Tələbə Dünyası (qəzet)

Vikipediya, açıq ensiklopediya
Keçid et: naviqasiya, axtar
Tələbə Dünyası
Tələbə Dünyası (qəzet).gif
Format ?
Təsisçi(lər) Bakı Slavyan Universiteti
Redaktor ?
Yaranma tarixi 14.09.2000
Dil Azərbaycan dili
Qiymət ? qəpik
Baş qərargah Bakı Slavyan Universiteti
Tiraj ?
Sayt www.bsu-edu.org

Tələbə DünyasıBakı Slavyan Universitetinin nəşri

"Tələbə dünyası" qəzeti Bakı Slavyan Universiteti rektorluğunun 28 avqust 2000-ci il tarixli qərarına uyğun olaraq universitetin rektorunun 14 sentyabr 2000-ci il tarixli 46 saylı əmri ilə təsis edilmişdir.

Qəzetin ilk sayı 9 noyabr 2000-ci il tarixində nəşr olunmuşdur. 8 səhifədən ibarət olan "Tələbə dünyası" qəzetinin hər sayında 50-yə yaxın mövzularda müxtəlif rubrikalar altında universitetin müəllim, magistr və tələbələrinin məqalələri, şerləri dərc olunur.

Qəzetdə hər iki dildə - həm Azərbaycan, həm də rus dillərində məqalələr dərc olunur. "Yaddaşımızı təzələyək", "Bura Vətəndir", "Tariximizin qan yaddaşı", "Slavyan dünyası", "Əsrlərdən gələn səslər", "Nobel mükafatı laureatları", "Hikmət xəzinəsindən", "Dahi şəxslərin həyatından", "Xalq təbabəti", "Bəşəriyyətin sirləri", "Tapın görək", "Bilirsinizmi", "Bunu bilmək lazımdır" və s. rubrikalarda ictimai, siyasi, mədəni, tarixi, elmi və digər mövzular barədə geniş məlumatlar verilir. Qəzetin hər sayında universitet həyatında baş verən yeniliklər, keçirilən tədbirlər, görüşlər geniş əhatə olunur. "Rektorluq səhifəsi", "Yeniliklər" və "Aktual" səhifələrində universitetin həyatı ilə bağlı olan bütün hadisələr geniş işıqlandırılır. Digər "Tanış olaq", "Rakurs", "Tərcümə", "Düşüncələr", "Tələbə yaradıcılığı" səhifələrində dərc olunan materiallar isə universitetin magistr və tələbələrinin intellektual səviyyəsinin yüksəlməsində, onların dünyagörüşünün formalaşmasında muhum rol oynayır.

Hər tədris ilinin sonunda "Tələbə dünyası" qəzeti "Dünya tələbə gözü ilə" və "İstedadlı tələbə" adları altında müsabiqələr elan edir. Adıçəkilən müsabiqələrin sərgiləri təşkil olunur və qalib gəlmiş tələbələrə tərifnamələr verilir. Bundan əlavə qəzetin təşəbbüsü və təşkilatçılığı ilə universitetin fakültələri arasında "BSU" (BISTRO, SMELO, UMNO) adlı intellektual oyun da keçirilir.

Bütün bunlar tələbə həyatının daha maraqlı və rəngarəng olmasına imkan yaradır.

Mənbə[redaktə | əsas redaktə]