Salih Salihov

Salih Salihov
Doğum tarixi	1909
Doğum yeri	Ağdaş, Ərəş qəzası, Yelizavetpol quberniyası, Rusiya imperiyası
Vəfat tarixi	1976
Vətəndaşlığı	Rusiya imperiyası→ AXC→ SSRİ
Milliyyəti	azərbaycanlı
Elmi dərəcəsi	tibb elmləri doktoru
Təhsili	Azərbaycan Tibb Universiteti
Mükafatları

Salih Salihov (1909, Ağdaş – 1976) — tibb elmləri doktoru, professor, Yəmən Krallığının həkim-terapevti (1960).

Həyatı

Salih Salihov 1909-cu ildə Ağdaş rayonunda anadan olub. 1922-ci ildə Bakıya gələrək fəhlə fakültəsinə qəbul olmuş və pedaqoji təmayüllü orta təhsil almışdır. 1933-cü ildə ali pedaqoji təhsil alan S Salihov bir müddət orta məktəb və texnikumlarda fizika-riyaziyyat fənləri üzrə müəllimlik etmişdir. Lakin təbabət elminə olan böyük həvəs onu 1939-cu ildə N. Nərimoanov adına Azərbaycan Tibb İnstitutuna gətrimişdir. 1943-cü ildə müalicə-profilaktika sahəsini bitirən S. Salihov institutda saxlanmışdır. S. Salihov 1950-ci illərdə namizədlik, 1967-ci ildə doktorluq dissertasiyasını müdafiə etmişdir. Onun Azərbaycan kurortlarının öyrənilməsində mühüm xidmətləri vardır. O, 100-dən artıq elmi məqalənin və üç monoqrafiyanın müəllifi olmuşdur. S. Salihov 1976-cı ildə vəfat etmişdir.

Fəaliyyəti

O, əvvəlcə I hospital terapiya kafedrasında kliniki ordinator, sonra assistent, dosent və 1957-ci ildən kafedranın müdiri seçilmişdir. S Salihov Tibb İnstitutunda işləməklə bərabər, 1944–45-ci illərdə əvvəlcə Naftalan kurortunun direktoru, sonra isə Naftalan sanatoriyasının baş həkimi işləmişdir. S. Salihov 1950–52-ci illərdə N. A. Semaşka adına klinikanın baş həkimi vəzifəsində işləmişdir. S. Salihov 1956-cı ildə Yəmən Krallığına həkim-terapevt kimi ezam edilmişdir. O, Ümumittifaq Terapevtlə və Kardioloqlar Cəmiyyətinin sədr müavini, Azərbaycan SSR Səhiyyə Nazirliyinin Terapiya üzrə attestasiya komissiyasının sədri, Azərbaycan tibb jurnalının redaksiya heyətinin üzvü olmuşdur.

Mükafatları

S. Salihova 1960-cı ildə "Səhiyyə əlaçısı" nişanı və "Azərbaycan SSR fədakar həkimi" fəxri adı verilmişdir. O, 1960-c ildə Azərbaycan SSR Ali Soveti Rəyasət Heyətinin fəxri fərmanı və 1977-ci ildə "Əmək rəşadətinə görə" medalı ilə təltif olunmuşdur.