Serhat Akpınar
| Serhat Akpınar | |
|---|---|
 | |
| Doğum tarixi | 1 fevral 1964 (60 yaş) |
 Vikianbarda əlaqəli mediafayllar | |
Serhat Akpınar (1 fevral 1964) — Kipr türk sahibkar və pedaqoq. Kiriniya Amerikan Universiteti və Kipr Amerika Universitetinin qurucu rektoru və İdarə Heyətinin sədridir.
İlk illəri[redaktə | mənbəni redaktə et]
Serhat Akpınar 1 fevral 1964-cü il tarixində Kiprdə, Nikosiya şəhərinin Ərəbəhməd rayonunda anadan olmuşdur. O, ibtidai və orta təhsilini Kiprdə başa vurmuşdur. Akpınar Birləşmiş Krallıqda biznesin idarə edilməsi üzrə bakalavr və magistr dərəcələrini tamamlamış, beynəlxalq marketinq üzrə ixtisaslaşmışdır. O, London Şəhər Universitetini bitirmişdir. Akpınar Harvard Universiteti və Qaliley Kollecinin birlikdə idarə etdiyi Ali Təhsil Qurumlarının İdarəetmə Proqramı ilə təhsilini davam etdirmişdir.[1][2]
Karyera[redaktə | mənbəni redaktə et]
Təhsil[redaktə | mənbəni redaktə et]
Serhat Akpınar 1985-ci ildə Şimali Kipr Türk Respublikası ilk özəl universiteti olan Kiriniya Amerikan Universiteti təsis etmişdir.[2] Bu gün universitet ABŞ, Birləşmiş Krallıq, Türkiyə, Moldova, Şri-Lanka və Honkonqda müstəqil və birgə yaradılmış ümumi kampuslara malikdir. Akpınar Nyu-Hempşir Kolleci və Cənub-Şərqi Universiteti ilə əməkdaşlıq edərək bu universitetlərin ilk beynəlxalq kampuslarını qurmuşdur. 1988-ci ildə Cənub-Şərqi Universitetinin regional direktoru olmuş və 1998-ci ilə qədər bu vəzifəni icra etmişdir. O, Qazaxıstan Prezidenti yanında Ali Təhsil Şurasının üzvləri arasında idi və Nursultan Nazarbeyev Universitetini quran Təsisçilər Komitəsində iştirak etmişdir.[3] 2012-ci ildə Akpınar Şimali Kipr Türk Respublikasnın Nazirlər Şurasının yekdil səsi ilə Səyahət Səfiri təyin edilmişdir.[4] Akpınar 2014-cü ildə Türkiyədə pilot təhsili verə bilən azsaylı mülki aviasiya məktəblərindən birini qurmuşdur. İstanbuldakı Beynəlxalq Aviasiya Akademiyasında pilotluq və kabin xidmətləri kimi sahələrdə kurslar açılmışdır.[5][6]
Digər[redaktə | mənbəni redaktə et]
Akpınar Kiprin şimalında fəaliyyət göstərən ingilisdilli "Cyprus Observe" qəzetini təsis etmişdir.[7] O, Nikosiyada yerləşən Böyük Hamamın bərpa proqramına rəhbərlik etmiş və Kiriniya Amerikan Universiteti Turizm və Otel İdarəetmə fakültəsi üçün istifadə edilən "Le Chateau Lambousa" otelini yenidən açmışdır.[8] Serhat Akpınar tərəfindən imzalanan qərara əsasən, İkinci Qarabağ müharibəsi şəhidlərinin və qazilərinin övladları Girnə Amerikan Universitetində ödənişsiz əsaslarla təhsil ala bilərlər.[9]
Akpınar 2007-ci ildə Kipr Uşaq Vəqfini yaratmışdır.[10] Vəqf yarandığı gündən uşaq hüquqları və uşaq unkişafını dəstəkləmək üçün bir çox regional və beynəlxalq təşkilatlarla əməkdaşlıq edir. Akpınar "DMW Diplomats International"ın İdarə Heyətinin üzvü və 2017-ci ildə vitse-prezident vəzifəsinə təyin edilmişdir.[11] Eyni təşkilatın bir hissəsi olaraq, Kipr bölməsinin qurucu sədrliyini üzərinə götürmüşdür.[12] Kipr Universitetlər Birliyinin prezidenti vəzifəsində çalışmışdır və adada ali təhsil təşəbbüslərinin irəliləməsinə töhfə vermişdir.[13] Akpınar Kipr Osmanlı Kitabxanasını Kipr Amerika Universitetinin tərkibində istifadəyə vermişdir.[14]
Mükafat və təltiflər[redaktə | mənbəni redaktə et]
