Sina Berköz

Vikipediya, azad ensiklopediya
Jump to navigation Jump to search
Sina Berköz
Sina Bərköz.jpg
Şəxsi məlumatlar
Doğum tarixi 24 fevral 1936 (1936-02-24) (84 yaş)
Doğum yeri İstanbul, Türkiyə Respublikası
Vətəndaşlığı Türkiyə Respublikası
Təhsili İstanbul Texniki Universiteti
İşləri və nailiyyətləri
Elmi işləri Building Technology
Construction Project Management

Sina Berköz - əslən azərbaycanlı türk memar, professorelm adamı.[1]

Həyatı[redaktə | əsas redaktə]

Sina Bərköz 1936-cı ildə İstanbulda anadan olmuşdur.

Təhsili[redaktə | əsas redaktə]

1960-cı ildə İstanbul Texniki Universitetinin memarlıq fakültəsini bitirmişdir. 1968-ci ildə elə İstanbul Texniki Universitetində bu sahə üzrə doktarantura təhsilini də tamamlamışdır.[2]

Elmi fəaliyyəti[redaktə | əsas redaktə]

1960-1972-ci illər arasında İstanbul Texniki Universitetinin memarlıq fakültəsində müəllim köməkçisi vəzifəsində çalışmışdır. 1972-ci ildə dosent olmuş və 1982-ci ilə qədər həmin universitetdə müəllim vəzifəsində çalışmışdır. Bu dövr ərzində 1969-1971-ci illərdə ABŞ-da Kornell və Kanzas universitetlərində Fullbright proqramı çərçivəsində müəllim olaraq dərs demiş və araşdırmalar aparmışdır.

1979-cu ildə professor akademik ünvanını qazanmışdır.

1980-1988-ci illər arasında Səudiyyə Ərəbistanında King Saud Universitetinin memarlıq və planlama fakültəsinin memarlıq bölümündə professor olaraq çalışıb.

1988-də yurda döndükdən və qısa bir müddət özəl sektorda çalışdıqan sonra 1990-da yenidən İstanbul Texniki Universiteti memarlıq fakültəsində işləməyə başlayıb.

1992-də Memar Sinan Universitetinin memarlıq fakültəsində müəllimlik edib. 1997-də Səudiyyə Ərəbistanında King Feysəl Universiteti memarlıq və planlama fakültəsindən aldığı təkliflə Memar Sinan Universitetinin icazəsiylə həmin fakültənin yapım bilimi və texnologiyası bölümündə 1998-1999-cu tədris ilinin sonunadək qonaq professor vəzifəsində çalışıb.[2]

2000-də Memar Sinan Universitetindən öz istəyi ilə təqaüdə çıxaraq Bəhreyn Universitetinin mühəndislik fakültəsində professor olaraq vəzifə tutub. İndi də bu universitetdəki akademik və idari vəzifələrinə davam etməkdədir.

İxtisas sahələri tikinti texnologiyası (Building Technology) və tikinti layihə idarəçiliyidir (Construction Project Management). Tikinti layihə idarəçiliyi ixtisası daxilində xüsusilə kompüter dəstəkli araşdırma və tətbiq mövzuları ilə maraqlanmaqdadır.

Prof. Dr. Sina Bərköz Avstraliyada yayınlanan “Architectural Science Review” adlı dərginin 1976-cı ildən 2000-ci ilədək redaksiya heyətinin üzvü vəzifəsini daşıyıb (Bəhreynə gedərkən bu vəzifəni buraxıb); ABŞ-dakı PMI-Project Management Institute, CMAA - Construction Management Association of America ilə ACCE - American Council for Construction Education adlı qurumların da üzvü olub.[2]

Azərbaycanla əlaqəsi[redaktə | əsas redaktə]

Prof. Dr. Sina Bərköz, Şəkidə doğulmuş, 1905-də ailəsiylə birgə Türkiyəyə mühacirət etmiş və sonralar Türkiyə Jandarmasının Baş Komandanı olmuş general-leytenant Məhəmməd Nuri Bərköz’ün (1889-1975) oğlu, T.C. Üçüncü Ordusunun komandanı və T.C. Milli Təhlükəsizlik Təşkilatının Baş katibi olmuş ordu generalı Mahmud Bərköz’ün (1895-1989) qardaşı oğludur. Ana tərəfdən də yenə Türkiyə Ordusunda general olmuş Şəkili Darğazadə Həsən Behcət paşanın (1863-1925) nəvəsidir.[1]

Həmçinin bax[redaktə | əsas redaktə]

İstinadlar[redaktə | əsas redaktə]