Sergey Şoyqu

Vikipediya, açıq ensiklopediya
Jump to navigation Jump to search
Sergey Şoyqu
Сергей Шойгу
Official portrait of Sergey Shoigu.jpg
Doğum tarixi: 21 may 1955 (1955-05-21) (63 yaş)
Doğum yeri: Çadan şəhəri, Tuva, SSRİ
Vətəndaşlıq: Flag of Russia.svg Rusiya
Xidmət illəri: 1991 - günümüzə
Rütbə: Ordu generalı
Bağlılığı: Rusiya Silahlı Qüvvələri
Vəzifəsi: Rusiya Federasiyası Müdafiə naziri
İmzası: İmza
Hərbi parad zamanı, 9 may 2014-cü il.

Sergey Şoyqu (rusca: Серге́й Кужуге́тович Шойгу́; tuva: Сергей Күжүгет оглу Шойгу; d. 21 may 1955) Rusiya Federasiyasının müdafiə naziri, ordu generalı.

Həyatı[redaktə | əsas redaktə]

Sergey Şoyqu 1955-ci il mayın 21-də Tuva Muxtar Vilayətinin Çadan qəsəbəsində dünyaya gəlib. Atası Tuva türklərindəndir, anası isə rusdur.[1] Tuva Respublikasının Kızıl şəhərində yerləşən 1 nömrəli məktəbdə təhsil alıb.[2] Şoyqu soyadının da maraqlı tarixçəsi var. “Rusiyanın Səsi” radiosunun məlumatına görə, S.Şoyqunun atası Kuşaget dünyaya gələndə yerli hökumət məmuru onun adı ilə soyadını qarışdıraraq yanlışlıqla Şoyqu yazır və beləcə də qalır.[3]

Maraqlıdır ki, dünyanın ikinci ən böyük ordusunun rəhbərinin hərbi təhsili olmayıb. Sergey Şoyqu 1977-ci ildə Krasnoyarsk Politexnik İnstitutunu inşaat mühəndisliyi üzrə bitirib və Sibirin bir sıra şəhər və qəsəbələrində inşaat mühəndisi kimi çalışıb. 1988-ci ildə Kommunist Partiyasına üzv olub, 1990-cı ildə isə Rusiya Federasiyası Memarlıq və İnşaat Komitəsinin sədr müavini vəzifəsinə təyin olunub.

1994-cü ildə Rusiya Fövqəladə Hallar Nazirliyinə rəhbər təyin olunan Şoyqu bu vəzifədə dayanmadan 18 il çalışıb. Rusiyanın müasir tarixində ən çox vəzifədə qalan nazirdir. 2012-ci ildə bir müddət Moskva vilayətinin qubernatoru təyin olunan Şoyqu elə həmin il Putin tərəfindən müdafiə naziri vəzifəsinə gətirilib.[4][5]

1999-cu ildən hakim Vahid Rusiya Partiyasının üzvü olan Şoyqu Putinə ən yaxın şəxslərdən hesab olunur. Rusiya Federasiyası qəhrəmanı medalına layiq görülmüş S.Şoyqu eyni zamanda beynəlxalq yanğınsöndürənlər və xilasedicilər idman Federasiyasının sədridir.[6] Futbol oynamaq, at sürmək kimi idman növlərinə meylli olduğu bilinən müdafiə nazirinin Rusiyada ən qiymətli hesab oluan 40 milyon dollar dəyərində qılınc kolleksiyasına sahib olduğu iddia edilir.

Sergey Şoyqunun adı son illərdə Rusiya ordusunun modernləşdirilməsində müsbət mənada hallansa da, onun haqqında rüşvət və korrupsiya ittihamları da var. Bir qədər əvvəl Rusiya mətbuatı Şoyqunun Müdafiə Nazirliyinin obyektlərinin dəyərindən ucuz qiymətə satılmasında ittiham olunduğunu yazıb. Rusiyanın müdafiə naziri ruscadan başqa, 3 dildə - ingilis, türk və yapon – danışa bilir. Ailəlidir, iki qızı var.

Həmçinin bax[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Sergey Şoyqu ilə əlaqəli mediafayllar var.