Serhat Akpınar 1996-cı ildə Biznes İdarəçiləri Birliyi Fəxri Payesi (SBP), 1997-ci ildə Daşkənd Dövlət İqtisad Universitetindən Fəxri Paye, 2000-ci ildə Avropa Beynəlxalq Məktəblər Birliyi (ECIS) Beynəlxalq Pedaqoq Mükafatı, 2002-ci ildə Minsk İdarəetmə İnstitutundan Fəxri Doktora, Qazaxıstan İdman və Turizm Akademiyası Taekvondo və Şərq İdmanları "Professor Adı", həmin il Oş Dövlət Universitetinin Fəxri Doktoru, 2004-cü ildə Qazaxıstan İrs Universitetinin Fəxri Doktoru, 2007-ci ildə Şimali Kipr İlin Sahibkarı Mükafatı, 201-ci ildə Avropa Beynəlxalq Mükafatı Pedaqoq Mükafatı – ECIS, 2017 Şimali Kipr Türk Respublikası Baş Nazirliyi tərəfindən mükafat, eyni il Kiriniya Müqəddəs İlarion Rotari Klubunun Peşəkar Mükafatı, Kipr Gənc Televiziyasının XX Yubiliyi Fəxri Xidmət Mükafatı və Türk Dünyası Xidmət Mükafatı (TÜRKSAV), 2018-ci ildə Qaqauziya Dövlət Medalı, 2019-cu ildə Türk Asiya Strateji Araşdırmalar Mərkəzinin Strateji Vizioner Biznesmeni Mükafatı, həmin il Türkiyə Qızıl Brend Mükafatlarında İlin Təhsil Markası Mükafatı, 2020-ci ildə Avrasiya Xidmət Ordeni və həmin il Azərbaycan Diasporla İş üzrə Dövlət Komitəsinin Təşəkkürnaməsinə layiq görülmüşdür. Akpınar Birləş Krallıqdakı Biznes Təcrübəçiləri Assosiasiyasının fəxri üzvüdür.[15]
Şəxsi həyatı[redaktə | mənbəni redaktə et]
Serhat Akpınar evlidir, iki övladı var.[16] Onun bir qardaşı var.[1]
İstinadlar[redaktə | mənbəni redaktə et]
- ↑ 1 2 Kyreniacatkin. "GAU – Serhat Akpinar – A Man with Vision". CyprusScene (ingilis). 6 Mart 2013. 2013-05-13 tarixində arxivləşdirilib. İstifadə tarixi: 1 Mart 2022.
- ↑ 1 2 "DR. SERHAT AKPINAR". TASAM (türk). 2022-02-28 tarixində arxivləşdirilib. İstifadə tarixi: 1 Mart 2022.
- ↑ ""Siz" olarak hazırım". 2022-03-01 tarixində arxivləşdirilib. İstifadə tarixi: 2022-03-01.
- ↑ "AKPINAR, MOLDOVA CUMHURBAŞKANI IGOR DODON İLE BİRARAYA GELDİ". Girne American University (türk). 2022-03-01 tarixində arxivləşdirilib. İstifadə tarixi: 2022-03-01.
- ↑ "GAÜ BÜNYESİNDE MERSİN'DE ULUSLARARASI HAVACILIK LİSESİ KURULUYOR". Girne American University (türk). 2017-04-19 tarixində arxivləşdirilib. İstifadə tarixi: 2022-03-01.
- ↑ "Akpınar: "KKTC'nin tek pilotaj okulu olarak, "İstanbul Aırshow"da yer almak gurur vericiydi"". Kıbrıs Postası (türk). 9 Ekim 2016. 2022-03-01 tarixində arxivləşdirilib. İstifadə tarixi: 2022-03-01.
- ↑ "North Cyprus – The Grand Akpinar Patisserie Draw in the Cyprus Observer newspaper". tfrnorthcyprus (ingilis). 11 Aralık 2014. 2015-05-15 tarixində arxivləşdirilib. İstifadə tarixi: 2022-03-01.
- ↑ "BÜYÜK HAMAM YENİYÜZÜYLE HİZMETE GİRİYOR". Yeni Düzen (türk). 1 Ocak 2011. 2022-03-01 tarixində arxivləşdirilib. İstifadə tarixi: 2022-03-01.
- ↑ Şəhid və qazi övladları KKTC-nin bu universitetində ödənişsiz təhsil ala bilər
- ↑ "(GAÜ) Kurucu Rektörü ve Yöneticiler Kurulu Başkanı Serhat Akpınar, Başkanlığını yürüttüğü, "Kıbrıs Çocuk Vakfı" adına, 20 Kasım Dünya Çocuk Hakları günü dolayısıyla mesaj yayımladı" (türk). 22 dekabr 2017 tarixində arxivləşdirilib.[ölü keçid]
- ↑ "Son zamanlarda, insan haklarının ve diplomasinin ilerletilmesine adamış uluslararası bir STK olan DMW Diplomats International'ın Başkan Yardımcılığına seçildi" (türk). 22 dekabr 2017 tarixində arxivləşdirilib.[ölü keçid]
- ↑ "BM ve AB Komisyonu onayı ile kurulan Uluslararası Diplomatlar Birliği, Kuzey Kıbrıs Başkanlığı'na atandı". 2017-12-22 tarixində arxivləşdirilib. İstifadə tarixi: 2022-03-01.
- ↑ "Kıbrıs Üniversiteler Birliği'ne yeni başkan". DHA (türk). 7 Mayıs 2021. 2021-06-13 tarixində arxivləşdirilib. İstifadə tarixi: 2022-03-01 – Hürriyet vasitəsilə.
- ↑ "KAÜ OSMANLI KÜTÜPHANESİ, KIBRIS TÜRK REHBERLER BİRLİĞİ'NE TANITILDI". 2016-10-24 tarixində arxivləşdirilib. İstifadə tarixi: 2022-03-01.
- ↑ "Yaşam & Ben" (türk). 2022-03-01 tarixində arxivləşdirilib. İstifadə tarixi: 2022-03-01.
- ↑ "DP kontenjan adayı Serhat Akpınar'dan Fikri Ataoğlu'na teşekkür". MYK Gündem (türk). 15 Aralık 2021. 2022-02-28 tarixində arxivləşdirilib. İstifadə tarixi: 1 Mart 2022.