə Haruka uzaqlaşır. Evə qayıdan Usaqi və Mamoru Çibiusanın məktəb layihəsinə kömək edirlər. Çibiusa anasının suvenerlərindən biri olan "Əfsanəvi Müqəddəs Qraalı"n oxşarını düzəltmək niyyətindədir. İş bitdikdən sonra Usaqi və Mamoru Miçiru və Haruka ilə bağlı qısqanclıq hislərini etiraf edirlər və barışırlar. 
32 "Sonsuzluq 5 Seylor Pluton –Setsuna Meyo–"
"Mugen 5 Sērā Purūto –Meiō Setsuna–" (無限5 Sailor Pluto 冥王せつな)
9 may 2016 (2016-05-09)
33 "Sonsuzluq 6 – Üç qoruyucu –"
"Mugen 6 San Senshi" (無限6 3戦士)
16 may 2016 (2016-05-16)
34 "Sonsuzluq 7 Çevrilmə –Super Seylor Mun–"
"Mugen 7 Henshin –Sūpā Sērā Mūn–" ()
23 may 2016 (2016-05-23)
35 "Sonsuzluq 8 Sonsuz –Labirint 1–"
"Mugen 8 Mugen –Meikyū 1–" (無限8「無限迷宮」1)
30 may 2016 (2016-05-30)
36 "Sonsuzluq 9 Sonsuz –Labirint 2–"
"Mugen 9 Mugen –Meikyū 2–" (無限9「無限迷宮」2)
6 iyun 2016 (2016-06-06)
37 "Sonsuzluq 10 Sonsuz –Üst atmosfer–"
"Mugen 10 Mugendai –Joukuu–" (無限10 無限大―上空)
13 iyun 2016 (2016-06-13)
38 "Sonsuzluq 11 Sonsuz – Hakim –"
"Mugen 11 Mugendai –Shinpan–" (無限11 無限大―審判)
20 iyun 2016 (2016-06-20)
39 "Sonsuzluq 12 Sonsuz – Səyahət –"
"Mugen 12 Mugendai –Tabidachi–" (無限12 無限大―旅立ち)
27 iyun 2016 (2016-06-27)

Seylor döyüşçüləri[redaktə | əsas redaktə]

"Sailor Moon Crystal" cizgi serialında Seylor döyüşçüləri

Media[redaktə | əsas redaktə]

Yaponiya[redaktə | əsas redaktə]

King Records animenin DVD və Blu-ray formatında 13 cildini yayımlamışdır.[9]

King Records
Cild Seriyalar Blu-ray yayımlanma tarixi DVD/Blu-ray yayımlanma tarixi
Cild 1 1–2 15 oktyabr 2014 12 noyabr 2014[10][11]
Cild 2 3–4 12 noyabr 2014[12] 10 dekabr 2014[13][14]
Cild 3 5–6 10 dekabr 2014[15] 14 yanvar 2015[16][17]
Cild 4 7–8 14 yanvar 2015[18] 11 fevral 2015[19][20]
Cild 5 9–10 11 fevral 2015[21] 11 mart 2015[22][23]
Cild 6 11–12 11 mart 2015[24] 8 aprel 2015[25][26]
Cild 7 13–14 8 aprel 2015[27] 13 may 2015[28][29]
Cild 8 15–16 13 may 2015[30] 10 iyun 2015[31][32]
Cild 9 17–18 10 iyun 2015[33] 8 iyul 2015[34][35]
Cild 10 19–20 8 iyul 2015[36] 12 avqust 2015[37][38]
Cild 11 21–22 12 avqust 2015[39] 9 sentyabr 2015[40][41]
Cild 12 23–24 9 sentyabr 2015[42] 7 oktyabr 2015[43][44]
Cild 13 25–26 7 oktyabr 2015[45] 11 noyabr 2015[46][47]

İstinadlar[redaktə | əsas redaktə]

