Salam Məmmədəliyev
| Salam Məmmədəliyev | |
|---|---|
| Doğum tarixi | |
| Doğum yeri | Bakı, Azərbaycan SSR |
| Atası | Vamiq Məmmədəliyev |
| Milliyyəti | azərbaycanlı |
| Fəaliyyət illəri | 1998-ci ildən |
Salam Vamiq oğlu Məmmədəliyev — Azərbaycan televiziya rejissoru.
Həyatı[redaktə | mənbəni redaktə et]
Salam Vamiq oğlu Məmmədəliyev Bakıda anadan olub. 1998-2002-ci illərdə Azərbaycan Dövlət Mədəniyyət və İncəsənət Universitetində təhsil alıb. "O olmasın, bu olsun" tamaşasında "qoçu Əsgər, "Kuraj ana"da keşiş və gənc vəkil obrazlarında iştirak edib.
1998-2000-ci illərdə AzTV-də "Tələbə klubu" verilişində rejissor assistenti, 2000-2002-ci illərdə isə Lider TV-də “Bumeranq şou” verilişində rejissor assistenti, "Jazz time" verilişində rejissor assistenti və rejissor olaraq çalışıb. Lider TV-də Cəfər Cabbarlıya həsr olunmuş filmdə onun obrazını ifa edib. 2005-ci ildən İctimai televiziyada rejissor, 2010-cu ildən isə quruluşçu rejissor kimi çalışır[1]. Bir çox musiqili-əyləncəli verilişlərə quruluş verib. Avroviziya Mahnı Müsabiqəsinin milli seçim turunun quruluşçu rejissoru olmuşdur[2]. Hazırda "Ozan məclisi" və "Ustad dərsi" kimi musiqi verilişlərinin rejissorudur.
Ailəsi[redaktə | mənbəni redaktə et]
- Tarzən Vamiq Məmmədəliyevin oğludur.
- Rejissor və prodüser İqbal Məmmədəliyevin qardaşıdır.
Filmoqrafiya[redaktə | mənbəni redaktə et]
- Bir gecə (film, 2002) – rejissor, montajçı
- Sükutun səsi (film, 2003) – rejissor assistenti
- Əslində MƏN... (portretlər silsiləsi, 2006)
- Bir mahnının tarixçəsi (2006)
- Dalan (film, 2012) – ikinci rejissor[3]
- Muğamla döyünən ürək (film, 2019)[4]
Hal hazırda "Yaxşı həkim" verilişinin quruluşçu rejissorudur.
İstinadlar[redaktə | mənbəni redaktə et]
- ↑ Türkan Bəşir, Elmin Nuri. ""Bir kəndin məşhurları" - Kürdəxanı kəndinin tanınmışları" (az.). Modern.az. 14.10.2015. 2019-04-20 tarixində arxivləşdirilib. İstifadə tarixi: 2020-08-27.
- ↑ IRFS. "Media qurumlarının təmsilçiləri "Avroviziya-2012" ilə bağlı müzakirə aparıblar" (az.). IRFS. 14.07.2011. 2016-05-04 tarixində arxivləşdirilib. İstifadə tarixi: 2020-08-27.
- ↑ Reyhan İsayeva. ""Dalan": yeni televiziya filmi" (az.). Medeniyyet.az. 12.10.2011. 2020-01-16 tarixində arxivləşdirilib. İstifadə tarixi: 2020-08-27.
- ↑ İctimai TV. "Muğamla döyünən ürək - Vamiq Məmmədəliyev" (az.). İctimai TV. 19.06.2019. İstifadə tarixi: 2020-08-27.[ölü keçid]