Sundarban

Vikipediya, açıq ensiklopediya
Keçid et: naviqasiya, axtar

Sundarban
benq. সুন্দরবন,
Tiger Sundarbans Tiger Reserve 22.07.2015.jpg
Ölkələr Flag of Bangladesh.svg Banqladeş
Flag of India.svg Hindistan



Vilayətlər Khulna, Qərbi Banqladeş
Sahəsi 139,500 ha
UNESCO logo green.svg
798
Waterbody.svg
Qanq çayı

Sundarban, Hindistan ilə Banqladeşin sərhədində yerləşən dünyanın ən böyük manqrov meşəsidir. Adı, Benqal dilində gözəl meşə mənasını verən meşənin Hindistandakı hissəsi milli park elan edilmişdir.

Sundarban meşəsi Qanq çayının dənizə töküldüyü yerdə yerləşir. Qanq çayı burada delta əmələ gətirmişdir. Bu səbəblə bu bölgədə çoxlu sayda xırda ada və bataqlıq əmələ gəlmişdir. Bölgədə dəniz suyunun duzlu olması ilə əlaqəli burada duzlu su heyvanlarına rast gəlmək mümkündür.

Etimologiya[redaktə | əsas redaktə]

Sundarman sözü benqal dilində "Gözəl meşə" mənasını verir ( Shundôr "gözəl" və BON "meşə"). Bəzi mənbələrdə meşənin adı Shomudrobôn ( "Dəniz Meşəsi") və ya Chandra-bandhe (qədim bir qəbilə adı) mənası verdiyi düşünülür.

Sundarban Milli Parkı[redaktə | əsas redaktə]

Sundarban Milli Parkı 1973 ilində Sundarban meşəsində Benqal pələngini qorumaq məqsədi ilə qoruq olması qərara gəlinmiş sonra 4 may 1984-də isə Milli Park elan edilmişdir. Sundarban meşəsi həmçinin 1997-də Ümumdünya irsi siyahısına daxil edilmişdir [1].

Flora və fauna[redaktə | əsas redaktə]

Sundarbanın əvəz olunmaz təbiəti vardır. Dünyanın ən böyük manqrov meşələrindən biri olan Sundarbanda ümumi 245 cins və 334 bitki növü qeydə alınmışdır.Sundari ağacı (Heritiera littoralis) bu bölgədə çox yayıldığı üçün adını buradan almışdır.[2]

Benqal pələnginin (Panthera tigris tigris) əsas yaşadığı bölgədir. Benqal pələngi ilə yanaşı burada müxtəlif quş növləri, ceyranlar, timsahlar, meymunlar ve piton ilanları, su tısbağaları ve kərtənkələlər yaşayır.

Əvvəllər bu bölgədə camış, kərgədan ve ceyran olmasına baxmayaraq indi onların nəsli kəsilmişdir. Bu səbəblə burada yaşayan pələnglər tez-tez öz meşələrindən ayrılıb insanlara hücum edirlər. İldə təxmini 1 və 50 arası insan ölümü müşahidə olunur.

Son illərdə Benqal pələnginin nəsli kəsilmə təhlükəsi yaramışdır. Banqladeş və Hindistan hökuməti 2011-ci və 2015-ci illərdə Sundarbanda təxmini 180 pələngin olduğunu bildirdi. Beləliklə Hindistana 106 pələng, Banqladeşə isə 74 pələng düşür.[3][4][5]

Şəkillər[redaktə | əsas redaktə]

İstinadlar[redaktə | əsas redaktə]

Xarici keçidlər[redaktə | əsas redaktə]

Vikianbarda Sundarban ilə əlaqəli mediafayllar var.