  1. Mohajer-Va-Pesaran, Daphne (July 3, 2013). "Happy birthday, Sailor Moon!". The Japan Times. http://www.japantimes.co.jp/culture/2014/07/03/general/happy-birthday-sailor-moon/. İstifadə tarixi: 13 aprel 2016.
  2. "Sailor Moon Crystal Anime Confirmed for 26 Episodes". Anime News Network (April 30, 2014).
  3. "New Sailor Moon Anime by Toei to Premiere in July". Anime News Network (January 19, 2014).
  4. ""Sailor Moon Crystal: Death Busters Arc" Cast Additions Introduced". Crunchyroll.
  5. "The first episode of the Infinity Arc of Sailor Moon Crystal will be previewed at a March 6th event". Sailor Moon News (February 19, 2016).
  6. "Sailor Moon Crystal 3rd Season's 1st Trailer Streamed". Anime News Network (March 6, 2016).
  7. "Sailor Moon Crystal 3rd Season's Premiere Date, Theme Songs Revealed". Anime News Network (March 6, 2016).
  8. "Sailor Moon Crystal Season 3 Preview Animation". Anime News Network (March 26, 2016).
  9. "セーラームーンCrystalのBDは、オルゴールが付く豪華版". Natalie. Natasha Inc. (July 5, 2014).
  10. "アニメ「美少女戦士セーラームーンCrystal」Blu-ray(初回限定豪華版)第1巻". Toei Animation.
  11. "アニメ「美少女戦士セーラームーンCrystal」Blu-ray(通常版)第1巻". Toei Animation.
  12. "アニメ「美少女戦士セーラームーンCrystal」Blu-ray(初回限定版)第2巻". Toei Animation.
  13. "アニメ「美少女戦士セーラームーンCrystal」DVD(通常版)第2巻". Toei Animation.
  14. "アニメ「美少女戦士セーラームーンCrystal」Blu-ray(通常版)第2巻". Toei Animation.
  15. "アニメ「美少女戦士セーラームーンCrystal」Blu-ray(初回限定版)第3巻". Toei Animation.
  16. "アニメ「美少女戦士セーラームーンCrystal」DVD(通常版)第3巻". Toei Animation.
  17. "アニメ「美少女戦士セーラームーンCrystal」Blu-ray(通常版)第3巻". Toei Animation.
  18. "アニメ「美少女戦士セーラームーンCrystal」Blu-ray(初回限定版)第4巻". Toei Animation.
  19. "アニメ「美少女戦士セーラームーンCrystal」DVD(通常版)第4巻". Toei Animation.
  20. "アニメ「美少女戦士セーラームーンCrystal」Blu-ray(通常版)第4巻". Toei Animation.
  21. "アニメ「美少女戦士セーラームーンCrystal」Blu-ray(初回限定版)第5巻". Toei Animation.
  22. "アニメ「美少女戦士セーラームーンCrystal」DVD(通常版)第5巻". Toei Animation.
  23. "アニメ「美少女戦士セーラームーンCrystal」Blu-ray(通常版)第5巻". Toei Animation.
  24. "アニメ「美少女戦士セーラームーンCrystal」Blu-ray(初回限定版)第6巻". Toei Animation.
  25. "アニメ「美少女戦士セーラームーンCrystal」DVD(通常版)第6巻". Toei Animation.
  26. "アニメ「美少女戦士セーラームーンCrystal」Blu-ray(通常版)第6巻". Toei Animation.
  27. "アニメ「美少女戦士セーラームーンCrystal」Blu-ray(初回限定版)第7巻". Toei Animation.
  28. "アニメ「美少女戦士セーラームーンCrystal」DVD(通常版)第7巻". Toei Animation.
  29. "アニメ「美少女戦士セーラームーンCrystal」Blu-ray(通常版)第7巻". Toei Animation.
  30. "アニメ「美少女戦士セーラームーンCrystal」Blu-ray(初回限定版)第8巻". Toei Animation.
  31. "アニメ「美少女戦士セーラームーンCrystal」DVD(通常版)第8巻". Toei Animation.
  32. "アニメ「美少女戦士セーラームーンCrystal」Blu-ray(通常版)第8巻". Toei Animation.
  33. "アニメ「美少女戦士セーラームーンCrystal」Blu-ray(初回限定版)第9巻". Toei Animation.
  34. "アニメ「美少女戦士セーラームーンCrystal」DVD(通常版)第9巻". Toei Animation.
  35. "アニメ「美少女戦士セーラームーンCrystal」Blu-ray(通常版)第9巻". Toei Animation.
  36. "アニメ「美少女戦士セーラームーンCrystal」Blu-ray(初回限定版)第10巻". Toei Animation.
  37. "アニメ「美少女戦士セーラームーンCrystal」DVD(通常版)第10巻". Toei Animation.
  38. "アニメ「美少女戦士セーラームーンCrystal」Blu-ray(通常版)第11巻". Toei Animation.
  39. "アニメ「美少女戦士セーラームーンCrystal」Blu-ray(初回限定版)第11巻". Toei Animation.
  40. "アニメ「美少女戦士セーラームーンCrystal」DVD(通常版)第11巻". Toei Animation.
  41. "アニメ「美少女戦士セーラームーンCrystal」Blu-ray(通常版)第12巻". Toei Animation.
  42. "アニメ「美少女戦士セーラームーンCrystal」Blu-ray(初回限定版)第12巻". Toei Animation.
  43. "アニメ「美少女戦士セーラームーンCrystal」Blu-ray(通常版)第12巻". Toei Animation.
  44. "アニメ「美少女戦士セーラームーンCrystal」DVD(通常版)第12巻". Toei Animation.
  45. "アニメ「美少女戦士セーラームーンCrystal」Blu-ray(初回限定版)第13巻". Toei Animation.
  46. "アニメ「美少女戦士セーラームーンCrystal」DVD(通常版)第13巻". Toei Animation.
  47. "アニメ「美少女戦士セーラームーンCrystal」Blu-ray(通常版)第13巻". Toei Animation.